الثلاثاء، مايو 13، 2008

أسرار الدولة المحفوظة بخزائن الحديد الاسود الشفاف

اليوم و الصبح و انا طالع و لا عشرين ظرف بصندوق الجريدة...
كلهم عبد الله الرومي...قلت يمكن المندوب متليعن و مو موزع الاظرف عدل..
خذيتهم بشوحهم بالزبالة و انتوا بكرامة كالعاده..
و لا..يا للهول!!!
شلون تتجرأ!! يا عبد الله الرومي
أسم امى و رقم قيدها!!
بالشارع!!
ما تدرى ان اسم أمى سر من أسرار الدولة
الحبيب يعنى صايد الحركة كاتب اسامى الكل و رقم القيد ومكان الانتخاب
أكو انتهاك للخصوصية أكثر من جذى؟
انا عندي أقتراح للمرشحين
يطبعون تى شيرتات و يونفورمات خدم عليهم صور المرشح..
و يوزعونهم الضحى مع مكافاة دينار لكل خادم او خادمة يلبس اليونفورم..
عاد تخيل داش الظهر بيتكم و لا كل الخدم لابسين لبس عليه صور المرشح..
و اللى بيصيد الحركة..يطبع كياس مخدات عليهم صور المرشح
يعنى تخيل ياى تنام و لا الطبطبائى على مخدتك
و لا توك بتنام طيبة الايوب على المخده...
يحوشك أرق ست سنين

هناك 19 تعليقًا:

راعي تنكر يقول...

يبا الخصوصة لاعنين ابو خامسها بهالانتخابات
ولا منين لهم ارقام تليفوناتنا مأذيننا كل شوي مسج

هي فوضى!!!

Someday يقول...

لووووووووووووول

انا بره و حايشني طشار!! مسجاتهم ما توقف!!!

Bad-Ran يقول...

افاااااا عرفو اسم امك :)

kila ma6goog يقول...

لووول

:)

خوش اقتراح

Q8i Blogger يقول...

لوووووووووووووول
اتصدق اليوم امشي واقول عن السالفه
هم اسم امي والله !!!!!

اتصدق قاطين عشرين ظرف على قولتك وكلهم على نفس العنوان .. واهو عنوان بيتنا
شكيت بالوالد مسجل الديره كلها على بيتنا

بس مندوب الرومي اثول شكله

المشكله كنت بالندوه امس وعطوني سبعين ظرف .. ارد البيت ولا على سيايير الأهل كلهم

mtfa2el يقول...

و إذا انت نايم على مخدة فيها صورة ضيف الله بو رمية و اهو يحذف العقال و يقول لا نخشى إلا الله !!!!

JuVeNTiNa يقول...

هاهاهاها .. لا ان شاء الله تخيل الطبطبائي عالمخده ! و لاالحلوة العميري .. ها ها ها

forzaq8 يقول...

لا خصوصيه للفرد فى الكويت

خلها على الله

بس الشركات سكاتى ولا معلومه تطلع

كويــتي لايــعه كبــده يقول...

على المخده!؟!

عز الله طارت النومه

deeratna يقول...

يا بو مرايم فديتك نبي بوست مخصص حق المرشح صالح السعيد اللي يتكلم بعواطفه و بندواته يتكلم وكأنه قاعد بدوانية كل شوي يقول شوفوني ما احط اعلانات بالجرايد شوفوني احط اقتراحاتكم بمخباتي ماعندي سكرتير ويقول والله لو يموتون السعدون والخرافي ما اصوت لهم لرئاسة المجلس!! يعني حتى لو كنت تختلف معاهم ياخي اتكلم بإحترام مافي احتراام! ناطريننك يا بومرايم ونشوف رايح بمرشح الدايرة الرابعة صالح عثمان مزعل السعيد

HalfCup.net يقول...

إنزين و شرايك باللي يكون صايدك و حاط آية قرآنية شكبرها .. يعني غصب طيب موهقك إنك ما تقط بروشوره بالزبالة !!

عياره يقول...

العار ولا التار
اسم امك بعد!:(

EXzombie يقول...

انا شخلوني حدس و التحالف و الملا، و حتى عدنان عبدالصمد اهو بالاولى و انا بالثالثة، ليش توصلني المسجات ما ادري.......!!!؟

الصرعاوي حك خشمه دزولي مسج، السعدون عطس دزولي مسج، تعرجب الملا وصلني مسج، قامو يتحدون دعايات فيلا مودا........!!!؟

احلى شي مسج الملا امس، تأجلت ندوته الختامية حتى اشعار اخر، ما ادري متى بالضبط يمكن قصده بيوم التصويت

Maximilian يقول...

لووول
عاد امس اقول حق اكزومبي

شقوني شق ربع احد المرشحين

باليوم افضي 434324324 ايميل

Sn3a يقول...

لوعو جبدي بهالمسجات
وهالاوراق شكثرهم كلهم وانتو بكرامه اخرتها بتنقط بالزباله

الله يهدك احد ينام وصورة مرشح تحت مخدته
اعوذ بالله

mowa6en يقول...

وانت الصاج يسون مجسمات ويوزعزنها على غرف النوم ، عشان انت نايم والا قاعد يكون اهو طايح خز فيك .
عاد يتوهقون المتزوجين وقتها .

بس فكرة المخده لا يحوشك
عجبتني افكارك
:)

يعقووبوو يقول...

تصدق ماحاشنا ولا شي
جنهم ناسين بيتنا d-;
--
--
bad-ran سوالف متوسطة يعني؟ ((((:

Rashed يقول...

أنا، و أعوذ بالله من الأنا، أرى أن يكون الشعار الإنتخابي لبو مريوم و الذي سيطبع على أكياس المخدات شعار لا يلغي خصوصية الناخبين، و أرى أن يكو صورة بادية تشريب و يا حبذا لو يكون مثل دعايات العطورن يعني الشعار بادية تشريب و فيه ريحة تشريب تشم الريحة أول ما تحط راسك على المخدة فتصير أحلامك مشبعة.

اجار الدين كشمش يقول...

dear friends.as you all know how hard Tahaluf has been working on election this year.we ask that when you vote. vote for us as a team.we need to get all our candidates in.we need your full support inshallah.1.dr al mudij
2.al anjeeri
3.al abdulljaadr
4.ali al raashed
5.al saager
6.dr aseel al awadi
7.al kalid
8.faisel alshaya
9.al mulaa