عتاوية بدون عصاعص: انور وجدي المنطقة العاشرة

عمرك بيصك الاربعين و تبين تصيرين باربي مو مشكلة ..حرية شخصية
قدمتى برنامج طبخ و قامو يكتبون الاعلامية فلانة..هم مو مشكلة
انتى و ريلك قصة حبكم افلاطونية و لازم يكنبها التاريخ هم مو مشكلة حقكم

بس خالتى..احنا شكو تغثونا بالجرايد؟
بعدين خالتى...شخبارى باربي؟
حتى مريوم تفتشل لو نناديها باربي

انا خابر الانسان المشهور يسوى لعبة تشبهه
مو يغير شكلة عشان يصير يشبة اللعبة

من غير حلف انى شايف اللعبة بسوق المباركية اب دينار..اهم مغيرين العلبة بس
و هذا موقع على بابا..اطلب اللى تبية و غير العلبة

معدين الصفحات الفنية ليش غاثينا باهالسوالف؟
يعنى الحياة وايد حلوة و فى اشياء وايد جميلة بالكويت تستاهل الواحد يكتب عنها

انا بسوى مثهلهم و بسمى نفسى انور وجدى الصباحية

هناك 12 تعليقًا:

nanonano يقول...: صباحو
أنا ممكن أصير أم عليوي في ضحية بيت العز...و خاصة الرّيش الفوشيا لازم يصممون لي اياه; 11:36 ص
Diver يقول...: بو مريوم لا تستعيل ترى بتنغث بالتلفزيون بتمثل البنت الحلوة

تبي الصج سالفتها وايد احسن من سالفة الحكومة و الوضع المزري
تضحك على هلشكال احسن ما تحس انه الحكومة تضحك عليك

سهلها تسهل

سلام; 11:50 ص
Blog 3amty يقول...: ناس فاضية من بره ومن داخل !; 11:52 ص
esetch يقول...: عيَل عدني ليلى مراد

بس أخاف لجنة الظواهر السلبية تحقق وياي على أساس إني جنس

لا خلاص هونت أصير نجيب الريحاني; 12:00 م
esetch يقول...: بره الموضوع

نانو شخبارج. إنتي وينج يا بنت الحلال; 12:53 م
Q8-MaNaL يقول...: انا خابر الانسان المشهور يسوى لعبة تشبهه
مو يغير شكلة عشان يصير يشبة اللعبة

::::::::::::::::::::::::::::::::::

لوووووووووووووووووووووووول اي والله

باختصار هذي ماخذة في روحها مقلب; 12:58 م
ناصر الكويت يقول...: ظاهر تبي تخرب العلاقة يا بو مريوم; 2:35 م
كويــتي لايــعه كبــده يقول...: لك فقط أحد التعليقات بأحد الأخبار في مجلة الآن...

"بو فهد
لا اعرف لما ذا وصلنا الى هذه المرحلة من الانحطاط العقلى ....لهذه الدرجة تصل الامور بشخص ان يقوم بتسويق دميه على شكل زوجته ؟؟؟؟ هل هذه التجارة..... والزوجه تبرر انه لا ربحيه نريد يا عييييب الشوم على قول اخواننا اللبنانيين....؟"

الحمد لله والشكر حتى حليمة بولندا لها مقلدين

ملاحظة: انت يوم قلت موقع علي بابا على بالي اللنك حق جريدة الوطن!
:)

---
ذوقك بالأغاني صخر... مغبر بس صخر :)
حاط بلوقك بالخلفية وانا اشرب شاي بعد الغدا ويا المدام; 2:50 م
As YoU LiKE يقول...: دعيج الخليفة ماخلا شي مابطله ! ..

زين في احد حاس بالسخافة اللي قاعد اشوفها من هالخمة الاثنين !

ترا الاغنية اللي حاطها تقطع، اهي حلوة لكن تقطع .. حط imeem ابرك !; 10:29 م
joy يقول...: http://my-name-is-joy.blogspot.com/2008/01/blog-post_10.html

شووف من متى كاتبه عنها
:); 12:30 ص
بومريوم يقول...: nanonano
ام عليوى محجوزة
واحد من المدونين حاجزها

diver
آآآه يا قلبى

بلوج عمتى
زين احنا شكو يغثووونا
بس تبى الحق
اهم تعدوا مرحلة الفضاوة

اللحين مرحلة الخوااااااااء

estech
عاد انا سمعت ان صوتك حلو مثلها:)

q8-manal
تاخذ مقلب و احنا ناكلها...

ناصر
اى علاقةيا الطائفى؟

كويتى لايعة جبدة
انة زمن حليمة بولند يا بنى

و مشكور على المجاملة
رفعت معنوياتى و حاط لك اليوم اغنية مخصوص:)

as you like
دعيج انسان مجتهم
السنة اللى طافت حاضر افتتاح منتدى...جد و الله مو غشمرة!

joy
هذا انتوا يا المخملين
كل ما سوينا شى قلتوا احنا سويناة قبل

ذكرتينى بواحد من الربع..كل ما سويت شى يقول انا سويت نفسة
تعرفينة؟:P; 11:23 ص
nanonano يقول...: العزيز estech
موجوده طال عمرك...بس ملتزمه الصمت الجزئي

بو مريوم...باخليها عليك أنت أختار لي أحد; 8:54 ص