الجمعة، مارس 14، 2008

أفاعى كوبرا تنفث سم الحياة المبهجة

قبل كم يوم كان فى موضوع بالجريدة عن الفيس بوك "لى اللحين مانى قادر استوعب فكرتة"..ما علينا
كانو حاطين وحدة من المجموعات اسمها الحملة الوطنية ضد الحجاب بو تفخة..
طبعا كلنا تكلمنا عن حجاب الالين..و انة يلوع الجبد
المشكلة ان اغلب اللى يلبسونه ضعاف وايد...ريول و صماخ
ما علينا
الشى اللى بقولة...انها حرية شخصية..ليش الكل يكتب عنها حتى بالجرايد؟
انا واحد من اللى كتبوا عنها على فكرة

بس لحظة...تذكرون موضة الرياييل الخايسة مالت الثمانينات؟
يعنى مو بس الحريم ..حتى الرياييل...ايام الثمانينات...كوبرا منشية و شوارب عبد الله رويشد

الشوارب من طولهم..لى صار الهوا ضدك يغطون على عيونك.
من كبر الشوارب..يثقلون على براطمك ما تقدر تتكلم بسرعة..
تعرفون الحركة اذا وحدة متنقبة بتشرب شى؟ شلون ترفع النقاب و تشرب
نفس الوضع اذا بنشرب لبن..بس نرفع الشوارب

أما النسفة..ضيم..

و مثل البنات اللحين يحطون قواطى نخى و قواطى روب

بعض الشباب كانوا يحطو سيام..و علاليق هدوم..

من كثر النشا..لى ييت تنسف الغترة...جنة صوت خبز رقاق يتكسر

يعنى

لا تعايرنى و اعايرك الهم طايلنى و طايلك...

احنا اللى بديناها


هناك 13 تعليقًا:

enter-q8 يقول...

بو مريوم عندي واحد من الربع من هالحقبة
بس تخلى عن الكوبرا و ما تخلى عن شنبه الصنديد

قبل اذا كنا نتمشى بالسيارة و شكينا ان اهو اللي بالسيارة اللي جدام بس نطالع على المنظرة اللي على اليسار اذا لقينا خط اسود فيها عرفناه


بس انا صج بسال شنو يحطون بالحجاب صج قواطي روب

LiL ALiEN يقول...

ويحك!!
تتطنز على الايلينز؟


على فكره ايام الثمانينات النشا مو بس ينحط على الغتره .. حتى الشنب


ونايس استفتاء



Enter-Q8
يستخدمون درامات الصبغ الكبار تحت الحجاب مو قواطي روب

Someday يقول...

Your poll!!! Is all YES!!!!!
:’(

Bad-Ran يقول...

LooooooooooooooooooooooooooooooL

و شايل بأيده أنطلق واحد

من وين مطلع هالصورة :)

EXzombie يقول...

انا مقاطعكم.....!!!؟

Mesbah يقول...

إن كان الإسلام هو الحل... فأين المشكلة؟

يعني يا جماعة، عايشين في تخلف على كل المستويات. حتى الدول أو الأفراد أو الجماعات أو العائلات الغنية متخلفة تحت السطح وما تمدنهم وتطورهم إلا قشور. مع الزمن، شوه الإسلام جيناتكم - الله لا يوطرزلكم - وما زالت الإغلبية العظمى تعتقد بأنه هو الحل. تماماً مثل مدمن المخدرات أو الكحول الذي يعتقد بأن في هذه المواد حل مشاكله، ولا يعترف بانها هي المشكلة فعلاً.
عليه، فالجواب على سؤالي أعلاه هو: :الإسلام". نعم؛ الإسلام هو المشكلة وليس الحل.
يا حلوين انت وهي وهو: ما رأيكم في شعار جديد؟
"لو كانت العلمانية واحترام الانسان لمجرد كونه انساناً جرائماً، فسحقاً لمن تثبت براءته!"

esetch يقول...

أشوة آنه بهالوقت ( الثمانينات) كنت صايع بره الديرة، فما تأثرت أما بخصوص الشنب فكنت متأثر ببوعنتر وستايل شنبه

esetch يقول...

بومريوم على فكرة

قريت نتايج الإستبيان الأخير، مسكين إلين كانوا ناطرين الشارة علية


ملاحظة: شكل إلين مصوت ومختار الإختيار الأخير 4 مرات

8-))

متفرغ يقول...

لووووول .... بلا نسفة و عوار راس اخلي الغترة مهدودة و مرزام بوسبعة - ان صحت التسمية - او مرات اخليها من غير مرزام يعتمد على الحالة النفسية :)

vancouver يقول...

ويييييييع

حدها الشوارب ويييع


اتصدق بومريوم كبرت بعيني
على صدقك
اول مره اشوف كويتي يقول
احنا اللي بدينا قبل الحريم
بشيء يلوع الجبد
العاده كله مشلخينه وبس


ومع هذا ماكو شيء ييب الغثيان
مثل الصماخ الوارم
!!

---
حاكي عقالي
ترى انا سمعت يحطون شباصات رييييش
لووووول عشان تنتفخ
ويييييع

Q8Disaster يقول...

لوووووووووووووووووووووووووووووووووووووووووول

الشنب مشالله قوي

ليش ماطبقت على صورة عبدالحميد دشتي لووووول

فريج سعود يقول...

والله انا مثلك ماني فاهم يسالفة الفيس بوك
خل ندش دورة انا وياك
دورة فيس بوكية
او احد يتكرم علينا ويفهمنا

بومريوم يقول...

enter-q8
تقدر تدز لى صورتة؟

ليل
انت مو معتزل؟
ليش لى اللحين تعلق؟:)

someday
تصويت على الطريقة العربية

bad-ran
وبيجر بالمخبة..لو اقولك منين ما تصدق

اكزومبى
ليش؟ يهود؟:)


mesbah
مشكلة أمثالك انهم يغرقون بشبر مية

ما علية

estech
نبى بعضا من مغامراتك:)


متفرغ
و خيزرانة بالايد:)



vancouver

نحن لا نسعى الا الى الحقيقة المتجردة من كل التأثيرات السياسية

Q8Disaster
ما نتكلم بالسياسة:)

فريج سعود
من يتبرع و يشرح لنا؟
يكسب فينا أجر