الاثنين، يونيو 08، 2009

ادعموا الشركات اللبنانية

How We Are Hungry(Dave Eggers)-Penguin Books
by:chris kasch.
الخبر من الوطن

ضمن حملة الدعم لنصرة «ولد الديرة» ابراهيم دشتي في منافسته على لقب «ستار اكاديمي» التقت «الوطن» بوالده خليل دشتي «ابوعلي» بالاضافة لابن عمه فاضل دشتي المسؤول عن التسويق والاعلام لابراهيم ليؤكدا دعمهما الاسري المتواصل لابراهيم


الرسالة التي حملها من ابراهيم ليوصلها لاهل الكويت قال: ابراهيم يتمنى وقفة اهل الكويت معه «يبي» الفزعة الحقيقة من اهل الديرة ومن الخليجيين وحتى من الوطن العربي ومن كل شخص يحبه.


ورداً على سؤالنا له اذا كانت أمه لم تصوت له فماذا عنك انت والده هل صوت وستصوت له؟ فقال: انا «متسلف» عشان اصوت له حيث اخذت المقابل المادي لبعض الأعمال الممتازة في رصيدي بالاضافة لمبلغ اخر من الدعم وباقي فلوس الدعم اشتريت بها كروتاً لاصوت لابراهيم اثناء وجودي في لبنان بالاضافة الى انني خصصت خطي موبايل فواتير «مصفرين» للتصويت لابراهيم واحد منهما فاتورته 500 دينار والآخر اكثر من 600 دينار. وكل هذا «فداء» لابراهيم وانا من أجل ذلك اطلب الدعم والفزعة من اهل الكويت لابراهيم واشدد على هذه الجملة نحن نريد الفزعة ولا نريد ان نترجى احداً «نبي» الفزعة فقط.

وكشف والد ابراهيم بأن عيد ميلاد ابراهيم تكلف مبلغ خيالي وصل الى فوق الثمانية آلاف دينار وان من تكفل بهذا المبلغ اربعة اشخاص فقط يحملون اسماء مستعارة هي (صاحبة السمو) والثاني (المارد الكويتي) والثالث باسم (ارجنتينا) والرابع يحمل اسم (بروي) وهؤلاء الناس يدعمون ابراهيم بشكل كبير ورافضين الافصاح عن اسمائهم الحقيقية

---------------------------------------

هذا حالنا كل سنة..كويتى فاشل يروح ستار اكاديمى..ابوه اول شى يرفض مشاركته
بعدين لى وصل لى النهائيات يطلع بالجرايد يبى الفزعة..و تعالوا دزوا اس ام اس حق ولدنا خل يرفع أسم الكويت عاليا خفاقا بين الامم
بغض النظر عن الفضايح و البلاوى اللى تصير...ابى اعرف شلون بنرفع اسم الكويت

-الفلوس بتروح بجيب شركات الاتصالات و بجيب الشركات اللبنانية
-الولد بينزل شريط فاشل و بيختفى بعد كم شهر حالة حال الباجي
منو يذكر الفايز بستار اكاديمى اللى طاف؟ او الكويتيين اللى شاركوا

وين الكويت بالسالفة؟يعنى لو نقول بدنا فزعتكووم تصير اصدق
او زين تبى اللى بمخابيكم..يمكن نصدق

بس فزعة لرفع اسم الكويت...قوية




هناك 14 تعليقًا:

beezo يقول...

يصير اقوله قلبي معاك وبس ؟؟
:)

ولا اكو شروط خاصه للفزعه؟؟

عاقد النونه يقول...

طلعت كلش مو وطني!

يعقووبوو يقول...

عشان اني في مدونتك يا بو مريوم العزيز مابي ساب احد.. بتمالك اعصابي واقول ان سالفتهم سخيفه

ومايستحون وكل سنه على هالحال يرفع راس الكويت بشنو؟

ARTFUL يقول...

يا معود سخافه والاسخف منه ابوه


والله لو ولدي الله لا يقوله افتشل اقول انه ولدي!!!!

بالله هذا شي يشرف!!!!

راعي تنكر يقول...

لمشكلة ثاني يوم
تييك زيين علام كويس وتدعم مسابقة حفظ القرآن الكريم

ma6goog يقول...

انا فازعله بقلبي من اول ما طلع

خصوصا و انه - ولدنا - و انت فاهمني شقصد , اي ولدنا ولدنا ولدنا , أس خمون

لكن الفلوس عديلة الروح , ما اقدر افرط فيها لا على ابراهيم و لا على ميريام فارس

Q80 Blogger يقول...

المفروض الشركه يكون عندهم جهاز بلاكبري .. عشان البلاكبريه يصوتون بلاش
وبجذي .. يصيرون خوش طقم

بـو حـظـيـن يقول...

شلون ولد دشتي و يقول "فزعه" !!

بس الأهم من هذا أنا أدعوك و من هذا المنبر إنك تقط جم بيزه من هالآلاف اللي قبضتها من القبس و تصوت حق ولد ديرتك حسن في ستار أكادمي ..

لحظة أهو حسن ولا ابراهيم ولا علي ؟؟

عفره يقول...

شخبااااري ستار اكاديمي في احد يشوفه ألحين ؟؟؟
كلامك عين العقل
الكوييييييت شكو بستار اكاديمي و فضايحهم
كل بلوه والثاانيه قالوااا وينكم تعالوا عشان الكويت ؟؟؟

اتفق معااك وتقبل مروري الأول

ابي اعلق على عااقد النونه :
شكو الوطنية هني ؟؟؟؟؟
بعتقااادي لو اهل الكويت يسقطونه يكسبووون فيه اجر

طز بالرجالة يقول...

باختصار
طاح حظهم الولد و الابو و الام و الي يصوت لهم بعد

عالم فاضي

violinist_q8 يقول...

عيد ميلاده مكلف 8 الاف دينار ؟
الحين الخيشيين بومريوم يطلعون كل هالمبالغ ال8 الاف و ال500 وال600
وتحسب شنو تقدر تسوي فيهم !

8 الاف دينار لو موديه جامعه تكفيه للماستر هني نقول يرفع اسم الكويت
اما يروح يرقص و يغني يرفع اسم الكويت ؟ ياسلام مو لانا ضد الفن
بس ابي شي واحد يقنعني ان مو قاعد ينزل اسم الكويت مايرفعها .
مطلع ابوه بالجرايد و ابوه يطلب فزعه
والي قبله ابوه رافع عقاله
والي قبله ابوه مطلع جنسيته وجنسية ولده لان طلع كلام ان مو كويتي

اذا نجاحه بستار اكادييمي بيرفع اسم الكويت ان شاءالله ماينجح

LiL ALiEN يقول...

ابراهيم + دشتي + لبنان = اسم الكويت

رولا + دشتي + لبنان = اسم الكويت


بما ان

ابراهيم + رولا = دشتي + لبنان

اذا

لبنان = اسم الكويت



أخ!!! .. هذا مستقبلنا؟

بومريوم يقول...

beezoo
فزعتك لازم تسبق بقيلا من الدنانير

عاقد النونة
لا انا خاين للشعب و الوطن

يعقوبوو
انت بالذات مسموح لك تسب:)

ارت فل
كيفهم ..بس لا يدخلون الكويت بالموضوع
و الابو مستانس انه متسلف

راعى تنكر
زين تبوق فلوس النبى

مطقوق
يعجبنى تفكيرك:)

كويتى بلوجر
لوول..فطستنى ضحك

بوحظين
ما اقط عليه لو ربع مشقوق

عفرة
حياك

طز
رجاله:)

violinist_q8
ثمانية افتح فيهم بقالة تعيش لها عايلة

lil
تعليقك يودى بداهية

بو سعد يقول...

اصحاب العقول في راحة :)

LiL ALiEN

تعليقك مو طبيعي D: