الخميس، أكتوبر 23، 2008

مرقة غزلان برية بجدور نحاسية

ليش مطاعم المخمليين غثيثة و ما تقدر تاكل على راحتك؟
قبل كم يوم عزمنا صديق على احد المطاعم المخملية المشهورة
وصلنا اخذنا المنيو...الشى الغريب
ليش كل اكلة تحتها شرح مفصل لها؟
كتبوا الاكلة باسمها و ريحونا..
بعد الطلب وصل الاكل..بسم الله.. بسم الله..
تونى بثانى لقمة الا الجرسون يايى...هاو از ذى فود؟ آى هوب ايفيرى ثينج از اوكي
كل شى تمام بس خلنا ناكل
راح الجرسون وقف بعيد و عينة علينا..
ابد
عسى ما ترمش الا ياك ركضة..
every thing is ok?
u satisfied with your food?
شنو يعنى satisfied
غثا
لا و آخر شى طلع الشيف و ياى الطاولة..طبعا صاحبى المخملى قط جم كلمة..
و اللى فهمتة ان اللى كليناة من الاكلات الخريفية فى فرنسا
مثلنا يعنى كل فصل لة أكلة..المموش بالشتا..الصبور بالصيف مع موسم الرطب
عمركم طلبتوا شاورما و عقب الاكل طلع المعلم يسالكم شلون كانت الصمونة؟

هناك 16 تعليقًا:

esetch يقول...

مطعم مـخملي وأول ما تدخل ولا الثلاجة بويهك

Bloggerista يقول...

لووووووووول

بدعت

و اللنك مادري من وين طايح عليها

Catalina يقول...

أي مطعم هذا شوقتنا ودنا نجرب الأكلات الفرنسية الخريفية اشلون قايله!!

(وحده بطينيه)

راعي تنكر يقول...

المشكلة الوضع بهالمطاعم هدووووووووء
وماتقدر تسولف وتحش على راحتك
واذا صاحبك مللق وتبي تضحك كونك مليق نفسه لازم تكتفي بابتسامة صامته لزوم البرستيج
والمصيبة الكل يخزك
لان حاسين ان في زبون دخيل عليهم
وبهالحالة انت ما تقدر تخز الاجزاء المتورمة من النماين اللي جدامك لانك بكل بساطة تحت المجهر

ما اقول الا يا حلو مطاعم سوق السالمية
اكل رخيص
تخز على كيفك
اريحية مو طبيعية بالمغازل والتضبيط
وفوق هذا تقدر تتسوق بوزارك ايام العطل والاعياد

Diver يقول...

ما اقول الا ياشين السرج على البقر

انت شموديك
احنا الخيشيين حتى ربع مخمليين ما عندنا

بس تدري انت من كتبت بجريدتهم و انت مو مضبوط يبيلك جلسات تخلص من فايروسات التمخمل

أبو لطيف يقول...

يابولكم اكل او عينات ؟

Unknown يقول...

أنا أذكر قلت زيدلي اللطحينه قالي إمش إنجر

mtfa2el يقول...

ما تشوفني طول حياتي ما أروح غير مطاعم خيطان ..
الله يعز الثقافة الخيشية

Musaed يقول...

إنت بدخولك هالنوع من المطاعم قاعد تسيء لنفسك و لنا و للمجتمع الخيشي اللي تنتمي له

mo3ath يقول...

اللى فهمتة ان اللى كليناة من الاكلات الخريفية فى فرنسا !!!

الله يعز شارع المطاعم وإذا كاشخين مطاعم البحر :q

كويــتي لايــعه كبــده يقول...

اذبحني على الماعون الفاضي اللي فيه 3 جرام لحم وقطعة ديكور والسعر 12 دينار!؟

وارجع البيت سو خبز وجبن

شنو عيال الفلوس ما ياكلون؟
أنا خابرهم ياكلون الخضر واليابس
:)

انت تدري 12 دينار شتسوي بفطاير الشويخ؟ توكل شارع كندا دراي كله!
(طلع الخيشي صج!)
:)

Megaman يقول...

الله يخلي مطعم برقان



كويــتي لايــعه كبــده
يازين فطاير شويخ
كل شي ستاندرد
واذا طلبت نقانق وجبن يشيلونك ويحذفونك بره

شرقاوي يقول...

نصيحة، يا بو مريوم

المخمليين ما يروحون المطاعم علشان الأكل.

إذا انعزمت مرة ثانية، و عساها دوم من أطباع ربعك المخمليين، قبل لا تروح المطعم، إكل قرص رقاق و اتبعه بكلاص لبن خاثر.

بها الطريقة، يقعد الأكل اللي تطلبه في المطعم على الصحن و انت تلعب فيه بالشوكة، و تطيحله سوالف و ابتسامات لمدة ساعة.

و تصير مقبول من الزباين اللي في المطعم.

غير معرف يقول...

انا مرة رحت احد مطاعم الهمبرغر المخملية مقابل قصر السيف.. حتى باجي الثلج بالقلاص جرخته واكلته عن الحسافة.. عيل قوطي الكولا ل600 فلس لا وما يشربونه كله

ساره النومس يقول...

ماحب الشاورما :p

بومريوم يقول...

estech
مخملى مخملى...مو مطعم المواصلات بصليبيخات:)

فاشيونستا
اى لنك؟:P

كاتالينا
مطعم البلبل المغرد بمجمع الراية

راعى تنكر
اى يبا
يحق لك تتطنز على الوزار
دام الجريدة و الصقر ربعك

diver
اى و الله
ايدى على كتفك..
يبيلى كورسات مكثفة بمطاعم المرقاب و شرق

ابو لطيف
اكيد عينات:)

احمد سالم
زين ما خذى الصمونة منك

متفائل
على راسى و الله

half cup
اقدم لك اعتذارى و ندمي على ما فعلت

معاذ
مو هين انت:)


كويتى لايعة جبدة
احسن فطاير لحم...صج انة لحم قطاوة...بس حلو


ميجا مان
برقان المفروض يصير مطعم عالمي

شرقاوى
هو رفيج واحد و مرافجنى عشان مصلحة:)
بس صدقت مرة ثانية اتعشى بالبيت و اروح

m
looool:)

alsaronah
ما تعرفين تاكلين