السبت، أبريل 14، 2007

حظ أقشر

ليش حظى جذى؟
بالجمعية..دايم العربانة اللى آخذها فيها علة..تاير مكسور..تاخذ يمين..
أمس..العربانة تطلع صوت..مثل صوت الطيارة..
أمشى و العالم تتلفت..تطالع السقف..
بالوزارات..آخذ رقم...
و قبل لا يوصل دورى برقم يصير شى...يخترب الجهاز..اللى جدامى ياخذ لة نص ساعة..الموظفة ايها الطلق و تترك الدوام
و دايم يقعد واحد يمى يسولف...يشكيلى...يقول لى عن مشاكل طفولتة
زين ليش؟ شفيها حالة الطقس؟
آخر مرة..بالجامعة قاعد أنطر الدكتور يحضر..
واحد قعد يمى..
خلال 30 دقيقة عرفت..
اسمة
اسم أمة
تخصصصة
غداهم أمس
أبوه يحب المجبوس
أخوة عنده ماستر
اهو يبى يحضر ماستر هنى لان الجامعه فيها بنات
زين ليش؟
حتى اللى اتعرف عليهم..
مشتهى أتعرف على واحد مخملى و لا مليونير..

هناك 14 تعليقًا:

LiL ALiEN يقول...

الله نسينا ؟؟؟؟

يوم كنت مليونير واسلفك كل يوم .. واخرتها يوم صرت منتف .. قطيتني؟

شرقاوي يقول...

ولا تنسى اللي يقعدون يمك وايدهم على إذن و على طول حسهم. ويسمعون الناس من حولهم خصوصياتهم.

آه، لو تعرف شركة نوكيا شسوت فينا...

مانت وحيد يابومريوم، وعساك ما تتأخر في غرفة انتظار، أو في طابور...

_____
خذ معاك علبة قريس قبل لا تروح الجمعية أو. grease gun
وتفحص ويلات العرباين

Krakatoa يقول...

بومريوم
بعد الصلاة بالمسيد ويمك اللي كت جبده اعتقد انك وصلة اعلى مرتبه بالحظ الاقشر

باجي اللي تتعرضله كله أزائيز

حمد يقول...

لست وحدك عزيزي..
قبل شهر من الآن كتبت فقرة بعنوان


" يحدث لي دون سائر الناس"

على هذا الرابط..


http://hamadvision.com/?m=200703

فيا اهلا..يا اهلا وسهلا بك ..عضوا

جديدا في جمعية المنحوسين..!

nEo يقول...

معرفة الحفاي تفيد اكثر

المليونيرية عوار راس


تعال اطلع بحر و جابل و روح الوكالة و اليمعة بسلوى بالويك اند ولا الشاليه


عوار راس !

ناصر الكويت يقول...

الحظ شيبي بالفقير

اصلا منو يبي الفقير

ماوراه الا عوار رأس وكله يتشكى وماكو شئ عاجبه وكل ماقعد يم احد قاله قصة حياة أهله

واذى كون علاقات يا الخباز ولا هندي الى يسوي سمبوسة

واذى طار طار ويا الكاشير المصري

وتحصلهم بمركز سلطان يسحبون خمس دنانير

esetch يقول...

على الأقل مجبوس وماجستير ومعلومات عامة


مو مثل ذيك البنية، تخز وأخز تخز وأخز وأخيراً إبتسامة جان تقول لي، جوتيك حلو

Q80-Chill Girl يقول...
أزال المؤلف هذا التعليق.
Q80-Chill Girl يقول...
أزال المؤلف هذا التعليق.
Q80-Chill Girl يقول...

واحد اسمه طلعت كان صديق للعائلة مصري "صج و الله ايكون قايله معلومه؟؟" المهم كان يقول مثل يعجبني


((الجينيه بيخبط عالباب بيسأل اخويه هنا ؟؟ ازا مالآهوووش ما يخوشش))

فا لازم تكون عندك مقومات المخمله علشان تتمخمل

و على عربانة الجمعية، اخيس شي تكون بنية و تحوشك العربانة اللي اتجللللب بالارض؟ اللي مادري شنو قصة تايرها يحب يدبق بالارض!! او يفتر كل شوي و يفشششششششلني!! اللي ما ادري اعابل بالعربانه ولا فيه! من يومها اتعزلت التسوق الثقيل الا في حالات قصوى و يا زين السلة


رتوش على الفقرة الاخيرة، صعب التركيز من صباح الله خير

بومريوم يقول...

lil
فلوس؟
قصدك توامين ايرانية؟

شرقاوى
هذول مشكلة...
ودك تهفة بالتيلفون على راسة

كركوتا
هذى من الكلاسيكيات:)

العزيز حمد
ابى اسجل معاكم عضو بالجمعية

neo
راضى بعوار الراس...
بس ودى يكون عندى رفيج سيارتة ايطالية

ناصر
انا من اللى يسحبون خمسة ترى

اس اتش
لووووووووول
قوية

chill
دام ليتل اللين رفيجى
وينى وين المخملة

Diver يقول...

بومريوم الاولين ما خلو للتاليين شي و قالو


القرادة ما تعيل

فهمتني
:)

غير معرف يقول...

Lol

ناصر الكويت يقول...

وتبي تصير مخملي !!