يوم اليمعه فى غدانا الاسبوعى
الوالدة مسوية معبوج..كالعادة
بس هالمرة لاحظت شى غريب...الورقة مالت قلاص جبن الكرافت اللى محطوط فية المعبوج محترقة شوى..
ما حطيت ببالى..
يمة المعبوج حار؟
لا مو حار..شوى بس..
انا بطلت الغطا...صوت..تسسس و سحابة دخانية صغيرة...
اول لقمة..اشمة ريحة عطاب...شى محترق
اللقمة الثانية..دموع...
شوى حار مو وايد...
اللقمة الثالثة...ضرر دائم بالدماغ و الاعصاب الحسية....
لى اليوم..احس معدتى مخرمة...
و لا زالت الوالدة مصرة..انة شوى حار مو وايد
هناك 8 تعليقات:
اسمع كلام الوالدة
:)
يا ابن الحلال مو حار يتغشمر بس
شكلك تحب الحار
هذا معبوج و لا سعابيل الين.....؟!؟
متى ماشفت نفسك تصفر من تحت اعرف انه حار
:)
لووووول والله ظحكتني الله يسرك دنيا واخره
يعني تهقى العلامه المحروقه من حرارة المعبوج ؟
بس شكله مو حار ظوقنا انا من عشاق المعبوج
عن الدلع
خلك مجررررررررررررررم
كلة مطقوق
اسمع كلامها و افقد الاحساس بالتذوق و الشم...
ما نقدر نقول شى
mr_choclete
شرايك ادز لك غرشة؟بس المشكلة ممنوع تداولة
ناصر
اكو أحلى من الحار...
اكزومبى
لا تزعلة..ما صدقنا على اللة يرضى و يرد يعلق
ليل
نورت المدونة
صفرت من كل الاماكن المحتملة...و الغير محتملة..
فيصل
ان شاء الله دوم سعيد
و اذا تبى ادز لك غرش..بس لازم توقع تعهد و اخلاء طرف
q8i blogger
شرايك اذوقك قفشة منة؟:)
إرسال تعليق