الاثنين، أغسطس 31، 2009

عبود ليزر

القصة حقيقة و لكن تم تعديل الاسماء للتنصل من المسؤلية القانونية

انا و عبود ليزر تقريبا كل اسبوع نمر على محطة مشرف للتنقية, المحطة تشوفها من بعيد تقول مركز لابحاث الموضة
مبنى عصرى معزول تحيط به الشجيرات و فى المنتصف طريق انيق

فى عصرية اليوم المشؤوم..و احنا مارين كالعادة بجانب المحطة..التفت عبود ليزر عليها و قال..بل هالمحطة شايله خره نص الكويت"يكرم السامع" و لا عمرى شفت سيارة يمها او موظف طالع منها

انا ما حطيت ببالى و قلت لة..هذى سالفة احد يسولف فيها قبل الاكل
راحت السالفة
نفس اليوم بالليل و انا مار و لا سيارات مطافى يم المحطة..على طول دقيت علية
يخرب بيتك ما ثنيتها المحطة احترقت..

ثانى يوم طبعا بينت المسالة و انها مو حريجة
عبود ليزر بيطير نص الحكومة و ثلاث ارباع موظفين الاشغال

هناك 15 تعليقًا:

ابوالوليد يقول...

وجه الليزر ماله صوب رئيس الوزراء لعل وعسى يتعدل الوضع

اذا مخزن الخ.. ماسلم منه

ma6goog يقول...

انزين خل يصكنا عين عكسية

مثلا

بل شنو هالديرة اللي كلها فساد

جود يستشرفون

BeeDoO يقول...

اخذولكم جولة

اول شي صوب مجلس الوزرا خل يفنشهم كلهم

وبعدين صوب المطار عشان الحبيب ما يسافر

أهل شرق يقول...

قول حق عبود ليزر ماعليه أمر يمر القيادة العليا بشويخ السكنية وبعدين الجابرية بفريج يهود خيبر
ويعطيهم المقسوم

كويــتي لايــعه كبــده يقول...

شرايك تمشيه بالصليبيخات على البحر؟

نون النساء يقول...

هذا ثروة وطنية

لازم نستخدم موهبته وتوجيهها نحو بؤر الفساد..



أتوقع الفاسدين بيخافون منه أكثر من خوفهم من الله



:)

beezo يقول...

طلع الخ.. مالنا مو هين

من كثره وصل التلوث للبحرين

ARTFUL يقول...

لا يحوووشك

!!!

SHOOSH يقول...

ليزره اخضر ؟

راعي تنكر يقول...

والذي نفسي بيده ان خويك عبود بريء من خيسة مشرف

المحطة منتهية ومحد يداوم
اكيد بتصير كارثة

شرقاوي يقول...

يا أبا مريوم،

لا يقصون عليك. ما كو مضخات. كل يوم قبل الفجر بساعة تجي التناكر الخضرا و تزعب من البالوعة. سواق التناكر مضربين، الصيام كايد.

الله يستر من المفاعل النووي.

Kuwait73 يقول...

كله منك يابومريوم تشجع اكل التشريب والباجلا وهالسوالف هذي النتيجه طفحت المناهيل وسويت كارثه مالها حل ؛ انتبه احتمال مدونتك تحال للنيابه : )

LiL ALiEN يقول...

هذا دواكم وعلى الله شفاكم

http://www.youtube.com/watch?v=nSFEkTZTzrc

t.q8 يقول...

كككككككككككككككككككككك



لا وانتى صاحبه ما تخاف منه
وديه عند مديركم يمكن يصكه عين

بو حامد يقول...

تكفة خل يستفيدون منه وزارة الدفاع ونجابل هالنووي الإيراني والحلوين بالعراق