الأربعاء، مارس 25، 2009

ماكو سالفة

ليش المثقفين و بعض الليبراليه دايم تلقاهم يتكلمون جذى
و انا اشرب قهوتى الصباحية و استمع الى فيروز..
لا يكتمل صباحى الا بصوت فيروز و هى تترنم بحروف ذهبية
صباحاتى المشرقة بحضور سيدة الغناء الطاغى..ما اجملك يا فيروز

يعنى ليش ما يكتبون و انا اشرب الشاى بقلاس الجبن و استمع الى الملا؟
ليش اذا مثقف لازم فيروز و قهوة؟

ليش ما يتريقون جباتى و شاى حليب من المطعم الهندى؟

هناك 29 تعليقًا:

Lucifer يقول...

عيل ماله داعي اقوليك شنو متريج انا لووووووووول

Lucifer يقول...

تعال .. الدينار صار ٨٠ فلس ... وين بيوصل يعني
شكله بصير ٤ آنات

Lucifer يقول...

او نرجع للمقايضة .. يعني تعطيني جبوط اعطي جاز عشان اتشب الفحم حق السلووووم

Bloggerista يقول...

لووول شخباري قلاصات الجبن :P

nEo يقول...

heheheheheheheh

بو مريوم انت عجيب :)

كويــتي لايــعه كبــده يقول...

فيروز ما اسمعلها
لا وما اشرب قهوة بعد

شلون الحين؟

الشهادة أشقها !؟

جباتي وشاي دود واترك عنك

Bloo يقول...

أحلى شاي حليب اللي ينشرب (أو بالأحرى ينشفط) من قلاص جبن كرافت، مع جباتي بالزبدة والشكر أو قرص آلو براتا....
يعْت، باسير أتغدا.

kalakchi يقول...

شفيييك محتر ياخي الناس يشربون قهوه حتى لو ما يحبونها

ويسمعون فيروز حتى لو ودهم يسمعون عايشةالمرطه

يعني كشخة ياحظي

p;

esetch يقول...

لا شاي ولا قهوة

فلافل وبطاط من مطعم الشويخ مع قوطي سفن آب على الريج

esetch يقول...

لا والموسيقى صوت قرقعة البنتلي

Lucifer يقول...

انا متريج جرص عقيلي و حليبة حاره مع هيل

بس المفروض من الصبح boxاحمر
و تسمع لك الجمايل

مركبنا يقول...

لوووووووووووول
خوش صيده

يا اخي من كثرت قراية الروايات (=

LiL ALiEN يقول...

جم وصل الصوت عندك ؟

Zaydoun يقول...

قمت تعاير الناس باذواقهم؟؟ تبي تتطنز لأجل الطنازة فقط ولا ترى ما عندك سالفة

اكو ناس غير مثقفين وما يعرفون يفكون الخط ويحبون فيروز... وغيرهم مثقفين وما يصبحون الا على طيران عايشة المرطة وعودة المهنا ويعبدون خالد الملا وكرامة مرسال

ويشربون شاي حليب بالهيل شغل البيت مو من مطعم

soreal يقول...

fayroz is all about romanticism and coffee is all about brain work, supposedly.


i however hate coffee, alone - sada ya3ny.. i prefer tea in a cheese cup as the good old days ... but fayroz rocks even with tea in a cheese cup :P

طز بالرجالة يقول...

تدري بعد منو يتلصقون فيه المتثاقفين المتلبلرين على قولة الدعلة الكويتب احمد الفهد....
خالد الشيخ
عيناك
بشراع الهوى
مكان امن للحب

الكل يذوب بس تييب طاري هالاغاني

شفيها يا عبيد اصلك وفي شديت بك راسي
؟؟؟

و على فكرة انا اتريق خبز لبناني و لبنة و مزاجي ما اسمع غنواي الصبح...هدوء

طز بالرجالة يقول...
أزال المؤلف هذا التعليق.
طز بالرجالة يقول...

بعدين يواش يواش
الحين انت ما كنت تستلم لحايا الاسلاميين ..و تتطنز على سيكل المطير و دشداشةالطبطبائي و غريندايزر خيطان المسلم؟ اشوف محد قال طنازة بالعكس كانوا يصفقون لك ربعك البلوقرية

تبا لكم معشر بلوقر كم انتم متناقضون

و سلملي على الرأي و الرأي الاخر

Diver يقول...

انا معاك في كل الي قلته
بس قولي ليش تكتب بجريدة المخمليين
تصدق عقب ما كتبت السؤال اكو خيشي يكون عنده جريده
اكتب يبا اكتب
الريوق صمونة جبن و عسل و لا انغام فيروز و لا هبان

جنة الحواس يقول...

آنا وحدة ما أشرب شاي و أموت على القهوة الصبح

بس أقدر أستغني بكل سهولة عن فيروز

و هالأيام .. هابة بالسامري و اللعبوني و البداوي من صباح الله خير

شارية كم سي دي من أجمل المنوعات و طول الطريج و أنا أبدّل فيهم

و آنا رايحة الدوام

و قايلة بكتب بوست عن هالموضوع
بس انت سبقتني
:P

جنة الحواس يقول...

نسيت شي .. شنو قصة شرب الشاي بقلاصات الجبن ؟

عبالي بس أبوي يطفرنا

Zaydoun يقول...

diver

مادري شلون طافتني سالفة الكتابة بالقبس... فيه خير خل يهدها ويروح يكتب في الأنباء

بومريوم يقول...

luifer

ريوقك يقول انك مثقف وايد..

blogegerista
شفيهم قلاصات الجبن؟
الذ

neo
تسلم..احرجتنى

كويتى
لازم تعيد النظر...اذا مو فيروز و قهوة مو مثقف

bloo
حيا الله اهل الامارات:)

كلكجى
مو محتر...بس ليش التصنع

estech
خربتها:)

مركبنا
لا يبا
ما يقرون روايات الا وقت المعرض
روايات و شب شموع

lil
ملة قبوط

zaydoon
تبي تتطنز لأجل الطنازة فقط ولا ترى ما عندك سالفة
ادرى..اقرى عنوان البوست
بعدين انا ما قصدتك..قلت المثقفين و الليبرالين بس

بعدين وينهم المثقفين اللى ما يكتبون صوت فيروز و قهوتى الصباحية؟؟
\

soreal
did read the post?

طز بالرجالة
انا مانى متحرش فيك:)
كل اللى تقولينة عدل طال عمرك


diver
هذا يسمونة غزو طال عمرك
انا نقلت الثقافة الخيشية الى عقر دار المخمليين


broke
الشاى يصير الذ فيهم
جربي


zaydon
ايدى على كتفك..سو لى واسطة و انا اروح

Blog 3amty يقول...

موسى فيروز تقصد؟

بومريوم يقول...

بلوج عمتى
موسي فيروز لازم قدو معاه..مو قهوة

Lucifer يقول...

موسى فيروز؟؟؟؟؟؟؟
لا لا هذا يبيله واين والمزه ميد

طز بالرجالة يقول...

تصدق عجبتني في ردك
مفحم يا بو مريوم
خصوصا بعد و انك ترد على الكل في تعليق واحد
مو كل واحد تعليق علشان يزيدون التعليقات جنه صج
مثل الي انحسر عنهم الموج و قاموا يبلبطون في شبر ميه

خوش صفحة اليوم منها للأعلى "و من شر حاسد حسد"

أندلسي يقول...

لا يبااا غلطان
المثقفين ياكلون اقلام رصاص الصبح
ويتعشون ورق جرايد
هاهاهاهاها

DK يقول...

لانه بس.. ههه