الخميس، أغسطس 07، 2008

اللجنة القومية للهلس و المسخرة

شاشات العرض اللى بالطرق السريعة شنو فايدتها؟
اذا الطرق كلها زحمة الصبح و المغرب..
بتدودهونا زود

انا عندى اقتراح للحكومة
الصبح و احنا رايحيين الدوامات..تتلفت الكل عاقد النونة
و البوز شبرين
الحكومة تشكل لجنة تسميها"اللجنة القومية للهلس و المسخرة"

شنو مهمتها؟
كل يوم تحط نكتة فى هاشاشات..الناس و اهى رايحة دواماتها تقراها
و الاحسن تكون النكتة على شكل سؤال و انت رايح
و الجواب وقت ردة الدوامات

تنبثق من اللجنة ادارتين
ادارة النكتة القومية و هذى تتولى وضع النكتة اليومية فى الشاشات
و ادارة الهلس و المسخرة و هذة تتولى تغيير مزاج الشعب

المشكلة هاللجنة راح تتبع أى وزارة؟

هناك 32 تعليقًا:

Diver يقول...

بومريوم شنو "هلس" انا اعرف معناها بس ما هقيت انك تستخدمها لانها مو كويتية
على العموم انا ابي على قولتك دائرة الهلس و المسخرة شكلها ادارة زينة
بعدين اعتقد انه غالب الي يشتغلون بهالادارة لازم يكونون من الجنس الناعم
مو جذي

nanonano يقول...

بالضبط...أنا كل يوم لما أروح الدوام استغرب من تطنقر الناس...يعني الواحد لما يرجع من الدوام يكون معصّب بالنسبه لي مفهومه يوعان وفيه النوم..بس اللجنه القوميه للهلس فكره وايد لطيفه..بس منو تهقى ممكن يكون قائم عليها...منو عندنا خفيف دم..ما أدري أنا أعتقد النائب خلف دميثير جيّد يبي لنا نفس هالنوعيه

Jandeef يقول...
أزال المؤلف هذا التعليق.
Jandeef يقول...

انزين ليش لابس بشت؟

Someday يقول...

يسلم تمك!!
تتبع وزاره الاعلام ما فيها روح تعال!
لااا يتراوالي الداخليه؟
لااااااا الصحه؟؟
تدري شلون؟!
يطلعون لها وزاره بروحها!
و لا لااااااا هيئه مستقله!!

Mohammad Al-Yousifi يقول...

شوف منو الوكيل

أبو لطيف يقول...
أزال المؤلف هذا التعليق.
أبو لطيف يقول...

الله يحفظك

ما خليت شي ما نقدت عليه

هذي لوحات ارشادية مهمة جدا
كل دول العالم المتقدم والمتحضر تستخدمها

لما يشغلونها اتعرف اهميتها

الصبح والظهر وقت الزحمة ... راح يكتبون دير بالك الشارع مزدحم

والاوقات اللي مافيها زحمة ... راح يكتبون الشارع مو مزدحم

شفت شلون اهميتها !!!!
اذا ما كتبوا لنا زحمة وموووووو زحمة منين راح انعرف ؟؟؟؟

=====

جواب سؤال اليوم ( ليش الزهيوي لابس بشت )

راز نفسه عشان يعينونه رئيس هيئة الهز والرز .... قصدي االهمس واللمس

جني نسيت الاسم .....

اشوفه ورد اقولك

والله المستعان

أبو لطيف يقول...

صج اني رايح فيها

الاسم موجود بالعنوان

إمـرأة لا تُنسـى يقول...

اللوحات الالكترونية تساهم في الحد من عادة التحلطم في حال ازدحام الشارع بسبب حادث مروري، بتقول له "روح الطريج الثاني عندنا حادث اهني" أما ان كان المواطن غاوي لقافة أكيد بيظل في طريجه عشان يشوف الحادث اشلون صاير ومنو فيه وشنو نوع السيارة!..

برأيي مارح تنفعنا بنسبة 100%.. لأن الناس من الحين تطق بريك مفاجئ عشان تقرا اش مكتوب!!!!! رغم ان الطريج فاضي.. غريب امرهم

أما عن اللجنة القومية، اتوقع احنا في حاجة لها أكثر من اعلانات "ترشيد" لأن الشعب كل ماله يعقد النونة ويبوّز ويتحلطم ويتقرطم ومو عاجبه شي وكله متنرفز.. لو تلاحظون ترى الأغلبية صايرين جباريت - الله الحافظ

أبو لطيف يقول...

جباريت

بو مقص

http://www.indiamart.com/amalamatch/pcat-gifs/products-small/wooden-matchsticks.jpg

بو نيوم ( جنه يصير حق بومريوم )

http://gallery.7oob.net/data/media/6/fe132c74bd.jpg

Q80 Blogger يقول...

ولي مثلا دوامه بصبحان .. يشوف الجواب قبل السؤال
عطنا حل لهالمشكله عشان نأيد الفكره معاك

Unknown يقول...

ههههههههههههههههههههههههههههههه ياخف طينتك هههههههههههههههههههههههه

بصراحة استانست لما شفتهم حسيت روحي مسافرة لديرة مهتمة بالناس اللي فيها =))
بس هذيله مايسوون شي بدون مايبلعون نصه - السالفة تنفيع ١٠٠٪

Bad-Ran يقول...

انزين شنو جواب النكتة ؟

راعي تنكر يقول...

loooooooool
بومريوم أأبدك أأبدك أأيدك
بس لازم يتم اختيار الموظفين على اسس عالية من الامانة والاخلاص لتفادي تسريب جواب النكتة اليومية

iDip يقول...

اقتراح عظيم

واقترح ان الشاشات في رمضان تحط أدعية ورسالات ارشادية و
Reminders
مثلا
اللهم اني صائم
افطر يتيما
تكدس المصلين في نفس المسجد يزيد الحمل الكهربائي
المساجد اللي فيها صفين مصلين اسراف في الكهرباء
لا تسرف في الماء ولو كنت على نهر جار
من حبنا لها نوفر لها

هل سبيت احد اليوم؟
صايم ولا فاطر؟
Fast, but don't drive fast
ردوا بيوتكم، الفطور قرب
روحوا تسحروا و فخوا عشان ما تمدون بوزكم باكر الصبح
If you're not fasting, Big Brother is watching you
وحدوه
صلوا على رسول الله
طالع الطريج احسن لك، ما في شي اليوم
...الخ

Musaed يقول...

انزين شمكتوب على الشاحنة؟

بو مريوم لنقل الرهش ؟

Bavaud يقول...

والله خوش فكرة! لأول مره انا بترك المعارضة و بأيد لا و بشدة بعد!

عالأقل نفرفش شوي عقب ما الواحد يقرا الأخبار الحلوة اللي تارسه الجرايد نهار كل يوم!
طبعا كله بصوب و النكته اللي انت حطيتها بصوب!

بس سؤال داش عكس السير، هذه الشاشات وين موجودة؟

كويــتي لايــعه كبــده يقول...

وزارة "حط أي شيء تتعذر فيه علشان تبوق"

مرة وحده ادمجها مع وزارة ثانية بس علشان تحط عليها "فلان"

واذا طلع او "طلعوه" رد فل الوزارة الى وزارتين

تدري... ديرة بطيخ

---
عاد لا تعلقنا... ليش لابس البشت؟
:)

راعي تنكر يقول...

عاد اذا بيستجوبون وزيرها راح تكون محاور الاستجواب ان النكت كانت بايخة او نكت قبلية او نكت سياسية او نكت خلاعية
LOOOOL

As YoU LiKE يقول...

زهيوي ولابس بشت ؟
هذا ياراشد الحمود او علي الخليفة !

على حسب نوع الزهيوي ..

الداخلية شغلتها لتجربة .. صارت الشوارع زحمة من غير حادث !

Tekana يقول...

اتوقع ممكن يستغلونها حق رمضان خوش استغلال

يكتبون عليها : باقي على فوازير وراها وراها 45 دقيقه p:

ابوالوليد يقول...

أؤيد الاقتراح بقوة

ونبي ادارة للضغاط

يعني يحطون صور لشخصيات ويطيحون فيهم ضغاط

mo3ath يقول...

الله يقطع ابليسك عليك سوالف مادري من وين تطلعها :)

شنو متطلبات التوظيف ؟
لازم المتقدم يكون لاكه وقت الدوام ودمه خفيف ؟ :)

لووووووول تصدق لو تصير صج ماانزل من سيارتي ، تقزر :q

J Daily يقول...

تكون هيئة حكومية منفصله
حالها حال بيت التمويل..

الوكيح يقول...

شنو الغرابه؟؟
بوقه يديده تنفيع ناس . شي مو غريب
مثل سالفه تغيير ارقام السيارات كل فتره
. الداخليه الله يعزكم بالوعه مغطيه . القياديين فيها استغنوامن الرشاوي من الشركات . لقد أسمعت لو ناديت حياً ولكن لاحياه لمن تنادي

Bavaud يقول...

أنا عجبني إقتراح العضو الموقر ابوالوليد بخصوص إنشاء إدارة للضغاط!

يعني تخيل مثلا وزير يقوم من النوم، ولا القنوات كلها و الجرايد حاطين دوبهم دوبه، حتى الموظفين و السكرتيره يضغطونه لمدة يوم كامل، لا اقتراح بن عاقولي هذا يابوالوليد!

شرقاوي يقول...

أنا أقترح أنهم يقطونها على الموظفين اللي يتابعون المدونات المشاغبة.

يعرفون يتعاملون مع تكنولوجيا متطورة و خبراء في الكومبيوتر.

و خلهم يحللون معاشاتهم بالترفيه على الشعب. بس عسى عندهم روح الفكاهة.

بومريوم يقول...

diver
دورت لكلمة مناسبة بالكويتى ما لقيت:)

nanonano
قاعد ندور مرشحين
بس شرط ما يكونون من النواب

jandeef
مانى قايل لك
اقراها و انت راد

someday
هيئة مستقلة..مثل ديوان المحاسبة


مطقوق
الوكيل شخص عادي ترى...هين


ابو لطيف
حقك على...ما تحلطم مرة ثانية

بنت الوطن
عشان نخفف الزحمة يبيلنا ستاير كبيرة
نغطى فيها الحادث

كويتى بلوجر
محلولة..انا دارس الموضوع من كل جوانبة

حل النكتة ما يعرض الا الساعة الواحدة ظهرا


ماشى قطارى
يا خف دم الحكومة مو انا:)


بدران
انطر نهاية الدوام


راعى تنكر
بنسوى حملة...شرايك؟


i dip
انت عنصري و طائفى ترى:)


halfcup
لا بومريوم لنقل العفش و تفكيكة

bavauad
الشاشات بكل طرق الكويت الرئيسية


كويتى لايعة كبدة
لا لا
لا تشكك فى النوايا الحكومية الطيبة
ترى همهم الاوحد المواطن و مزاجة العالى

as you like
بعتبر نفسى ما سمعت شى


tekana
و صورة نبوية بولند

ابو الوليد
هذى بعدين اذا اثبتت الفكرة نجاخها
بس اخاف الحكومة تضغطنا

معاذ
انا؟
هذى سوالف الحكومة

يعقوبوو
فى واحد احترق هارد دسكة ليش؟:)))

تابط عقلا
خلنا نشوف الجانب المشرق من الموضوع

شرقاوى
احلى وظيفة:)
اللى نسوية ببلاش ناخذ علية فلوس
بس منو المدونات المشاغبة؟؟؟

Kwaitiyya يقول...

ليش لابس بشت؟؟ عينوه بالوزارة اليديده؟

الديرة كلها تعبانة! يت على اللوحات اللي حاطينها فوق روسنا؟؟
أكيد مناقصة ويبون يفيدون صاحبها والسالفة فيها بوقه مئات الملايين

صرنا نعرف السيناريو جنهم فيلم هندي

3abeer يقول...

فكره عبقريه .. بس خوفك تطلع لك اللجنه مالت الظواهر السلبيه وتشكك في نوعية النكت المعروضه على الشاشات.. لازم تكون نكت ما تتعارض مع "العادات والتقاليد" ولا راح يجتمع المجلس عليها وما يوصلون الحل.. وينحل المجلس.. وكل هذا بسبة نكته غير مسموح فيها..

يعني خربانه خربانه.. لازم نكت نكديه علشان تتماشى مع عاداتنا وتقاليدنا.. شرايك؟

ZwaiZ يقول...

3ala fikra tara ako wa7da kharbana wetha mani mano ghal6an malat 6areeq el-maghrib wenta rayi7 jinoub o the funny thing is ena maktoub "ta7t etajrouba" wel shasha me7targa ;)