صراحة انا مستانس على النتائج الانتخابية
ايام نبيها خمس..يمكن محد كان معارض كثرى
البعض وصفنى بعدم الفهم..و البعض بالجهل بالسياسة..و الاكثرية بعدم الوطنية
و ان من الافضل تجاهلى
وزعت صكوك الوطنية للى يلبس برتقالى..و اللى مو لابس برتقالى ما حصل صك يمكن حصل طق شوى
اللحين شفيكم كفرتوا بالخمس؟
و اللى ما كفر بيقص علينا زود بوصفها بداية طريق الاصلاح الديموقراطي
و اللى ما كفر بيقص علينا زود بوصفها بداية طريق الاصلاح الديموقراطي
النكتة العودة...ان مجرد ابعادنا بعض الوجوة اهو نجاح
هذى مصيبة اذا انتوا حصرتوا الفساد باشخاص أو وجوة محدد
مشكلة اذا معركتم تطيحون فلان بس
النكتة الثانية..ان الدكتورة اسيل نجحت بحصولها على الرقم
لا يبا...دام مو بالمجلس يعنى سقطت
و الانتخابات القادمة بتحصل رقم اقل بوايد..
مو منها...من غباء التحالف الوطنى المركب
اللى حرق قلبى صج...
يوم ما طلعت النتايج
مريوم رادة من المدرسة ضايق خلقها
تقول لى..ليش محد من عايلتنا فاز بالانتخابات؟
سالتها ليش تسالين؟
تقول لى..فلانة من القبيلة الفلانية تحرنى...و فلانة من القبيلة العلانية تحرنى
هذا تعليق من ايام نبيها خمسة بمدونة اعصاب
بومريوم said...
مع كل أحترامى ,بس كل هذا الكلام عباره عن رومانسيات ليس لها أثر على أرض الواقع اللى فرض نفسه بعد تقسيم الدوائر الى خمس و عشرين
هناك حقائق فرضت نفسها و أصبح لكل حزب و قبيلة و طائفه مناطق نفوذ
الشيعة فى معظم المجالس لهم خمس نواب يزيدون أو ينقصون,هناك أربعه مضمونين فى الدائره الاولى و الدائره ال 13
و فى السنين الاخيره نائب واحد فى الثامنه عن طريق التحالف مع مرشح سنى قوى فى الدائره"المدعج مع جوهر كمثال و المليفى مع جوهر أيضا"
الخمس دمجت الاولى مع الثامنه و فوق البيعه ال12
يعنى أنسى أحد يطلع من الثامنه-باستخدام التخويف التقليدى للسنه من الشيعه-
التحالف التقليدى بالرميثيه لان يكون له أى لزوم لان السنه اصبح لهم ثقل و بالتالى فهم غير محتاجين لاصوات الشيعه
و ستكون هذه الدائره مناصفة بين العوازم و الاخوان ووكم ليبرالى عن الحسافه
و الشيعه اذا طلع منهم 2 زين
عدد سكان هذه الدائره 62 الف ناخب تمركزهم فى شسلوى و بيان و الرميثيه و النسبه الاكبر للسنه
و لحد يقولى ان السنى بيعطى الشيعى اذا كان أصلح او الشيعى بيعطى السنى اذا كان أصلح بدون ما يكون فى تحالف و لعب
تحت الطاوله
و للتوضيح انا سنى
البلوى الثانيه فى الدائره الثانيه
او دائرة اللوردات
38 الف ناخب يختارون عشر
و الدائره الخامسه 90 الف ناخب هم يختارون عشر
u said"The real intention behind the 5 districts is partly to end voting for candidates based on their religious sect"
and i say"the voting will be based on their blood color"
مثل ما قالت هدى حسين"الوحده فينا عن عشر"
النقطه الاخيره اللى احب أوضحها
انتى تقولينWe should be voting for candidates that support reform
and i say the only reform they know is reforming their pockets
و اعذرونى للاطالة
Sat May 27, 11:45:00 PM 2006
هناك 32 تعليقًا:
اوخ
اثاريك مو وتني
حسافه عليك كنا بنسوي تجمع جديد و نظمك ويانا
يا فتاة نيويورك، ما عندنا تجمع غير المو وتنيين، لازم نحافظ على وحدة الصف
الاعضاء المؤسسين لمجموعة المو وتنيين الحين وصلها طلبات انضمام من وتنيين سابقين يشار لهم بالبنان و الصبع الوسطاني
بو مريوم، هالخمة الحين السالفة عندهم لعب و حجي يهال، وطنيتهم الظاهر بطارية دم دم من طلعت النتايج بينت سطحيتهم و تفاهتهم، على طول تفلوا بويه الخمس و كفروا بها، يبا احنا لها، ما تبون الكويت باللعنة تلعن الي يابكم
الحين يبون الدائرة الوحدة ..و بيردون باجر على الخمس و عشرين ..و يصير اللي يطالب بالخمس مو وتني ..
ما يدرون إن الحل لا بالدائرة الوحدة ولا بالخمس ولا بالخمس و عشرين
الناس لو تبي إصلاح بيصير إصلاح ..هيك شعب بدو هيك نواب
ائيييييييه من زمان..بط الجربه...التنظير الهايف واللغوة الجذابة للحين ماشية عند اصوات التخالف الوتني..مشتهي واحد فيهم يقول غلطنا بحق مرشحينا وبحق الشعب..ومرة ثانية راح نعدل اسلوبنا ونقترب من الشعب...
بس مالك امل..لأنه مو مشاركينهم الامل
البدو سولكم احسن خدمة بإسقاط الحدسيين وانتو على طمام المرحوم هذا مزور وهذا فيه شبهه واخرتها..دزووووه فيكم بمخفر الروضة
بس كلمة حق المدافع عن الاموال واللي هامه وايد يكشف التزوير..بابا في شي اسمه نيابة الاموال العامه روح وقدم مستنداتك وواجه..الخفو ان يطلون بأوراقك ويقولونلك نقعها واشربها حلول
اولا اشيد ببعد نطرتك للواقع السياسي
ثانيا من الخطأالحكم على الخمس بهذه السرعه
ثالثا بوجهة نظري ان الخمس افضل من الخمس وعشرين وبنفس الوقت هي ليست بالحل السحري
ومثل ما قلت لك
هي مرحلة
مرحلة وتعدي
اي نسيت
ترى اكتشفت ان التحالف ما عليهم شرهه
الصراحه انا سمعت و قرأت اشياء يشيب لها الرأس من خرابيط و افكار و نظريات سياسية
كان ودى اعرف الاصوات المشتركه نشوف شلون التحالفات و ما إلا ذالك و بعد الى سمعتة و قرأته قمت اخاف اشوف الارقام
العادة ان الاستثناء ان الواحد يصوت بره تحالفه بس الظاهر انها القاعده
لا و الضحك هناك من يتلصق بناس فازوا و لم يكن لهم دور بفوزهم
من المجلس و من بره المجلس
ny
لا مو وطنى...بس مقدم صك للتحالف عشان اصير وطنى و عندي حرية راى و فكر
ملاحظة
مو اكثر من اللى يانا ايام الخمس
نصبوا المشانق
اكزومبى
يقولون معلقين صورتك بمقر التحالف..
التحالف موست وانتد صج؟
متفائل
و مريديين التحالف وراهم..بااااااع
كركوتا
حبيب:)
انا غبى و ما افهم بالقانون..
و هالنقطة بعد محيرتنى..
يا اخى روح النيابة و قدم الاوراق
تعرف الفزيع اللى يسمونة نصاب..و يكيكى\و الله اشرف منهم
على الاقل اثبت موقف و قدم قضية بالنيابة ضد المصفاة الرابعة
راعي تنكر
مشكور
و صح اهى مرحلة..و تعدي
فورزا
و الله كلامك عدل
نفس المصارعة الحرة
يوجه اكزومبي ضربة مقصية تجاه بو مريوم
شرايك بكلام اعصاب انها تبي تهج من البلاد و رأيك بكلام بو جيج في خرفنة المصوتين للسلف و المستقلين و رأي ساحة الصفاة بالنيباري انه فاضي، و راي الطارق بموضوع انه حدس فازت......؟!؟
منو بقى، اي شرايك بقصة مطقوق.....؟!؟
اكزومبي يقف على الحبال و ناطر بو مريوم يثبت الي في بالي على الارض علشان اسوي حركة سوبر فلاي سنوكا
exz
اعصاب تقدر تاخذها مثل حى على ليبرالية الليبراليين
يا تصير النتايج مثل ما يبون يا بنهج ..احنا و لا نخربها عليكم..
مو هذا اختيار الناس و حريتهم؟
يعنى ليبرالية مفصل عند الخياط مشتاق ايوب..
اما بوجيج فى رديت عليه هناك.. بوجييج ببرج عاجي..حدود تفكيرة الدائرى الاول..
يشوف الطبقة المسحوكة على قولتة من دريشة سيارتة و يعتقد انة يعرفهم عدل
لا يبا
تبى تعرفهم..صف دور بالعدان...
تبى تعرفهم؟
ترجى ناظر المدرسة يدخل ولدك مدرستة لانها زينة..
بس تعبت
قصة مطقوق مانى معلق عليها لان الضرب بالميت حرام
انت شرايك بالقصة؟
اكزومبي يقفز عاليا
و يطيح بالقاع، بو مريوم سوى فيه دقة
شوف اعصاب على كلامها هذا طاحت من عيني، الي يفكر يترك ديرته لأني سبب و خصوصا لسبب تافه ما يستحق اعور راسي معاه
و بوجيج جانبه الصواب في موضوعه، قمنا نشوف شق ثاني غلبه جانب انا الي افهم و انتو ما تفهمون، و الناس ما تمشي جذي و لا راح تمشي جذي
الناس راحت للسلفي و لنائب الخدمات و غيره لأنه الحكومة مو قاعدة تودي واجبها لهم، و شلون تبي الناس تطالع الحكومة و اهي تفسفس الفلوس و تضيعها و هي مو رادة على احد من غير ما تطمع.....!!!؟
مطقوق قصته ذكرتني بسلامتك و مسلسلات عبدالعزيز المسلم: مازين ما زين يشوف واحد زين، واحد ما زين عنده فلوس واجد واجد، زين ماكو فلوس، زين بتشا هبي واجد، ما زين بتشا ما هبيه، اخر مسلسل ما زين توب يصير زين و يعطي زين كل فلوس مال همه بعدين كل واحد يصير زين و يروحون الجنة كلهم حيث ياكلون لحم الطير و اللبن
نسيت النيباري.....!!!؟
المشكله ان يقولون طلع الغلط مو من ال25 دائره لا طلع الغلط من تخلف الشعب ..
ونسوا ان اهما من الشعب والا اذا بيقسمون الشعب على طبقات فهذي ديكتاتوريه مفضوحه من زمان منهم .
والأهم ان اهم مو يبون ديمقراطيه ؟
صارت الديمقراطيه والشعب اختار من يصوت له ليش زعلانين ؟
صح لسانك بومريوم
بو مريوم باااع عاد؟ الملافظ سعد
أكو ناس أيدوا الدوائر الخمس ولا زلوا ولكنهم استاءوا من نتائج انتخابات ٢٠٠٨ تحديدا.. الموضوعين منفصلين ترى
ما كفرنا بالخمس، ليش تبي تكفرنا غصب؟
بعضنا زعلان لأنه كان ودنا نوصل مرشحين أكثر من تيارنا وما توفقنا وكان أحد الأسباب في رأيي سوء الإدارة.. وهذا حال الانتخابات
بس ما أذكر إنه كنا شرسين لدرجة اتهامكم بأنكم غير وطنيين أو مو فاهمين.. أو خرفان
محشومين
السياسة وجهات نظر وقراءات مختلفة
بخلاف الدوائر الخمس اللي رفضتوها من البداية وهذا حقكم،
أعترف إني مو فاهمة ملاحظاتكم.. وما أدري إذا كان اللي تطرحونه هو رفض للعملية السياسية بكبرها، رفض للموجودين على الساحة، والا مجرد تطنز، وهو من شيمنا طبعا
:P
ودي أسألك منو اللي حظي بصوتك في الانتخابات وليش؟ ولكن ما أعتقد من اللائق إني أطلب منك إجابة
مو بلاغة شف، بس أحب أفهم التوجه اللي تنطلقون منه
وإكسزومبي كاره الدنيا من زمان ويمشي ويسب مادري شفيه؟
رغم إن نتائجها سيئة جدا و الأسوء بالطبع الدائرة الوحدة .. لكن بعد شنسوي هذه الديمقراطية حكم الأغلبية و أنت تدري الأغلبية منو و شنو ..
بس في شي غريب صار , رغم إن الفكرة الأولى و الرئيسية في موضوع الدوائر الخمس هو القضاء على ظاهرة شراء الأصوات إلا إن الدبوس رجع بعدد أصوات مو هين .. مما يعني إن لو عندك 3 ملايين ما يهمك صرت أزرق لو برتقالي.
شروق
حبيت اوضح شغلة جدام الكل انه انا ما قصدتج و لا كنت المح عليج، انا قاعد اتكلم عن الي كانوا قبل سنتين محتكرين صك الوطنية و كان من بينهم بلوغرز من التحالف، انا اختلفوا معاي سبوني ما عندي مشكلة، و اتقبل كل واحد و رايه و اناقشه و احاججه، بس في خط احمر لما الواحد يقول بهج من الكويت او انه يسب الكويتيين علشان ما عجبوه و حتى لو غشمرة انا ما اقبلها، ما ابي افتح موضوع الوطنية و شنو سوينا و لازم نسوي للديرة انتي تعرفين اكثر مني بعد بهالشي و انتي قاعده تنضرين بهالسبة من سالفة جمال العمر
طول ما هناك حكومة غير موجودة على أرض الواقع، و طول ما هناك حاجة من المواطن لخدمات حكومية تحتاج واسطة، فهذا المواطن سيلجأ إلى حمولته ـ سواء العائلة أو القبيلة أو الطائفة ـ عند التصويت.
و هذه الظاهرة، و ما نتج عنها من فرعيات او شراء أصوات، لن تختفي في القريب العاجل.
تقليص عدد الدوائر زاد من عدد الأصوات اللي يحتاجها المرشح ليدخل المجلس. و تكون للنائب قاعدة شعبية أكبر مما سبق.و هذا شي زين.
الحلم اللي يراود الكثير ان ياتي اليوم اللي يصوت ولد التجار لولد التجار مو علشان إنه ولد تجار و لكن على الرغم من كونه ولد تجار. و هكذا مع ولد الطبقة، أو القبيلة، أو الطائفة. كان هذا الحلم موجود من مجلس 62 إلى اليوم.
violenst
مثل ما تفضلت
سيوم الشعب اختار السللف..صار رجعى و جاهل و ما يفهم
شروق
لا تزعلين مو باع...ماااااااااااء
شلون ما كفرتوا بالخمس و قياداتكم تقول نبى مرسوم ضرورة بدائرة و حدة؟
بعدين تدرين ليش تياركم ما حصل نتائج مرضية؟
لان ما عمدكم تيار اصلا و الكل فيهم يلعب لمصلحتة..
و لا معقولة هيثم الشايع يحصل تغطية بالقبس أكثر من صالح الملا أو اسيل مثلا؟
تياركم بهالانتخابات لعب ضد بعضة
بس دام زعيم تياركم الصقر..ف عادي
اما رفضنا فهو موجه للاشخاص الذين يوزعون صكوك الوطنية..و احنا علة فكرة مجموعة من 40 شخص ما فيهم مدون الا انا
و على فكرة..انا ما صوتت بالانتخابات هذى
لان كان المطلوب منى ك سنى بالدائرة الاولى انى اصوت فقط عشان لا ينجح واحد شيعي
و هذا شى انا ارفض انا اشارك فيه..عهر سياسي
نصف كوب
الخمس ضخمت مساوىء الخمس و عشرين
شرقاوى
بالضبط..
يعنى المشكلة اساس مو بالحكومة مثل ما يضخمها البعض
و لا بقوى الفساد
المشكلة فينا
طول ما احنا نشوف المجلس ان اهو المنقذ الوحيد و طريق الخلاص ما راح نوصل مكان
شلونك؟:)
اولا بقول صح السانك
ثانيا لا تقلد بالعناوين
http://mrdiver.blogspot.com/2008/05/blog-post_19.html
هذا البوست كتبته بعد يومين من النتائج
النيباري طرح فكرة الدائرة الواحدة قبل الكلام عن الخمس على فكرة، وهذا لا يتناقض مع تأييده للخمس التي جاءت بها الحكومة كخطوة أولى
لم يتم الدفع بالدائرة الأولى تحديدا لأن مشروع قانون الخمس دوائر كان جاهزا بتفاصيله وطور التنفيذ، والحركة جاءت بعد أن سحبته الحكومة بدون مبرات واضحة
بينما قانون الدائرة الواحدة لا يزال غير مكتملا حتى عند النيباري والسعدون، ولا يزال، باعتراف الاثنين، يحتاج لمزيد من الدراسة
ما أدري شلون نسيت التفاصيل يا بو مريوم.. بعدك شباب
تيارنا موجود، والدليل هجومك.. إلا إذا من هواياتك تصارع أشباح؟
والخلافات أيضا موجودة لأننا مو "بااع" ولا "مااء"
تقول "المطلوب مني كسني...."؟ من اللي طلب منك، ومن اللي منعك تصوت للي تشوفه أفضل؟ من اللي ماسك لك العصا يوم التصويت؟؟
تتهمنا بالتبعية العمياء.. خرفان، بس يبدو إن هذه أيضا رؤيتك لنفسك، ولهذا ما أقدر أعتبر المااء والبااع إهانة إذا طلعت منك
يمكن قاعد تمدحنا بطريقتك :)
wow shurouq, thumbs up
شي واحد مو فاهمه بس
منو شروق علشان تقول احنا و احنا؟ انتي منو؟ من قيادات التحالف؟ ولا الجمبزة انتجتوها و صدقتوها؟
تتكلمين بالجمع عن منو اش تطلعين انتي؟
و بعدين تقولين ما قلنا عن احد مو وطني..رحت قريت ارشيف الست اعصاب الي يبدو انها اسم على مسمى و ربيتها ناقصه بعد لقيت انها تهمش الاخرين لا و تحرض على تجاهلهم و من كلامها في بوست مو تعليق ايام نبيها خمسه تقول لا تردون على بو مريوم
ما منه فايده و الحجي ضايع معاه
علموا انفسكم ما دامك محاميه الوتنيين الي على شاكلتج
اكسزومبي
شلونك؟ لونق تايم و الوتنييين لوعوا جبودنا ترى
diver
نمسح العنوان و نغيرة طال عمرك:)
شروق
اولا فكرة الدائرة الواحدة مو من النيبارى او السعدون
فكرة الدائرة الوحدة كانت معروضة من بداية المجلس التاسيسى.
القوى الشعبية كانت تريد دائرة واحدة و الحكومة تريد عشرين دائرة.
و ما تبع ذلك من شد و جذب و تقسيم الحكومة الدوائر الى عشرين ثم التراجع بعد شهر و تقسيمها الى عشر
بعدين ممكن تبررين قولك ان القانون لم يكتمل عند النيبارى ؟
شلون لم يكتمل و هو يطالب سمو الامير باصدار قانون فى فترة حل المجلس يلغى قانون حاز على الاغلبية من النواب فى البرلمان؟
اما تياركم ف ما ادرى شسمية؟
التجار اللبراليون؟بقايا التجمع الوطنى؟
التجمع الديمقراطي؟
أغلب مريدينكم معاكم من باب الوجاهة الاجتماعية و الكشخة السياسية
يعنى باااع بامتياز..و شاويكم الصقر
المطلوب منى كسنى..مطلوب منى من المجتمع و علاقاتة الغير منطقية
و عشان جذى رفضت ان أكون باااع و قاطعت الانتخابات
حتى عبد الله الرومي الذى كنا نتوسم فية الخير أستخدم هذا الاسلوب
MC
مااااااااااااء
ماااااااااء
louise
شكرا
أنا صراحة أدعم الدائرة الواحدة
مع ايماني الشديد أن المجتمع بحاجة
لتغيير ثقافة .. مو دواير
بخصوص الإتهام بعدم الوطنية و صكوكها
أنا شخصيا حضرت تجمع نبيها خمس على البحر
من باب المطالعة و الفضول .. لأن مو لايق علي
:)
كنت متخفي .. اللي يذكر واحد يتفرج من بعيد
و معاه برد بو ذهب .. هذا أنا
المراد ان خالد الهلال أول ما مسك المايك
قال و هو مشتط
اللي ما يبي الخمس مو وطني و لا يحب هالديرة
أسأل ربعك في الدوانية و شوف منو يبي
الخمس و منو اللي ما يبي
اللي ما يبي اطرده بره دوانيتك و قول له
انت ما تحب الديرة
:
عموما و أنا مو داش أربط عصاعص
:)
بس هذا للتاريخ .. دام ان تاريخنا متنيل
بما هو أخس و أردى .. فليش لأ
و أنا أدري ان خالد مضيع مفتاح حلجه
بغض النظر شنو في داخل قلبه و جايز قالها
و هو محتر .. أو خانه التعبير
خصوصا مع بداية تحرك المعسكر الآخر المناهض للخمس
و أدري ان الواحد و ان انتمى إلى تيار
إلا أن بالنهاية و قبل حزبه هو انسان
له خصوصيته
و الإنسان عن الإنسان يفرق حتى في البيت الواحد
ما أبي أظلم تيار عشان شخص
أو العكس
و في نفس الوقت
لو قالها أي واحد غيره كنت بلعتها
بحكم منصبه و خبرته
صباح الخير
ملاحظة .. للشباب اللي حضر
أنا متأكد ان نواياهم كانت طيبة
أو هكذا يظنون على الأقل
صباح الخير مرة ثانية
بو مريوم
للتوضيح
ليش فكرة الدائرة الواحده انرفضت
و يمكن تتذكر اني من مؤيدينها ورفضت اني اكون وتني و احط نبيها خمس
اولا
فكرة الدائرة الواحده قديمة و تجددت
عند المجلس الجديد من قبل نواب قبليين اذا صح التعبير حسب الوتنيين و نواب شيعة
اذا فالفكرة كخ ويع
و الشي الثاني
يا ست شروق
اسالي محمد الصقر اذا يأيد الدائرة الواحده
و اتحداك تحطين اجابته
محمد الصقر لما سالناه عن الدائرة الواحده قال شنو يا ست شروق
من صجك باكر يصير مجلسك كله قبائل
مو القبائل عيال كلب مو كويتيين
شروق انتي وايد مندفعه بس على ما فيش
يعني كل الهيلامان اللي سويتيه او شاركتي فيه طلع على فاشوش
و ابي افهمك و افهم شلة الانس مالتكم
اياكم و الطعن بالشعب لأنهم اختاروا مرشحينهم و ما اختاروا شلة الانس مالتكم
الغلطة مو غلطة شعب غلطتكم انتم
اذا تعتقدون انكم صح ليش ما وصلتوا رسالتكم لهم صح
الا اذا انتم غلط
انا اقول تقوقعوا داخل نفسكم و اعرفوا حجمكم
انتم و خالد هلال اللي بيحرك الشارع و ما قدر يحرك ثلاث بيوت بفريج
شنو هالعنجيه اللي عايشينها
اصحوا انتم مو افضل من الشعب بكل اطيافه
صج عظم الله اجركم اليوم وباكر و بالمستقبل اذا بتمون على هالحاله الا ما رحم ربي
من ناس لما تشوف الكويت تشوفها كلها
تشوف البدوي كويتي و الشيعي كويتي و المحافظ كويتي و السلفي كويتي و الاخونجي كويتي
على ما اظن ان الشعب الكويتي بكل اطيافه و يمكن الدائرة الثالثه بالتحديد اللي اهي خليط الكويت و جهت لكم رساله واضحة
واذا على اسيل ليش ربعها ما جابوا رقمها على الاقل
و بو مريوم اخذ بالايام الجاية طعن بصالح الملا
طبعا من الحره
بالاخير اهو طراق يمكن تتعلمون منه
صج نسيت اقول
نبيها دميثير
نبيها دميثير
نبيها خمسة متر
نبيها تحشيش
نبيها ملاكي الحارس
نبيها حجابات فيندي
نبيها كورنفليكس
نبيها بو خيط
نبيها دلاغ مقضوض
نبيها بقداش
نبيها اكلوا تبن
و الملايين من الحملات سارعوا فالكمية محدودة
All things are subject to interpretation whichever interpretation prevails at a given time is a function of power and not truth
و حاول تحترم الرأي الآخر على الأقل بدون ماء ولا عصير
طائر
كفيت ووفيت
خالد هلال يبيلة مجلدات بو بس بوست واحد
اذكر مقولتة الشهيرة مالت الديوانية
انتر كيوت
الدائرة الواحدة كانت مرفوضة تمام من الحكومة لعلمها ان السيطرة على مخرجاتها ستكون مستحيلة
هذا فى بدايات المجلس التاسيسى
اما حكاية التحالف مع الملا تبين لك شكثر التيار منسجم مع نفسة
و نبيها دميثير
اكسومبى
نبيها شورما لحم بالبيض
MC
pleas don’t throw Friedrich Nietzsche quote in my face to act like intellectual
and by the way “2 thumps up” don’t count as an opinion
and I quote from him “Ah, women. They make the highs higher and the lows more frequent
بو مريوم شنو يقولون لك ربع الام تي في
BURN
هههههههههههههههههه
نيتشة عنده كلام قوى على المرأة
Woman was God's second mistake
Women are considered deep - why? Because one can never discover any bottom to them. Women are not even shallow
Women can form a friendship with a man very well; but to preserve it - to that end a slight physical antipathy must probably help
If a woman possesses manly virtues one should run away from her; and if she does not possess them she runs away from herself
نبيها ديمتري
دميثير رجل فوق التشفير
دميثير صوت الكويت الأثير
دميثير رائد حركة التغيير
فقط مع دميثير
مع دميثير يرخص سعر العصير
مع دميثير ما تحاتي تنام على الحصير
دميثير فدى التغيير
دميثير لحية غانمة و ملمس كالحرير
agreeing with someone does count as an opinion, and i never said that quote was mine, i wish i could take the credit for it though .. everyone knows nietzsche! so i didn't think it was a literature essay where i have to quote such well known statements .. i have no idea why you're so triggered..and the world won't stop here bumaryoom, Chill
الزعل مو لايق عليك
إرسال تعليق