الخميس، أغسطس 20، 2009

african safari

مبارك عليكم الشهر ----------------------

أمس أول ما دخلت المكتب...تونى قاعد
رن التيلفون..المدير "اللحين تاكد انة مركب كاميرا مراقبة من ملوت الخدم"

الووو بوريوم..تعال لى حالا عند بو عادل...اوخ!
بوعادل هذا وكيل الوزارة..عسر..و حاطنى بلاك لست

الله يستر
تحصنت بدعاء طرد الجن و الشياطين فى الجيب العلوي
قبل الدخول من المكتب..اعوذ بالله من الخبث و الخبائث

أول ما دشيت تلقفنى المدير بضحكتة الصفراء "صج ضروسة صفره مو تشبيه"
سلمت على بوعادل..اول ما مديت ايدى قبل لا يقول السلام..ليش مو لابس اللبس الرسمي
عطيتة سؤال مباغت---طخ

المدير: بومريوم ... يبى يشوف المشروع على الطبيعة
انا: ان شاء الله..نطلع اللحين

طلعنا بسيارة الوكيل..
اول ما ركبت..ما ادرى ليش حاشنى احساس انى من هذول اللى يراقبون سلوك الحيوانات

كانى ببرنامج تلفزيونى و قاعد اراقب سلوك هالكائنيين الحيين كونى اول مرة اجتمع معاهم بمكان واحد

انا قاعد ورا..و ماسك نوتة صغيرة اسجل ملاحظاتى..الوكيل عبالة قاعد اسجل اللى يقولة

بعد جولة لمدة نصف ساعة اشفقت على مديرى كونة يتعامل مع هالانسان

اهم الملاحظات الجديرة بالذكر:
-بوعادل يحب الشعور انة مهم..يتكلم بالموبايل بكثرة لاعطاء عور بالمحيطين ان الكون يتمحور حولة

-بوعادل يضع المكالمات على الهاند فرى لكى نسمع..الا مكالمتين من ام عادل همس

-اذونة متروسة شعر

-لقبة بالبلوتوث كلونى مجمع الوزارات

-بوادر وسواس قهرى

بعد انتهاء الجولة..سلمت علية
بومريوم ابى نسخة من التقرير اللى كتبتة
ان شاء الله طال عمرك


----------------------------------------------

بالضبط بوعادل نفس المدقر..بس بالدشداشة

هناك 12 تعليقًا:

beezo يقول...

اعوذ بالله من الشيطان الرجيم

صج انك اقشر

صعب المعشر

ينخاف منك

:)

ma6goog يقول...

حوثي مالك امان

Faith يقول...

بتعطيه نسخة من ملاحظاتك؟
و بعدين شنو تحصن نفسك و الجن و الشياطين ميتين خوف منك

SHOOSH يقول...

كااااااااااااك

أهم شي وحيد القرن

ARTFUL يقول...

كااااااااااااك

بو مريوم قرب الشهر الفضيل شهر التشريب

شتنصحنا بأي نوع خبز رقاق؟؟

p;

ابوالوليد يقول...

لو انت مديرهم شتسوي فيهم؟

راعي تنكر يقول...

lool
وحيد القرن جسمه جسم تقليدي لبعض الكويتيين والكويتيات ايضا
ونفس المزاج بعد
بس اهو نادر واهما مو نادرين

Someday يقول...

أتسائل شنو لقبك بالبلوتوث?
مبارك عليك الشهر وابعث بتحيه مستعجله ل ليل الين

violinist_q8 يقول...

سلامات على ايدك ولو انها متاخره .ومبارك عليك الشهر
الحوثيين في تزايد

Um il sa3af wil leef يقول...

أذونه فيها شعر
:))

sologa-bologa يقول...

الحين ما عرفنا منو الخبث ومنو الخبائث بين الوكيل والمدير!!

الدقة مطلوبة ولا بسجل اعتراضي
من زمان ما اعترضت

شنو مسابقة رمضان هالسنة
بلعة ولا شي ثاني؟؟

متفرغ يقول...

مبارك عليك الشهر :)