الأحد، أكتوبر 12، 2008

نوافير الدولارات الخضراء

؟!

يعل تنكر بدون بريكات يدعم هالبورصة  و يفكنا من شرها
يعنى الحكومة لو شارية بنص المبلغ تناكر و ضاخة ماى لبيوتنا جان انحلت ازمة المياة بالديرة
لو شارية مولدات كهربا روبن ز موزعتها على بيوت الديرة محد شكى من ازمة الكهربا...


زين امريكا تضخ فلوس عشان لا تفلس الشركات و تسكر و تزيد ازمة البطالة
احنا ثلاث ارباعنا موظفين بالحكومة...يعنى الشركات فلست و لا ما فلست ما ضرنا شى..

زين شنو الفرق بين شراء الديون و ضخ هالمبلغ من البورصة؟
شراء الديون حرام و تعويد المواطن على الاستهلاك و فيه عدم مساواة
أكو عدم مساواة أكبر من جذى؟

يبا لا تشترون الديون راضين...بس اذا عندكم هالمبلغ للضخ...ضخوه بأوردة و شرايين و زارة الصحة
و ثلاث ارباع الشركات المدرجة بالبورصة شركات عقارية..عوالق مصاصة للدماء..
مصت دم اللى يدرون سكن و شبت الاسعار نار..
و الحين الحكومة تحميها من الخسارة

الحلو هالقرار
المركزي يسمح مجدداً بتمويل الأفراد حتى %60 من سقف الراتب
وين مصلحة المواطن و الحد من القروض الاستهلاكية و الندوات  اللى سندرتوا راسنا فيها؟
أمس اربعين و اليوم 60؟


سكرى و صل الف...
اذا صار فينى شى سمونى شهيد الضخ الحكومى


هناك 15 تعليقًا:

ma6goog يقول...

انا مع اسقاط القروض و الحكومة

نون النساء يقول...

الضخ حرام
والضاخون
والمتضخاخخون بالنار..


والصورة اللي حاطها حرام
تندرج تحت ظواهر دخيلة .. لازم اتحط بدالها فنيال قهوة..

moodless يقول...

حكومة سماسم
امس شعارات
واليوم شعارات
وبكرة بنكمل شعارات
..
ما عرفنالها اولوية الا انقاذ التجار
على قولتك.. سكر الف ومحد داري عنا

اؤيد اقتراح نون النسوة بتغيير الصورة نظرا لادراجها ضمن الظواهر الدخيلة

راعي تنكر يقول...

محد فاهمنه الا بورمية

ابوالوليد يقول...

لازم نتقبل الواقع المؤلم

حكومتنا ومسؤولينا و....ـنا تجار

شلون تبي الانصاف إذا كان خصمك هو الحكم بنفس الوقت

esetch يقول...

قد أسمعت إذ ناديت حياً ولكن لا حياة لمن تنادي

نفس سوالف المديونات الصعبة ولنفس الأسباب. شركات وهمية وورقية ولط بهالفلوس

وإحنا لنا الله.

أي يوم إحنا بالشهر وكم بلقي من المعاش؟

=====
لا تعاند الصقر يا طير الحمام

LiL ALiEN يقول...

تكفى خلني سكران ولاتخليني اشوف اللي قاعد يصير


الحاله خلاص صايره ماتنبلع .. الدليل على كلامي ان علي الراشد وعبداللطيف الدعيج وصديقي مطقوق صاروا مع إاسقاط القروض

سبحان مغير الاحوال

ZooZ "3grbgr" يقول...

اذا افتحوا نافوره خمسات حمره قولي ترى احبهم

أفضل اللي يسوق التنكر يكون أمريكي عشان تصير أزمة دولية ويوقف الضخ على جميع المستويات

تدري اليوم كنا قاعدين نسوي قطيه بالدوام
يمعنا كل الخردة اللي بجيوبنا
نبي نضخ ونساهم بالضخ المضخوخ

ملاحـظـة يقول...

يسلم راسك على هالكلام الحلو

Diver يقول...

صح السانك و لا فض فوك و مات حاسدوك

يضخون عشان الهوامير لا تزعل اما انت و انا وشكالنا نزعل ما نزعل مش فارقة معاي على قولة فيروز

و سلامات يابو مريوم لا تضيق خلقك و لا ترفع السكر فهد بورسلي الله يرحمة قبل سنين قالها
الفقير الله يعينه

Maximilian يقول...

ta5abo6

الجوري يقول...

اه
لو احصل مضخة لو صغيرونه
احلا مي بسيطة

بس باشتري

مزاراتي


مابي استن مارتن
\
واسوقها بلندن

واحر العراقيين

الي حاريني بسياييرهم

loft965 يقول...

any chance of getting a link on your page?

بومريوم يقول...

ma6qooq
الديرة تسقط احنا نسقط العالم كلة يسقط
بس الحكومة ما تسقط...تتغير الاقنعة بس

نون
امس داق على الطبطبائى عاد يهددنى


مودليسس
نورت المدونة:)
انقاذ التجار و طحن الصغار

راعى التكنر
بو رمية رجل المرحلة...المنقذ

ابو الوليد
و احنا عيال العبدة يعنى؟:)
بس عطونا كم كيس معكرونية و خلاص

estech
هى خاربة خاربة
انا قررت اعاند الصقر

اللين
شفت شلون؟!؟!
شى بيحط العقل بالكف
الراشد!!!

عقر بقر
ضخولى شوى تكفة

ملاحظة
بعض مما عندكم

دايفر
و اللة من الحرة يا خوك
صدقناهم يوم سالفة القروض مع ان قرضى يكسر الظهر
و اللحين عفطوا علينا

ماكسمليين
الا تضبط و الله

الجورى
قولى و الله؟
صراحة زين تسوى فيكم الحكومة اذا هذا طموحك

loft965
من عيونى
وين تبى اللنك و انا حاضر

شرقاوي يقول...

شهيد كعاب
لا شهيد حروب

و خطاك السو يا بو مريوم.

ـــــــــ
check your e-mail