الأحد، يونيو 28، 2009

مليت من طرد الهوي


صار لي سنتين ادور هالمكينة العتيجة مالت البيبسى و الكراش
اللى لمحها..يعرف احد يبى يبيعها..يدز ايميل مع الشكر..









هناك 20 تعليقًا:

راعي تنكر يقول...

هواية ارستقراطيين

غير معرف يقول...

المكينه الاولى كنت اشوفها بالسعودية منطقة الخبر لأنها تبلع نوط ريال
إسأل بالسعودية

جنون الكويت يقول...

حدك مغبــــــــــر
اذكر في وحده بسوق السالميه القديم هههه
وبالسعوديه في منهم بكثره بالمدينه المنوره بعد

Mohammad Al-Yousifi يقول...

ليل الين ممكن يفيدك

Musaed يقول...

إسأل البنغالي اللي عندكم بالدوام ..

و راح تلقاها عند واحد من ربعه ..

لايك كولا يقول...

خالي عنده مكينة لايك كولا وكراش وسفن اب ايام ما كانوا شركة وحدة

غير معرف يقول...

تجدها إحتمال بسوق الجمعه والسكراب أو اطلبها من سكراب e-bay
تمنياتي لك بيوم سعيد بالسكراب ؛)

beezo يقول...

عندي وحده وشغاله بو مريوم ماتغلى افا عليك

esetch يقول...

شايف وحدة بشويخ الصناعية

بس مُوَليَة

بومريوم يقول...

راعي تنكر
مو هواية يبا..بحطها يم الباب حق يهال الفريج..نيمع كم بيزة بالصيف

غير معرف
الخبر وين بالضبط اذا تذكر؟؟

جنون الكويت
متأكد من سالفة السعودية؟
اللى بسوق السالمية رحت دورتها اليوم ماكو

مطقوق
اللين مو ثقة..ادرى ببيعنى اياها ثلاث دبلات السعر

بوحظين
تصدق سألت..وحاط مكأفاة

لايك كولا
يبيعها؟؟اذا له خاطر دز لى ايميل
atawya@gmail.com

غير معرف
موجودة باى بى بس شلون اشحنها

beezoo
من صجك و لا تتغشمر؟؟

العزيز اس اتش
وين بشويخ؟
لك عندي ذاك الصندوق مال البريد..اصفر مال قبل
بس قول:)

beezo يقول...

من صجي


واعتقد ان ممكن تشتغل مع قليل من التهوييس

بومريوم يقول...

bezzo
لا تخليننى انسج أحلام و ردية بعدين ترمينى على صخرة الواقع المرير..

من صجك بتبيعها؟؟
انا شراى

Diver يقول...

اقولك مثل ما قال نزار قباني

فحبيبة قلبك ياولدى ساكنه فى قصر مرصود

من يدخل حجرتها من يطلب يدها

من يدنو اسوار حديقتها من حاول فك ضفائرها

ياولدى مفقودا مفقودا ياولدى يا ولدى

سنفتش عنها ياولدى فى كل مكان


وستسأل عنها موج البحر وتسأل فيروز الشاطان

وتجوب بحارا وبحارا وتفيض دموعك انهار

وسيكبر حزنك حتى يصبح اشجارا

لكنك سترجع ياولدى مهزوما مكسور الوجدان

وستغرق بعض رحيل العمر يأتيك كخيط دخان

فحبيبة قلبك ياولدى ليس لها ارض او وطن او عنوان

ما اصعب ان تهوى امرأه ياولدى ليس لها عنوان

ياولدى ياولدى

Um il sa3af wil leef يقول...

ممكن أدلك على مكينة السيناركو ..وبو تيله تبي ولا لا؟
:)

غير معرف يقول...

اذا قصدك فيها مشروع تجاري واتبيع حق يهال الفريج ما انصحك ترا راح يكون الإقبال ضعيف وماكو زبائن وبالذات هواةالتحف والانتيكات ما يشربون بيبسي حدهم قهوة وشاي ودارسين ولومي وزعتر

J Daily يقول...
أزال المؤلف هذا التعليق.
C'est La Vie يقول...

بو مريوم وينك؟
من زمان عنك
عسى المانع خير انشالله

بومريوم يقول...

انا هنى هالجم يوم
decorama.blogspot.com

غير معرف يقول...

تكررت الرؤيه يابو مريوم, وانا رايح البحرين لمه توصل حق الجوازات السعوديه اللي على الجسر ألتفت يسار تشوفها عند باب الاداره مكينه بيبسي نفس اللي حاطتها بالصوره.

غير معرف يقول...

بومريوم الله يهداك وش علاقة العنوان بالصور ؟