الاثنين، أغسطس 03، 2009

بغيت أنسي



ثلاث ارباع البوستات أمس كان عنوانها لن ننسى..
ما يصير ثلالث أرباع السنة بوستات تحريضية و بوستات طائفية و هاليوم بوست يتيم لن ننسى

و الله بغيت اصدق أمس واحد من المدونين كاتب كلام كبير أوى عن الطائفية و اللحمة الوطنية..خنقتنى العبرة

يبا احنا مو بس نسينا...احنا نسينا و فجرنا و كفرنا بالنعمة

هناك 19 تعليقًا:

esTeKaNa يقول...

اشهد انك صاج
عاد انا كاتبه قصه عشتو اسمها كيف ننسى
!!
تالي شفت العنوان مكرر
لو ادري جان خذيت عنوانك
بغيت انسى..جنه احلى
:P~
صباح الخير اخي العزيز

ساره النومس يقول...

مو الكل كفر بالنعمة بس الي ظاهرين ويمثلون الديرة اهم الي كفروا بالنعمة ويخلون الي برا دايم يقولون للحين ماتعلمتوا ياكويتيين ؟

نون النساء يقول...

المصالح المادية دوماً فوق أي اعتبار للكرامة
اللي العراقيين امسحوا فيها الأرض..


خو مادري انا!! صدام دش بروحه الديرة واسر وذبح عيالنا والعراقيين مالهم شغل كلش !!



اهمه اللي نسووو مو إحنا :)

beezo يقول...

بالضبط مو الكل كفر بالنعمه

ZooZ "3grbgr" يقول...

وي

بومريوم عسى بس مو انا

:")

غير معرف يقول...

نسينا و كفرنا و فجرنا

!!

هذا الصج .. ساعات أخاف الله لا يبلينا
بعاقبة ثانية تجازينا على تصرفاتنا
بعد أن انجانا الله من قبل

و دائما العواقب التالية أوقع لأنها
تأتي بعد أن أعطاك الله فرصة الخلاص في المرات الأولى

عسى الله يرحمنا برحمته
!!

كويــتي لايــعه كبــده يقول...

قصدك مفهوم

لكن احياء الذكرى بكشل عام أمر حميد بالذات في وجه الطبقة الحاكمة المتناسية ولهذا أنا فخور مجددا بالمدونات

الأغلبية رفعت راية "لن ننسى" ويستحقون الشكر كما تستحق انت على نقدك الذاتي

كويــتي لايــعه كبــده يقول...

استكانه...

علامك شكاية؟
خلاص يبا ما اعيدها
:)

esTeKaNa يقول...

كويتي لايعه جبده

شكاية؟
حسيت روحي سيلانية امشي واشكي
:P
لا اخوي انت تمون
مو انت ..كلنا كاتبين نفس العنوان
لول
بعدين انا مو شاريه الكلمة فعادي افا عليك
:))

Mohammad Al-Yousifi يقول...

ملاحظة لا تنسى

غير معرف يقول...

وزارة القوى العاملة
او
وزارة التربية والتعليم

:)

لا تنسى

غير معرف يقول...

افا بس افا

:(

راعي تنكر يقول...

انصحك اتحط منبه حق السنة الياية
ترى صاير نساي !!!

بديت مرحلة نسيان سحب السيفون؟؟؟

Blog 3amty يقول...

والله أحنا مع الحكومة تبينا ننسى .. ننسى ما عندنا مشاكل؟!

moodart.net يقول...

ياراجل

هذا من مقتضيات السياق والقافية والوزن

ابوالوليد يقول...

لن ننسى يابومريوم

بومريوم يقول...

estekna
حمد الله على السلامة
قريت القصة,قصصك مثل الافلام العربية..كلها نهايات سعيدة و النااس رايقة و اللحمة بربع جنيه:)

طموحة
و الله كفرنا كلنا..و انا اول واحد طبعا

نون
شوفى حالنا و حال الديرة و قولى لى ..كفرنا لو لا

بيزو
كلنا بدون استثناء

زووز
انتى اول وحده:P

غير معرف
صدقت

كويتى
احياء الذكرى تحول الى نكتة
احياء الذكرى اصبع فرصة للتلميع
خلها على الله

مطقوق
انت من اللى نسوا؟

راعي تنكر
جريب من هالمرحلة:)

بلوج عمتى
الحكومة نستنا حتى اسامينا

مود آرت
نورت المدونة
اهم ى السياق...انا انسى نفسى و لا انسى سياقى

نبى رايك بالمدونة الثانية
decorma.blogspot.com


ابو الوليد
انت اهم واحد لازم ما تنسى
مو وقتة تنسى شى بحلج المريض
:(

أهل شرق يقول...

لن ننسى رسالة للحكومة واصحاب المصالح الي يسون روحهم ناسين

الغزو العراقي ماينسي الى يوم الدين

Maximilian يقول...

كلامك مزبوط يا بومريوم