مشهد 3 خارجي
طابور طويل متزاحم...حريم مفترشة الارض
رصيف متهالك من كثر الدوس..
رصيف متهالك من كثر الدوس..
الكل متجهة الى تلك النافذة الحديدية المسودة الاطراف
خلف النافذة رجل ببدلة سفارى..يصرخ
مفيش عيش النهاردة...
هند رستم ملتفة بالملاية اللفة تخترق الحشود و تنسحب الى الباب الخلفى للمبنى
تخرج محملة بشكائر العيش البسمتى و دهن الدلال و بعض اكياس الطحين لزوم القبوط
تصرخ الحشود بصوت واحد..اييه دة..هى كوسا؟
ناس و ناس...تنسحب هند غير مبالية بالنظرات الغاضبة و المشمئزة
جنبي رجل حلي اسمر بتي شيرت قذرة و جينز و شعر كثيف مدهون:بابا ...انت سنو يبي؟ يبيأيش؟يبي دهن ؟يبي سابون؟كله موجود بس انت جيب فولوس
لحظة..مصر ما فيها هنود..و لا فيمتو
انا وين؟
للحظة سرحت و تخيلت انى احد الكومبارس فى فلم مصرى ممل و المشهد الكلاسيكى من افلام الثمانينات بعد الانفتاح
مشهد طابور الجمعية
نفس المشهد الفرق انى جدام فرع التموين بالجمعية...الحشود منتظرة الصدقة الحكومية
ناقص دكان عم سيد المكوجى و عربانة فول
ملاحظة.: هند رستم طلعت مو هند رستم ...طلعت الهام الفضاله بالنيو لوك...العتب على النظر
هناك 19 تعليقًا:
انتوا يا كويتين مطافيق وتفشلون
تشوفون زحمة رجعوا بيوتكم ترى الكميات ماراح تخلص. كل يوم في مخزون يديد (:
الشرهه عالحكومة إلي عطتكم ويهه D-;
الحمد لله على السلامة
حرام عليكم
الحكومة جزاها الله خير
توزع عليكم معكرونة وبلاليط بلاش
وانتو تستهزؤن
تدري ان تلكفة المواطن الواحد( دينار ونص ) نعم دينار ونص ... ماني غلطان
خافوا ربكم يا مواطنين
دينار ونص اغراض بلاش
بلاش كده
اذا ما حصلتو بيض حق البلاليط
يقولون تلقون بيض بسوق اللحم
والله المستعان
افلامنا نيو لوك
المشكله ابي صورة الهدية الرمضانية مالت باقر العيش
كفاية ئر
دعوا الناس تتمتع بالمكرمة الحكومية وتتمرغ باللطف الحاتمي خلال الشهر الفضيل.. قد كُسرت ظهورهم من غلاء الأسعار والحكومة للحين تبي تكافح
:P
ها ها ها
أفا يا بو مريوم.
هدية رمضانية. ما هي صدقة. أكرر: هدية، مو صدقة.
بس آنا خابر، حسب عاداتنا و تقاليدنا، البلاليط ضحى العيد. إلا إذا بعد هالمخمليين يتسحرون كل صبحية بلاليط و بيض. و الحكومة تبي تراضيهم.
بومريوم ما لنا الا بورمية نحكره بديوانه الضيج(بعد ما هدموا ديوانيته المخالفة) ونقنعه يشرع قانون يلزم الدولة توزع التموين والمئة سلعه المدعومه باستخدام آلية التوصيل الى المنازل
باقر شايفنا يهال ؟
تبي بو بلاش انطر بالدور ماتبي روح مركز السلطان اشتر اغراضك بفلوس وانت تحت المكيف
بسيطه
و الله يا بو مريوم
الكويتين من كثر ما تطنزوا على الشعوب المطحونه
الله بلاهم بطحان اسوأ
يمكن هذي حوبة البنغال
آنا عن نفسي أدعي حق (مو على) باقر بعد كل صلاة أصليها بالمسجد
تهقى يرضى يتبناني؟
عشان تشوفوني جلد على عظم بعد شهر لووول
مادري هذا قاعد يدفع ويصرف علينا من جيب أبوه؟
زين ليش ما ظافوا القرقيعان مع الهدية الرمضانية؟
مشهدك من اساس تخيلته طابور الجمعية او التموين
ترى اللي بالدرب أكثر
"انسحاق الطبقة الوسطى" كلام مو نظري
بدأ من فترة وبعض العلامات بينت من الحين
الله لا يسامح اللي كان السبب
يعني البلاليط راح تشبعك؟
اي الشوله رايح؟؟؟؟ انطر عن العيله و المدازز و الهواش
الهون ابرك ما يكون
مبروك عليكم الصدقه
واتوقع بالقريب المنظور بنشوف الكويتيين
على بيبان التجار صافين دور للزكاه مثل أيام قبل النفط.
الكويت الحين طبقتين طبقه أغنياء غنى فاحش
وطبقه مطحونين من التجاروالحكومه ولبهم ياكلون لقمه يومهم
الطبقه الثانيه تتلقى ضربات قويه على الراس والياي اكثر .
حكومه ما تعرف شنو تبي ومجلس فاسد وشعب كلام وبس
اول شي سالفة هي كوسا هذه بروحها سالفة
ضحكت عليها نص ساعه فأشكرك على إدخال البهجة في قلبي
انا ملاحظ من التعليقات ان الكل يتكلم عن الوضع الحالي، بس اللي فهمته من كلامك إنك تقصد كويت المستقبل؟ الظاهر بعدي عن الكويت أثر على فهمي للأمور!
اذا كان كلامي عدل عيل الله يستر
واذا كانوا الشباب صح عيل الله يعينكم
cheers
انت احسن مدون سمعته في حياتي
بعد قولي ما سمعت قول بحمود على روسيا من قبل
صج الفيمتو مدعوم من الحكومة حق رمضان؟؟؟
الله يسامحك عاد من هند رستم لي الهام الفضالة
يعقوبوو
و الله صج الشرهة على الحكومة..احنا مو ويهة نعمة
ابو لطيف
الله يسلمك..كما تقول الحكمة الخالدة
اذا عطاك الشيخ مرق..ضعة فى شليلك
enter
عندى الصورة و انا شايل الهدية و اقول
احمدك يا رررررررب
نون
لقد امطرت السماء عيشا و بلاليط
بس احنا ما يترس عيونا شى:)
shaden
هذى ضحكة لو واحد بيعطس؟
شرقاوى
هدية لا تزعل:)
محد مضيعنا الا المخملين..بلاليط يوم و ترك
ما قط سمعنا
راعي تنكر
اذا حكرت بو رمية يصير شى مو زين
ما ينقال
محسد
لا شايفنا تجوز علينا الصدقة
حمودي
يبا انا رايح اشترى التموين و ما خذيت الصدقة
بعدين تبينى اتغرض من سلطان..عز الله طار المعاش اول الشهر
ملاحظة
ملاحظتك تعور لانها صادقة جدا
حمود
بيصرفون قرقيعان محزر
كويتى
الله يجعل كلامنا خفيف عليهم
مقهور
رايح اصرف التموين و الله
تابط عقلا
و الله كلامك عدل
نصير مثل الهند يا فوق فوق او تحت الارض
bavaud
ان شاء الله دوم مستانس
العاصي
انا اقص ايدى اذا مو مزتك بربير و رويد
زيدون
الفيمتو و خبز الرقاق..اساسيات المواطن
دايفر
هذا اللى همك بس:))
شفيها الهام...موت الحمر
إرسال تعليق