الأربعاء، مارس 11، 2009

Dehadar & Bohidar


شنو الفرق بين دين و دلوكا و محلات الايرانيين بسوق السمك..أو بالمباركية؟
غير ان محلات الايرانيين أشرح و تقدر تكاسر و الجز و الساهون عندهم فرش..مو مثل دين و دلوكا..الساهون عندهم بايت

بعدين شلون فجأة صار كل الكويتيين ذويقة اكل و ما يشترون الا من دين و دلوكا و طلعنا احنا اللى ما نعرف ناكل

يعنى لو اخذ كيس دين و دلوكا و أترسة أكل من غلوم و بو هيدر للمواد الغذائبة أحد بيعرف الفرق؟

هناك 23 تعليقًا:

mtfa2el يقول...

وين صاير ين و دلوكا هذا بعد ؟
هالمخمليين ما خلوا شي
انا حدي سوق لندن و ساعات المحاميد
الحين هاب بسوق السالمية مال دعاية بو خرشد

Zaydoun يقول...

متفائل

دين آند ديلوكا موجود في مجمع الافنيوز... محل كشخة وغالي، والناس يروحون يتطمشون على المنتجات ويطلعون... ما اشوف بيدهم أكياس

sentia يقول...

هذا تدليس..
أولا: الصورة مو صورة المباركية...الصورة مأخوذة في اليمن و أعتقد إنها صورة سوق باب اليمن في صنعاء.
ثانيا: شعار المحل في الكويت هو purveyors of fine food
مو مثل ما انت حاطه يعني بدون
Wine
ترا بعض ناس راح اصدقون و بصير امداعم بالأفنيوز

HalfCup.net يقول...

الفرق طال عمرك إن دين و دلوكا يايه الرئيس السويسري علشان يفتح قسم الأجبان السويسرية فيه ..

فهل يا أحمدي نجاد علشان يفتح قسم الساهون عند بوحيدر limited ؟

ma6goog يقول...

اتوقعه خسران

كويــتي لايــعه كبــده يقول...

بالوقت اللي الناس تشتكي من الديون و عدم الثقة بالاقتصاد وغلاء المعيشة الغير مبرر الا بطمع التجار تلقاها اختياريا تشتري الاشياء بأضعاف اسعارها

مو فاهم للكويتيين الا اللي دايس ببطنهم سياسيا وتجاريا... وبالكثير من الحالات الاثنين واحد.

الـ"فاين فوود" لي حطوه في بانر المحل صار فرش أكثر من الجمعية بضاعة اليوم والا لبن من المزرعة او سمك سوق السمك والا لحم القصاب؟

هذه الله يسلمك عقلية ستاربكس عمت على الاكل

احنا كول انتو نوت

مركبنا يقول...

ببساطه اهيا هبه

وستايل
ومو ذابحنا الا هل الشئ

Dr. Blue يقول...

أول مره أسمع فيه!
عندهم دهن عداني؟

Q80 Blogger يقول...

دين وديلوكا عندهم موز بنفسجي !! بو حيدر ما اعتقد بحياته شاف موز لو بس العماني !!!

soreal يقول...

i live in europe, and i avoid these shops like the plage.... they are like drug stores where u pay alot and get food samples...
i actually searc for the likes or mubarakeya shops here... food is much better and cheaper and even healthier there...


maybe am wajeh faqer or something :P

LiL ALiEN يقول...

شفت سعر الكافيار عندهم؟

500 جرام بـ 1535 دينار !!!!!!!!!!!!

ليييييييش ؟؟



بس اللي لاحظته ان محد يشتري الا الامريكان والاوربيين فقط وبعض المخمليين

LiL ALiEN يقول...

نسيت اقولك ان احلى شي فيه

انك تودي الياهال صوب السمج تخليهم يشوفون الربيان ولابستر والكرو فش يتحرك


تدري نفس الاكويريوم .. وبلاش

mantovani يقول...

مساء الخير

ياخي عندي سؤال , الاكل اللي بالبوفيه
اذا محد شراه يبيت لي ثاني يوم ؟؟


مانتوفاني

Kuwait73 يقول...

تقولون غالي ! يازين الرخص :)

http://www.deandeluca.com/new-and-seasonal/wine-ns.aspx

عساك عل القوه يابومريوم

Um il sa3af wil leef يقول...

عندهم في الأفنيوز: متوت / علج ماي / ربيان يابس / خباط ...إذا ما عندهم ترا كلش مو ستايلي ...ذبحنا الستايل ..يخرب بيت الستايل :)

بومريوم يقول...

متفائل
انت عندك ميول برجوازية ترى:)

زيدون
يقولون ان لك نسبة فية صج؟

Sentia
انا ارفض اتهاماتك جملة و تفيصلا
بينا المنصة

half cup
حجى غلام هيدرى أفتتح قسم الساهون
و اهو أهم من الرئيس السويسرى بمراحل

مطقوق
لا ما اظن,,,الكويتيين يموتون على هالسوالف

كويتى لايعة كبدة
و الله انك صاج....شى يعور

مركبنا
مثل هبة الموكافرابتشييينو

dr blue
لا ما عندهم..بس عندهم اقط مو طبيعى

q80 blogger
اشم فى كلامك رائحة استهزاء بموروثنا المحلى و تقاليدنا

so real
maybe:P

ليل اللين
بهالمبلغ اروح ايران و اسكن يومين و اشترى كافيار و فوقهه اللى خبرك:)

مانتنوفى
أكيد تنقط..اقصد اللافتة اللى عليها كلمة فريش

kuwait73
اللة يديم الرخص...طب و تخير

ام السعف و الليف
لايكون ما عندك ستايل؟؟؟؟

ZwaiZ يقول...

sa7 elsaaaaaanik

virgin يقول...

أنا ذيك المره رحته ويا أمي..

في أشياء حلووه . بس لك على الأسعار :p

ستايل المحل حلوو

Lucifer يقول...

loooooool

Kwaitiyya يقول...

ويدقون على بو عيده يشتكون من القروض وغلاء المعيشة ورفع اسعار المنتحات ويحاربون التجار

اشفيها جمعية الشرطة؟؟

Lucifer يقول...

مكتوب
good food and fine wine
وييييييييين الواااااااااااااين
و نصيحه للمجلس ... تبون الناس اتخف اشويه يبولنا وااااااااااااين
P;

DK يقول...

روح شووف سعر الكافيار بس ;P

C'est La Vie يقول...

الفسق وما يسوي
قبل فترة رحت معرض وكاسرت وحده
تقولي تصدقين انتي اول وحده تكاسريني؟!!!
بعض الناس عييييييب عندهم تكاسر
ادفع اللي بجيبي وفوقه بقشيش كمان عشان الناس يشوفوني :)
حمدالله والشكر