الأحد، يوليو 13، 2008

فلم كوميدي مؤلم


العزيز اس اتش دوم يقول لى انت ليش دوم يصير فيك جذى؟
مواقف متعومسة..

و انا بعز الالم و العوار ما ادرى ليش كلمتة رنت ببالى...
السقوط كان مفاجىء و الالم كان اكبر من اى احتمال...يشل
وصلت الاسعاف شالوني بسرعة الى العيادة...
بعد التشخيص الاولى قرروا ينقلونى الى المستشفى..

و انا نايم بالسرير...اسمع اشخاص يتكلمون عند الباب..
واحد قاعد يوصف ماطريق للمستشفى لشخص آخر...
يعنى اخش شمال و لا يمين؟...تخش الدوار..بعد الاشارة

انا ما حطيت شى ببالى..و مخى ما كان معاى
حطونى على السرير..
السرير فية شى يخلى العجلات ترتفع اوتوماتيكا قبل لا تركب السيارة
قربنا من الاسعاف..و طاخ..اى..
طا طاخ..اخ أى
طاخ طاخ ..السرير يصدم بالسيارة... آآ ى..
الممرض كان جديد و مو عارف حق السرير..
يا واحد ركض و عدل السرير...

ركبنا على بركة الله
اول مطبة...طاخ و تظل السيارة تهتز....أخ..اى
اسمع صوت السايق يصرخ...معلش يا بو مريوم..أصل المعاونات خربانة
العادة الطريج لى المستشفى عشر دقايق...ربع ساعة بالكثير..
عشر...ربع..و احس فى شى مو طبيعي...
شوى السيارة وقفت...
الحمد الله اخيرا وصلنا....

و لا السايق ينزل الشباك و يسأل
مستشفى..... يوصلوولوة ازاى؟
!؟!؟!؟!
اثرييية مضيع
آه يا قلبي

أخيرا وصلنا...
رجعت الاسعاف على المدخل
و لا الاسعاف يشكل هرنات...

ها شصاير؟؟
معلش أصل فى عربية مسكرة مدخل الاسعاف...
أأة يا قلبي...
اتوقع لو احد حالتة خطيرة
جان مات و حيا و رد مات مرة ثانية

هناك 19 تعليقًا:

غير معرف يقول...

سلامات

الزين يقول...

:(

خطاك السو

Mohammad Al-Yousifi يقول...

كتبت عن هالموضوع من زمان

http://www.ma6goog.com/2005/08/blog-post_21.html

و أضف على اللسته مكتب المحامي المبسبس خالد عبدالجليل

Unknown يقول...

أجر وعافية يا بومريوم .

في صميم الموضوع : اللي بالصورة على اليسار مو جنه مهند شاد أوغلو اللي في مسلسل نور ؟

Bad-Ran يقول...

آآآآآآآآآآآخ يا قلبي !!
احترييييت .. الله يا هالسوالف تحرني !!

الكويت مو دولة صجية .. اتوقع لعبة ؟

Diver يقول...

سلامات مرة ثانية بومريوم

بعدين الله يهداك راكب اسعاف بالكويت

الله يسلمك قبل جم سنة انا مع واحد من الربع مسوين اشتراك حق اسعاف

بعدين الله يسامح الحكومة اخوانه المصريين مايصلحون في بعض الوظايف خاصة اذا فيها سياقة و الله عندهم مشكلة جينية الدي ان اي مالهم ما يقدر يفهم السياقة اهما و الايرانيين و لهنود

على العموم سلامات و طهور ان شاء الله و بدامك طلعت من العدان سالما معافا يعني انت محظوظ و لازم تذبح بقه و تترس سبعة جدور

شرقاوي يقول...

طيب طيب، يا بو مريوم،

بس قول الصج، من هي من اللي في الصورة أخصائية العلاج الطبيعي؟ السمرة أو الشقرة؟

LiL ALiEN يقول...

ماتشوف شر .. وان شاءالله باللي يكرهونك

هذا انتوا يالمخمليين الكبار .. ماتحسون فينا احنا الخشيين الا اذا طحتوا بمشكله

احمد السعدون طاح .. حس ان مستشفياتنا الله بالخير

انت ليمن طحت .. حسيت ان مستشفياتنا حقل تجارب على البشر



لنا الله .. على الاقل كان في طيارة خاصه نقلتك للعلاج في جزر البهاما

mtfa2el يقول...

سلامات .. خطاك السو

متفرغ يقول...

الحمد لله على السلامة :)

violinist_q8 يقول...

الحمدلله على سلامتك مأجور ان شاءالله

زين ان الموضوع يا على جذي وماطلع السواق غشيم ودش بصبه

esTeKaNa يقول...

سلامات ياالغالي
غدا الشر ان شاء الله

mo3ath يقول...

سلامات ماتشوف شر

جان داق علي ادليك الدرب ترى حذفه عصا عني لووووول

بس سالفه السايق المضيع اسمحلي لووووول

Q80 Blogger يقول...

سلامات يا الحبيب

ناصر الكويت يقول...

مع اني شايل عليك حيل بعد ذاك اليوم

بس سلامات وماتشوف شر

طائر بلا وطن يقول...

سلامات يا بو مريوم

ما تشوف شر يا الغالي
:)

esetch يقول...

سلامات يالغالي

آنه مو قايل لك لا تكثر تشريب الباجه من مطعم الميدان

بومريوم يقول...

nychik
الله يسلمك

الزين
خطاك اللاش

مطقوق
اى موضوع؟:)

اوراكل
الله يسلمك و يخليك
و الله مهند يشبة واحد يبيع بسوق المعلم
لا و ريحتة خايسة بعد:)

بدران
و الله مرمرونى...
بغيت اقول لهم ردونى البيت اييب مجبر ابرك

دافر
الله يسلمك و يخليك
العدان زين ترى...بس حق تقطيع اللحم

شرقاوى
الله يسلمك
و الله لو احط صورة اخصائى العلاج الطبيعي تهون تدش مستشفى

الريال عندة 7 اصابع بكل ايد
اصابعه عندهم أصابع

ليل
بجيت يوم قريت ردك
انا ليش ما يابولى اخصائى من ايطاليا؟؟؟

متفائل
الله يسلمك
خطاك اللاش

متفرغ
الله يسلمك
الدكتور يقول كل يوم لازم تاكل حلوى
و شرط بحرينية:)

violinist_q8
الله يسلمك
انا اتوقع لو مطول بعد شوى جان سواها
بصبة بعدين الشبة تطيح علينا

استكانة
الله يسلمك:)

معاذ
ما اعرف رقمك:)

كويتى بلوجر
الله يسلمك:)

ناصر
ليش زعلان؟
لايكون على سالفة النمسا؟:)

طائر بلا وطن
الله يسلمك و يخليك
الشر ما يجييك

اس اتش
منين اشترى عيل؟
الرستوران جايد معطية ريتنغ خمس جماجم

joy يقول...

الف سلامة عليك



وهذي الكويت صل على النبي