هل يمكن أعتبار التشريب نوع من أنواع أطعمة الافطار؟
مع العلم ان الكورن فليكس يندرج تحت تصنيف التشريب..
ماهو تأثير العولمة على نظرتنا للاشياء؟ و هل قتلت الشركات الكبيرة خصوصية المجتمعات المحلية؟
أمامك علبتان..الاولى مكتوب عليها كلوجز كورن فليكس و الثانية خبز رقاق و حليبة...ماهى نظرتك لهم و أيهما ستختار؟
هناك 12 تعليقًا:
كلوجز
طبعاً نختار الكورن فليكس
المحلي ما ينفع شعار المرحلة الياية
لا يبا المحلي كله زايدين اسعاره
خلنا على كلوجز
واصلي ايميل مفاده انك تحط خمس قفاش كبيره من الكلوجر بجيس نايلون شفاف وتح فوقهم ماي بكميه ممعقوله وتخليه يذوب
بعد فتره تشوف من تحت برادة الحديد تطلع منه
عاد مصداقية هالتجربه مادري انا ماجربتها
ويعيش كلوجز
لا تفكر ولا تحتار
غير التشريب لا تختار
كورن فليكس التشريب عشان انا ما احب الحليب
:)
فكرة الكورن فليكس مبيوقه من التشريب ( الثريد - في بعض المجتمعات الخليجيه )
ويجب محاسبة شركة كولقز محاسبة عسيره
خبز رقاق و حليبه
خصوصا اذا حليبه
تصدق يا بو مريوم
على أساس قبل نبي ننفض الغبرة و نصير
كول طحنا بالكورن فلكس فترة
نتغير يعني
:)
تصدق
الوالد الله يرحمه كل ما شافنا شخط فينا
و قال لنا : ما تقولون لي شنو الفرق بينه
و بين خبز الرقاق .. قاصين عليكم
حتى الرقاق أحلى
و توفى الله يرحمه على هالقناعة
كان راعي مبدأ و ثابت و نظرته ثاقبة
:P
مطقوق
انت برجوازى طبقى تسعى الى سحق الطبقة المسحوقة بالاساس
استش
حتى انت يا ابو روتس
فيصل
انا جربت هالحركة..ما تصدق شنو طلع..
مسامير و برادة حديد و نحاس
انشر و لك الاجر
متفائل
على راسى
وردة
نعم للعادات و التقاليد
Q8Disaster
اتصلت اليوم بخالد عبد الجليل للاستفسار عن امكانية رفع قضية..
enter-q8
و اذا فوقها شوى سحلب
ايبااااااااااااااا
طائر
تصدق طحنا بالكورن فليكس عبالنا بفك..ناكلة خالى:)
اللة يرحم الوالد و يجعل مثواة الجنة
بومريوم
أولا, أنا من أنصار البخصم "أو البقصم لغير الناطقين باللهجة الكويتية", مع الجاي, لأني ما احب الحليب
ثانيا, بالنسبة للسؤال المطروح, فيه ناس تحب الكورنفليكس, وفيه ناس تحب الرقاق مع الحليب, مع إعتراضي على الأخير لأنه مشابه لأكل الدياي :)
بس الناس أحرار بمعتقداتهم البطنية, ومانقدر نفرض عليهم أذواقنا
فهمت شي من كلامي؟ طبعا لا, لأني آنا موفاهمة
:)
ومبروك المدونة المشتركة, فكرة وخطوة جيدة
خبز رقاق..وحليٍبه وعليها سكر نبات مجروش واي اضافات اخرى مثل حب شمسي او فسفس مايمنع
إرسال تعليق