الأربعاء، أبريل 30، 2008

أجنحة بيضاء مخضبة بسواد البن الاريترى



صراحة غورقت عيونى بالدموع يوم شفت الصورة..
شنو هالانسانية و الرحمة...
لا لا هذا مو بشر...طيبة و حنية لا ووسيم بعد
اللى يتابعون الافلام العربية يعرفون قهوة بعرة...مالت تاجير الكومبارس
بس أحلى شى صراحة..التصريح النارى

دعا مرشح الدائرة الثانية هيثم حمد الشايع الحكومة إلى اتخاذ اجراءات أكثر صرامة في مواجهة ظاهرة غلاء الاسعار التي ارتفعت بشكل كبير واثرت بشكل سلبي على مسؤوليات الاسرة في مواجهة التزاماتها ومتطلباتها اليومية.وقال الشايع في تصريح صحافي ان الحكومة مدعوة لتنزل من برجها العاجي وتتفقد احوال المواطنين على الأرض وعليها ايضا متابعة قرارات رفع الاسعار من قبل الموردين ودراسة ان كانت تلك الزيادات مبررة أو مفتعلة ومن ثم اتخاذ القرار الحازم تجاهها

يصير انقل قيدى اللحين؟
بس لحظة..عمى هيثم
موقعك يقول انك مدير قسم التجزئة بشركة الشايع...اووه لحظة دة انت الشايع نفسة
و اللى أعرفة ان ستار بكس ومحلات الشايع عموما رفعت اسعارها رفع غير مبرر
رفع على ريحة الزيادة..و رفع من غير ريحة...
طبعا احنا مو قاعد نلومك على الرفع لانك بالنهاية تاجر تبى تربح
اليو اس اى تودى تقول ان ستار بكس رفعت اسعارها بحدود خمسة سنت..جم يعنى؟
و الكويت جم كانت الزيادة؟صرف السنت جم؟100 فلس؟
لا يكون حايشتهم امية و عشرين بعد

بس انت يا تقص علينا او تقص علينا...لا يكون قاعد تقص علينا؟
لا ما أظن
يعنى تبينى أصدق انك راح تدعم التوجة الحكومى لكبح غلاء الاسعار و محاسبة التجار اللى ممكن يضر تجارتكم العائلية؟
يعنى معقولة تغيرت أفكارك و ايدلوجياتك بين يوم و ليلة؟


كل شى يجوز...
بس جنها قوية شوى

"كل الشكر لراعى التنكر"

هناك 17 تعليقًا:

Bad-Ran يقول...

يا حنيّن يا هيثم

Someday يقول...

انت شسالفتك ويااه؟!؟!
اعترف!!
محتر من جماله الأخّاذ؟؟!؟!

kila ma6goog يقول...

too much too much

mtfa2el يقول...

ما تدري باجر يطلع تصريح بالصفحة الأولى يبي يحل مشكلة جيبوتي
الحين الموضة النسائية اليديدة ..امبيي ولد الشايع لازم نصوت له
يعني يكون مخمليين يصوتون حق مخمليين

راعي تنكر يقول...

حياك الله ما سويت شي
:)

لووول
صراحة بوست يخزم اللي ما يتخزم

KrakatoA يقول...

يقوووووووووولك

الشياع بيفتح تاااااااااب قهوة ستاربكس يوم الإنتخابات مجاااااااااااانا...يعني كل واحد فيكم ايب وياه زمزميته ويزعب ابلاش...من ناحيتي..راح ااجر تنكر وباخذ القهو اللي عنده كلها واشتغل فيها لحسابي

joy يقول...

والله الجرايد كل يوم اتحط نكت
ابن الأيه انا اشك انه ماخذ استاذ العلاقات العامة اللي يشتغل عند هيلاري كلينتون
صدقني هذي حركاتها
بس على مين تلعبها على مين يا ابن الشايع


والله ضحكت يوم شفت صورته بالجريدة بس عسى تأكد انه مقيد عندنا

kuwaitiya يقول...

لووووووووووول
king ya bu maryom
ya3esh eltashreeb

Q8i Blogger يقول...

انا اقول خل يجابل تجارته أحسن

esTeKaNa يقول...

بو مريوم اشلونك؟
مممممم تهقه الشايع يقص علينا ولا يقص علينا؟
مادري
بس اللي ادري عنه ان نص فلوسي اذا مو كلها على ستاربكس اللي حتى الخس والسلطة عنده طار سعره على غير سالفة
!!
قال ايه؟
قال برج عاجي
عجبني التعبير بستعمله هاليومين
:)

JuVeNTiNa يقول...

الله يهدااااااااااااه !! ليش يسوي جذي ؟!

يجذب و يصدق جذبته !!

ولاّدة يقول...

صباح الشهرة بو مريوم

منوّر القبس صفحة 16

حسام بن ضرار يقول...

لا ...... المفروض يعطونه جائزة نوبل لخدمة الانسانية

يعني كلش مو قاعد يسوي دعاية شخصية.

لو يقولون اعزم كل واحد من هل المرضى على كوب فرابتشينو

يسويها؟

بومريوم يقول...

bad-ran
لاجل المجلس كل شى يهون

someday
ما عندي مشكلة مع أحد من المرشحين..
عندى مشكلة مع اللى قاعد يستغفلونا

مطقوق
استخدام شهداء القرين كدعاية انتخابية رخيصة مو تو ماتش؟؟؟

متفائل
احنا الخيشيين لازم نوحد جبهتنا:)


راعى التنكر
هم مشكور
البوست لايضاح الحقائق فقط و ليس للتخزيم:)

كركوتا
اكيد قهوة مضروبة
و لا منتهية الصلاحية

joy
و الله يسويها

kuwaitiya
thanks alot:)

Q8i Blogger
و انا اقول هم هذى تجارة:)


استكانة
انا بخير

اذا الحكومة برج عاجى
ف أكيد مشترين العاج من محلات الشايع


juvintina
لا و فى ناس مصدقينة:)

ولادة
شكرا للتنبيه:)

حسام
ممكن يسويها
بس الحجم الصغير و بدون كريمة:)

الأندلسي يقول...

هاهاها اي والله
عطني اسم صاحب مقهى كوستا ابي ارشحه لان مرشح ستار بكس رفع الاسعار =)

kuwaitya_7saweya يقول...

هههههههههههه
والله عاد جذب عينك عينك
انا ماشفت

bisso يقول...

انا شايف ان الريال ماعليه شي اذا انته شايف غير هالكلام وعندك شي مانعرفه غير هالكلام اللي ما اشوفه يخليني اغير رايي في هالمرشح فيدني , الريال ليلحين مادش المجلس وماشفنه مواقفه وبعدين الحين خليت كل هالمرشحين الحرامية وحاط حالك حال ستار بكس !! وبعدين شنو سالفة الورة اللي انته حاطها بستار بكس وارتفاع الاسعار الريال زاير مريض وهذا ما اعتقد جريمة وشكرا .