الاثنين، أبريل 14، 2008

حلال على الجريدة حرام على مرت أبوى


هل من الممكن ان تطلق جريدة تحترم نفسها صفة على الخبر؟
كان تصفة حلو..جيكر..فاشل؟
وين الحيادية؟
الجريدة و التيار اللى يتبع الجريدة كانوا يعيبون على الوطن طريقة نقلها لتجمعات البرتقالى و شلون كانت تزيف الاخبار
مدونون و مدونات مفتوحة بس عشان تسب الوطن و شلون تنقل الاخبار و تغيرها اذا ما تعجبها
زين شنو الفرق بينكم و بين الوطن الحين؟
كل هذا لان منظمين التجمع من تيار معارض لتوجهكم....
و لا حلال عليكم حرام على الوطن؟


طبعا كان حاضر التجمع مسلم...تهقون مسلم البراك يحط المكرفون عشان يقوى صوتة و لا يخفف من حدتة؟
أموت و اعرف صوتة جم دى بى










هناك 20 تعليقًا:

enter-q8 يقول...

انت مو وتني

حتى الجريده لو قالت شي غلط بوجهة نظرك اهيا صح

لأنها تعرف اللي انت ما تعرفه

بذمتك هذي جريده اصلاً

Q80 Blogger يقول...

يبه هذي الجريده مرفوع عنها القلم
هذي معصوووومه ..

كل شي تقوله قول صح وحاضرين ولا تره ماتصير وتي مثل ماقال العتيبي

لو واحد يفضي روحه لهل جريدة يقدر يسوي 7 مدونات مو وحده عن السخافه الي فيها

بس خلها على الله .. وخلنا ساكتين لانصير من مثلث الفساد وخفافيش الظلام !!!

راعي تنكر يقول...

انت من صجك اتشره على جريدة ماسكها بو هلال؟؟؟؟

Mohammad Al-Yousifi يقول...

اوكي

أعتقد ان هذا الخبر نكسة كبيرة للجريدة و ان كاتب المانشيت ماخذ الموضوع بشخصانية زيادة عن اللزوم

انا شخصيا شفت الصورة و قلت أكيد الشباب بيقلدون الوطن و غيرها ايام الخمس و لذلك حرصت على قراءة نفس الخبر في الوطن و الراي و القبس و الرؤية و عالم اليوم و لكني للأسف لم اجد صورة أخرى للتجمع غير صورة الصلاة

و باجي الصور كلها للمتحدثين بالتجمع

على العموم رأيي من رأيك و أعتقد ان الجريدة أخطأت بهذا العنوان

خصوصا و ان القضية كانت وطنية و هي ضد قانون التجمعات المشين

شكرا

الشق عود يقول...

لمتابعة آخر احداث ووأخبار الدائرة الثانية بكل شفافية ودون تحيز لأي مرشح
تابعونا على

http://ommah2.blogspot.com

أبو جيج يدور نعاله يقول...

سقطة للجريدة...و أتوقع المحرر شاب متحمس توو متش و يجب أن يطلع حماسه على مدونة و مو على صفحات جريدة

من حضر الإعتصام ليسوا فقط شباب الأخوان و نوابهم...و بالتالى وصف التجمع بالفشل...هو إهانة لكل من حضر و كل من يرفض قانون التجمعات المعيب

أتمنى أن يتم تدارك الخطأ و تقوم الجريدة بالإعتذار للقراء

و إلا سينعكس هذا على مصداقية الجريدة و مصداقية مرشحى التحالف جميعهم

mtfa2el يقول...

لو اهم مسوينه جان القضية الوطنية الأولى
و اللي معاهم وطني و اللي مو مشارك وطنيته لك عليها

Bad-Ran يقول...

اتفق معاك 1000% .. عيب على الجريدة ان تكتب هذا المانشيت

J Daily يقول...

عشان هالخبر بروح اخذ صندوق الجريدة وابيعه حديد خرده (:

KQ8 يقول...

اوووله لو الوطن كاتبه الخبر..جان شفت سوالف ومعلقات..وفين اللي يوجع واضرب..الا تعال..سؤال فني..ليش بنو الأزرق ماراحو التجمع؟؟

Maximilian يقول...
أزال المؤلف هذا التعليق.
Maximilian يقول...

كلن يغني على ليلاه


زين ليش ما نزّلت عبدالفتاح القصري الانتخابات ؟؟؟ راح اقاطعها اذا ما نزل :P

Singory يقول...

فى اغلب الجرائد اتفقو على شىء واحد

http://www.alanba.com.kw/AbsoluteNMNEW/templates/?a=26172&z=12

http://alqabas.com.kw/Final/NewspaperWebsite/NewspaperPublic/ArticlePage.aspx?ArticleID=382086

ان الداخليه صعبت وصول المواطنين الى التجمع

من القبس و الانباء
( لا جريده الحرامى و لا يقولون عنها جريده الاخوان )

متفرغ يقول...

اضم صوتي لصوت البراك :)

Nachla يقول...

حرام اللي قاعد يصير
وعيب كبير لما يكون صادر عن ناس يسمون روحهم ليبرال وديموقراطيين

بومريوم يقول...

enter
لا مو جريدة...
مفرش سفرة مجانى لمدة سنة:)

كويتى بلوجر
القلم مرفوع عن اثنين..المينون و السكران
اهى اى واحد فيهم؟

راعى تنكر
منو بوهلال؟

مطقوق
تبى الصج عاد؟
انا اتحرش بالجريدة يمكن يلتفتون على يعطونى عمود...نص عمود..الوفيات هم راضى

الدائرة الثانية
رد نام


بوجيج
عاد شدعوة مرشحى التحالف عندهم مصداقية
شوف وجهة الصقر و أحلب لبن


متفائل
و تشوف البلوجات تكتب..و صكوك الوطنية تتوزع
و اللى ما يحضر يصير من ثالوث الفساد و حكومي و متنفع


باد رن
اشكرك


يعقوبو
لا خلة..ينفع مشرب للحمام..و لا حق فحم الشيشة..مينى دوة


كاركوتا
البعير ما يشوف حدبتة...
شقونا بحرية الراى و ماكو فكر
و يوم المعرض شبوا شموع علشان الرقابة
زين ه>ى قضية أكبر
ويييييييييينكم؟
لا و طنازة بعد


ماكسميليان
القصرى انسحب عشان لا يشتت الاصوات
ما اوصيك على بو روستى و زينات


سلطان
حياك الله بالمدونة
تصدق ان الوطن عندها مصداقية اكبر من الجريدة

متفرغ
فى تجمع ثانى جدام السفارة البنغلاديشية للمطالبة بعودة ليل


nchla
ديموقراطية مفصلة على مقاسهم
و ليبرالية كويتية..لوعة

EXzombie يقول...

مو وتني كلش

ترى يزعلون عليك و ما يعلقون عندك مرة ثانية

تتوقع الي حط له بلوغ بس علشان الوطن يسوي واحد ثاني حق الجريدة و لا ذيلاك ملايكة.....؟!؟

بعدين جريدة تستخدم ناس انكشفوا و طلعوا جذابين و نصابين و تخليهم محللين و محررين للاخبار السياسية و المحلية مصداقيتها شنو بتكون.....؟!؟

شخبار جاسم.....؟!؟

enter-q8 يقول...

شخبارك اكزومبي

يقولون صاحبك قاعد يدور مية فلس هالمرة

الخمسين ما وفت معاه على الطوفه
بيكبر الخط
بمية فلس

بومريوم يقول...

exzomibe
عاد شدعوة اهم معبرينى و لا يعلقون عندي؟:)

منو جاسم؟

enter
اذا بتسولفون روحوا القهوة
هنى مكان عمل

هذيان يقول...

بومريوم

لا يسمعونك يقولون اسلامي

ترا كل من يحجي عن التخالف الوتني اليوم أما
أسلامي أو متدلس

أوكي فلنعتبر هذة وسقط كبيرة
شالحل

وااااااااااااااي منهم هالتحالف
بيعاريه ويجذبون

أستغفر الله
أدعيلهم بالهداية والسقوط عفوآ الصلاح يا بومريوم