الاثنين، أبريل 23، 2007

شلون تعرف انك قديم-

للحين تغازل*
للحين تقط الرقم بورقة*
للحين تاخذ ياهل معاك بالسيارة و تتمشى بالخليج*
للحين تكلم الصاحبة من تلفون البيت باليل-قديم و أحلى شى لى قالت لك أمى يت امى يت و ترقعه بويهك*
-للحين تواعد عند قسم المعلبات بالجمعية - والله حياتنا كانت ضيم*
للحين تقول صاد عين صاد*
للحين تفتر بفريج اللى تكلمها -قبل فرتين و الثالثة مدبوغ من عيال الفريج*
للحين تغازل بالمباركية*
للحين تحط نظارة كارتير بمخباة الدشداشة*
للحين تكتب أول حرف من أسم اللى تكلمها على المحول-قلب حب و سهم

هناك 20 تعليقًا:

Shopaholic يقول...

lol,

انزين اشمعنة عند المعلبات؟

moodless يقول...

LOL

رومانسية المعلبات

Krakatoa يقول...

*للحين اذا خذت البنت الرقم وقبل لايطعلون الهواتف النقالة تريض يم تلفون البيت بالايام تنطرها تدق عليك وتصير جنك بدالة البيت

==
ياخي قبل كنا مجاهدين

kila ma6goog يقول...

لوول

ليلحين تسمع المطرف

bo_sale7 يقول...

اي والله جهاد سوالف قبل ... تعب وشقى وضيم وتالي على فاشوش... البضاعة تطلع مضروبة

ناصر الكويت يقول...

للحين تسحب خمس دنانير من مركز سلطان

للحين تبي تصير مخملي

للحين تفكر في كرسي وزير المالية


يقولون منيره عاشور مصكره تلفونها وماترد على احد صار لها يومين

وتفكر بالاستقالة

صج ؟

شرقاوي يقول...

و لا تنسى الصعدة فوق السطح. تكت شعير للحمام. ولا سطوح هالأيام غير؟

لا تقول لي ما قط ربيت حمام، و تثبت لنا إنك مخملي ...

LiL ALiEN يقول...

ليلحين تقعد يم رفيجك واهوا يكلم رفيجته وتنغزه من تحت لي تحت "إسألها عندها إخت؟" ويرد عليك بصوت عالي علشان يسمعها "عندهم خدامه تبي"

حمد يقول...

للحين تسأل الصاحبه سؤال قليل أدب..وتعطي السماعه بسرعه لصاحبك يسمع الجواب..بعدين تقولها شلون عمري ما سمعتج..؟!!

صج كنا مو شايفين خير..!!

maci يقول...

LOOOOOOOOOOOOOL
msakeen wallah.. bs kan action a7san mn al7en :P
al7en malaqat'hm .. awal ma yg6 el raqam dgay rana
lazgat 3anzaroot

queenB يقول...

Dear,just i want to know why a kid for what?!!!in USA who do that have a kid married or divorced guy easy girls talk to him,in kuwait why??? don`t tell me same reason!!,and question to Krakatoa honestly how many times u were Receptionist ????

Zaydoun يقول...

نظارة كارتير... يااااااو

غير معرف يقول...

queenB
We need someone to translate your English to English

Kuw_Son يقول...

ههههههههه

nEo يقول...

hahahaha

ليلحين عندك رقم بالدار و تحط مسجات اغاني عبدالكريم !

kila ma6goog يقول...

نظارة ريبان بو الزيد

غير معرف يقول...

للحين تفتر على البحر
وتتعشى ماكدونالدز

بومريوم يقول...

shopaholic
فى كيمياء عاطفية بين قواطى الفول و البزاليا

moodless
حياك:)
و لا تقاطع

karakota
لا و يعنى ثقيل..ما تشيل الخط الا من ثانى رنة

KM
تسمع المطرف و حاط صورتة علىى عدادات السيارة

bo sale7
مضروبة مضروبة
المهم صاحبة

ناصر الكويت
حدك عن اللى يسحبون خمسة
انا منهم:P


شرقاوى
لا مو حمام
الوالد كان يايب لنا لاما و ارانب بلجيكية


lil

شى اللى عنده رفيجة قبل
يذلك على ما يضبطك


حمد
كنا عايشيين بجفاف:)


maci
اية و الله كنا مساكين

queenB


its a light post
dont take it seriously

زيدون
و اهم شى تكون طالعه من المخبة


kuw-son
حياك

neo
ليحين تقول دار:)


KM
بدون تعليق:)نخاف نتحرش بالمشاهير:)

Diver يقول...

مادري شسالفتكم اليوم تذكرونه بالذي مضى

ايام راحت

تحياتي

ولاّدة يقول...

بو مريوم

أنا من اللي ليلحين أقول صاد عين صاد

ويه فشلة لازم أغيرها
شنو الجملة المودرن؟ في الجو غيم؟
هذا حد اللي وصلته