السبت، أبريل 19، 2008

خيالات تتبعك فى صحوك و فى منامك



أمس واقف بالاشارة..و جدامي باص
على الباص لازفقين صورة هالمزايين"مو ابل"..مرشحين التحالف
شاركونا الامل..زين الامل بشنو؟
أهو أمل و السلام....
ليش الحكومة منعت الاعلانات؟
يعنى اللحين بدال الاعلانات الثابتة بالشوارع بننقث بالاعلانات على الباصات
تمشى بالخط السريع تلتفت تلقى مرشح يخزك
ماكو احزاب..ماكو اعلانات..ماكو فرعيات...ماكو دواووين...ماكو تجمعات أكثر من اربع
ليش ما الحكومة تسويية مجلس أعيان و تفتك؟
تختار 100 واحد و احنا نختار خمسين منهم و نخلص



هناك 9 تعليقات:

Zaydoun يقول...

انزين يوم انك حطيت عائلة السيمبسونز كمرشحين في الدائرة التاسعة، ليش موقع الانترنت عنوانه
www.threestooges.com

بعدين الحكومة خل تلاقي وزيرين عليهم القيمة، هالمرة تبيها تحط 100 واحد بمجلس أعيان؟؟؟

ملاحـظـة يقول...

بو مريوم قريت السياسيه اليوم؟

في فكرة الحين دايره عند السلطه بتعيين مجلس شورى ..يشور على القوى العليا اذا ما تأزمت الامور بين الحكومة و المجلس..و انه بالفعل تمت مخاطبه ناس في الامر

انت قاعد تتطنز الطبخه دايره صج

خل تلفونك شغال اذا فلست من الامه يمكن يدقون لك حق الشورى..ماهي كلها مجالس

esetch يقول...

الحكومة تبي مجلس أعيان بصام من زمان

الأردني قبل فترة ما جذب لين قال ليش ما تسوون مجلس أعيان مثلنا

kila ma6goog يقول...

الأمل بالفوز

لول

Bad-Ran يقول...

اللعنة على أعداء الديمقراطية

forzaq8 يقول...

انزين شلون مو رضى يدش بقائمه واحده مع
بارت بعد كل الدقات ؟

و هل وجود مو يدل على الان القائمه توجهها لإزاله الحظر عن المشروب ؟

بعدين ترا هذا صوره الام مارج مو ليزا

Q8i Blogger يقول...

الألم
بس شكلك ماقريتها عدل

لأنه ماوراهم غير الألم .. وبمنطقة الاذن خصوصا .. لأنه صوتهم عالي ويسبب صداع مزمن

راعي تنكر يقول...

نشاركهم الامل

فينفردون بالارباح

بومريوم يقول...

zaydoun
مو هذا العنوان الالكترونى لموقع التحالف؟

بعدين الحكومة عندها بس خاشتهم..ما تطلعهم الا بالازمات

ملاحظة
انا راضى و الله اى شى...بس المهم اتعيين بالحكومة و اللبس بشت
امنيتى بالحياة البس بشت بالصيف

estech
مجلس رقابى يراقب النواب:)
بعدين تشيك ايميلك..الا اذا كنت حاقرنى

مطقوق
لا يسمعونك..يسحبون منك صك الوطنية ترى:)

بدران
اللعنة على أعداء التشريبة

فورزا
ما محبة الا بعد عداوة
بعدين ما تدرى انهم شغالين من فترة لالغاء الحظر على المشروب؟
و يوقلون ان ناصر الصانع ماخذ وكالة هنيكن و بيفتحون بار اسلامي بجمعية الاصلاح

كويتى بلوغر
لووول
صدقت و الله

راعي تنكر
أحلى تعليق
:)