الأحد، أبريل 13، 2008

مرشحييين مرشحييييين


تذكرون المهارة اللى يفرون بالمناطق قبل؟

كل واحد حاط بقشة على ظهرة و يفتر..خاااااااااام خاااااام
و لى بطل البقشة تلقى محل كامل..
خامات...صراويل مكسرة بو وزة..فنايل جل..قحافى صينية

طبعا هالشى بالمناطق الخيشية بس
بعض المدونين الله يهداهم صايريين مثل المهارة..يفترون من مدونة لى مدونة و يحطون لنكات
شوفوا المرشح الفلانى و تعرفوا على المرشح الفلنتانى
و الله الكل يدرى ان كلام المرشحين بالهوا..
و برامجهم الانتخابية مثل برامج تلفزيون الكويت..محد يدرى عنها

ف الله يخليكم اذا مرشحكم ما عنده برنامج واقعى محدد وقابل للقياس
لا تغثونا بلنكاتكم

الصورة من Norii.a's

هناك 6 تعليقات:

kila ma6goog يقول...

تصدق ويهه مو غريب علي

LiL ALiEN يقول...

kila ma6goog
والله هم انا مو غريب علي

يا نازل مع التحالف الوطني

يا انه مفتاح الصقر الانتخابي :)

joy يقول...

والله انك صاج

بس صاحب الحيلة لازم يحتال

EXzombie يقول...

تبي تضحك، تدري جم مرشح داز للصفاة يبي يدخل......؟!؟

مواقعهم خضرة مسلوقة، و الحمدلله انه مو مستوفين الشروط و لا جان صارت مسخرة بالصفاة......!!!؟

و شسالفة الفضاعي بس يكتب عندك....؟!؟!؟

مسوي له عمل....؟!؟

بومريوم يقول...

مطقوق
فية شبة من النيبارى...ممكن يكون اهو بأوقات الفراغ

lil
هذا الصقر بكبرة

joy
حيلة بس مو عندنا

exzombie
انا ناخى الالين
و قاط عقالى عندة:)

Enter-Q8 يقول...

بو مريوم شكو العقال بالموضوع

الا العقال


صاحبك هذا بو لنكات

سويت فيه مثل ما يسوي فينا

اهو مو كل يوميين قاط لنك و مشى

كان ادخل مدونته

قوم يمحي كلامي


قوم ارد و اتكلم

لما غثيته مثل ما غثني

كان يدخل مدونتي

و يطلع زفارته

ولما شاف ان التعليق لازم يفعل تدارك نفسه و سوى نفسه طرزان

وان هالشي بس علشان يعلمني الادب

وانت تعرفني انا عاجل مو عاجل صاحبنا عاقل

كان انشر كلامه

كان يمحيه

ما طول عليك

ننطر بس صاحبه اذا صرح بشي علشان نشوف بيعقل و الا لأ