الاثنين، مايو 05، 2008

cartoon life



ليش الخيشيين يحبون يجمعون كراتين؟
يشترى موبايل..يخش الكرتون

يشترى ثلاجة...يخش الكرتون
الكرتون الوحيد اللى يقطة الخيشى أهو كرتون التلفزيون..عشان الفريج كلة يدرى ان شرى تلفزيون

أمس و انا انظف مكتبى...لقيت خمس كراتين موبايلات فاضية..مع العلم ان الموبايلات نفسها مو موجودة
كرتون آلة حلاقة شاريها قبل عشر سنين
130 فلوبي دسك
كراتين اجهزة المصنع مالها نفسة سكر

و بعد حملة التنظيفات.. جدام البيت انترس كراتين

.شافنى واحد من اليران
ها بومريوم راشك النفط...شنو كل هالاجهزة اليدية

ما يدرى انثلاث ارباع هالاجهزة انتهى عمرها الافتراضى و اجدد واحد شاريه قبل خمس سنين
-----------------


برة الموضوع

اللى يشوفك متحمسة يقول كاسترو قاعد يحرض الشعوب


عايشة العميرى تحرض الجموع


الحضور

هناك 23 تعليقًا:

Maximilian يقول...

عاد اتصدق انا عاني من مشكلة اني ما اخش الكرتون

احيانا بعد فترة احتاج الكرتون لان يكون داخله بعض البتاتيع للشغلة اللي شاريها

بس بعدين اتفاجا اني قطيته او ضيعته


بس ما اعتقد انها اعراض لعدم الخيشية

Someday يقول...

أثاري طول هالوقت اما خيشيه و لا داريانه بعمري!!!
على أثر ما لقيت كرتونه أله حاسبه من ايام الثنوي!

kila ma6goog يقول...

أمبييه

كااااااااااااااااك

قوية العميري

لوووول

mtfa2el يقول...

انا لو بنغالي ياخذالكراتين من داري يصير مخملي
اثاريني خيشي بالفطرة

Bad-Ran يقول...

تصدق .. مادري شسالفة الكراتين ؟!

*****************************

عديتهم .. طلعوا 13 وحدة بالصورة .. خنت حيلي

Q8i Blogger يقول...

زحمه يا دنيا زحمه

كنت ناوي اروح عندها .. بس زين قتلي .. ماكو مكان .. الله يعينهم

joy يقول...

واااااااااااااااي
غبرة تغبر ابليسك
قاعد اقرا الجريدة وشفت صورتها جان اقول يبله احطه بالبلووق فقيرة حجي حجي واصابع بالهوا ومشتطة على 4؟؟؟؟
مسكينة




همن فكرة كله خاشين الكراتين بس التسلط شلون يصير يوم اللي تحتاجه هالكرتون اللا انت قاطه تسلط

Enter-Q8 يقول...

انا محصل زفه من الوالد و الوالده
ترست السطح كراتيين


بس عندي سؤال

شنو موديك عند العميري

في ناس شايفينك باكثر من مقر بعد ما طلعت مدونتك بالقبس

و حاط باج على صدرك في صورة المقيحط

EXzombie يقول...

الصورة الاخيرة جنها من فلم حرب النجوم شنو هذي ام الاحمر.....!!!؟

و انا عندي واحد من الشباب يجمع باكيتات الزقاير من 8 سنين و حاطهم ببلكونة الشقة تخيل لما تشوف جبل اطول منك بالبلكونة، طبعا اضطريت اتخلص منهم، و بعدين اكتشف انه يجمع بطول بربيكان من 8 سنين بعد......!!!؟

تتوقع اهو يعتبر مخملي و لا خيشي و لا وصخ......؟!؟

JuVeNTiNa يقول...

هاهاهاهاهاهاهاها . . من شاف المكياج خرعت الحظووووور

esetch يقول...

من كثر ماني خيشي أشتري كراتين من إيكيا

Kuwait73 يقول...

توزع لبن بندوتها .

MAK يقول...

مو بس خيشي... الا من قلب.. و نجرة و حنة من المره بسبة الكراتين.. بس تدري؟ والله لهم فايدة من تدور شي تلقى الف شي بداله بالكراتين و ما تلقى اللي تبيه ليش خاشهم ما ادري.. هههه..
اما العميري فسالفتها سالفه، المسيكينة حاجزة قاعة و متكلفة و بالآخر كادرها و بنات خالتها (لأن بنات عمها مستحين من اسم العايلة و متبرّين منها) و وياهم ثلاث نقابات اطلعوا يايين يطرّون...

Diver يقول...

علم النفس يقول الاحتفاظ بلكرتون يعطيك احساس انك شاري شي يديد لما تشوفه تستانس ثانية بعدين تستوعب
بس على الاقل تستانس شوي

As YoU LiKE يقول...

لوووووووووول
الكراتين فيها فايدة ..

لكن عايشة العميري شنو فايدتها ؟

حسام بن ضرار يقول...

عايشه العميري على هاللوك يبيلها جنطة أكل و مطاره على الجتف

KrakatoA يقول...

وشفيها اذا خشيت الكراتين..على الاقل اتذكر الايام الخوالي مع اجهزتك الإلكترونية..وشكثر كان عندك بيزات وقتها وفسفستها على هالاجهزه

rwatan يقول...

مسكييينه
بس هذا الحضور إللي جاها المقر
خل تنسحب
مسكينة
:)
:)

Earthworm Jim يقول...

وحياتك حتى كرتون البيض ما أقطه

كويــتي لايــعه كبــده يقول...

يعني مو بروحي بسالفة الكراتين...

زين الحمد لله

Shurouq يقول...

بو مريوم كرتون التلفزيون حسافه ينقط
حطه بيد اليهال وعطهم ألوان.. يسوون منه بيت، أو مسرح عرايس، أو... تلفزيون

أحب الكراتين

Mother Courage يقول...

أشوة يعني تجمع الكراتين شي طبيعي؟ و آنا حسبتها من علامات الشيخوخة! البيت بيمشي من التخزين

كويــتي لايــعه كبــده يقول...

حبيت اشكرك
اليوم شحت الكراتين اللي عندي
الله يا كثرهم وما لهم معنى!

كرتون اللابتوب اللي قبل اللي عندي الحين
كراتين تلفونات مادري وينها
كرتون الآيبود (اللآيبود مولي والكرتون بحالة ممتازه!)
لقيت قفل براغي سيارتي
لقيت بلاوي زرقه

شكرا للخدمه الانسانيه