Fear of the next -mixed mediamohhamed sami
يعتبر الافطارالاسبوعي فى الدائرة عندنا فرصة طيبة لتوثيق الروابط الاجتماعية و تبادل الاحاديث و بعض الجراثيم و الميكروبات بين الزملاء, و ينقسم الزملاء عند الاكل الى ثلاث دوائر كل دائرة يتوسطها صحن من المسبحة و صحن من الفول و صحن حمص و كيس فلافل
و يعتبر اختيار نوع المجموعة التى ستاكل معها من المهمات الصعبة التى تتطلب بحث مسبق و تدقيق مكثف و دراسة مسبقة لسلوك الافراد
الاسبوع اللى طاف قبل لا اروح آكل دشيت اغسل ايدى..شخص من جنسية معينة بعد ما خرج من الحمام "بيت الراحة" و على الباب على طول
اوخ...جنة نسى مرحلة مهمة قبل الخروج؟؟؟؟
رحت و لا الشخص متوسط احد الطاولات بجانب زميل :)
بعد ان خلصنا الريوق..رحت للزميل
فلان..تصدق A دش الحمام و ما غسل
فلان: الله يغربلة..يا الله شنسويلة
بس اهو كان قاعد يمك
فلان: ادرى فيك يا النذل..و توك تقولى
اللحين مسؤلنا..عفوا بس يحك تحت ذراعة و ما يغسل
اقول حق الشباب لو لا؟
----------------
ملاحظة: لا ادعى النظافة الزايدة...بس قبل مشاركة الاكل مع مجموعة من الاشخاص أحاول اغسل أيدي
هناك 15 تعليقًا:
وييييييع
اقتراح: لو يصير الريوق الجماعي سندويشات من نفس المحل
أنظف لكم من الغموس
اسمع يابومريوم لا تقول شي الا بعد ما ياكلون
اشوا ما ناولك خبزة من جيس الخبز اللي يمه
اما عن المسؤول اللي يتحكك
اسكت و لا تقول حفاظا على لقمة العيش
و بعدين أنت شكو بسلامة الباجي
المهم انه ما يناولك خبزة و لا يلقمك بحلجك
:)
توني متريقة :\
صح كلام ولادة, ليش مو سندويشات بدال هاللوعة
انزين حكة الاباط من برة ولا من داخل الثياب؟
بومريوم
برجع
إنزين هذا مسؤول يحك وما يغسل
ما بالك بالمسؤول إللي يحك ورا إذنه ويشم أصابع إيده؟؟؟؟؟؟؟ظ
اعتبرها جرعه مناعه . قبل نروح نصيد زهيويه وننبر قبابي للحبال وبعدين نروح مطعم الشباب وما صار فينا شي . السالفه شغله نفسيه بس . يعني تتوقع اللي يشتغلون بالمطاعم وايد نظاف ؟ شوف معلم الشاورما لما يسن السكين على طول يقص فيها اللحم. براده الحديد وين تروح؟ عمرك شفت معلم شاورما يمسح السكين بعد ما يسنها ؟ شفت بالمطاعم وين يتبلون الدياي؟ شفت البانيو اللي يتبلون فيه الدياي؟ يبه الله الحافظ
استكمالا لما تفضل به اخي العزيز تأبط عقلاً
مطعم الشباب
كان واحد من الشباب طالب صمونه
الا زهوي يتمشى على الفترينه
قال : نزاروه شنو هذا ؟
قام نزاروة وعطى الزهيوي وحده بصبعة( جنه يلعب تيل )
وهو يقول ..... زيهيوييييييييي
بلكنته طبعا
وكمل شغله بالصمونه
وبس
تريقوا وتغدوا وتعشوا ببيوتكم
الله منعم علينا بكل خير
والله المستعان
انا بعرف انت وين مداوم اللي مبسطين .. وتغمسون .. و ماخذين راحتكم...؟؟؟؟
وبعدين معلومه ... شدعوه اللي اشتريت منهم الاكل مو قبل لا يسوونه لكم مو طالعين من التواليت وانت بكرامة ومو مغسلين ايدهم ...
استغفر الله بلاوي
وشنو الاخوان اللي فوق يقولون مناعه .. لا يبا ... محد يابلكم الامراض غير هالجمله .. الله يكافي الشر ..الحين السرطانات و الامراض الجلديه .. وامراض المعده من قولون والتهابات من شنو ..غير كلمة عادي مناعه .. مو تقولون جذي بالاول وبعدين يطلع عليكم المرض..
والله المستعان
وانا لو منك جان أقط نغزه عوده على هالمسؤول ..
دمتم بخير وسلام
أوي ربع.
بو مريوم، وين تشتغل؟
تنديل بتشبرة الخضرة؟
يا زين ريوق البيت
او صمون مجيس و عصير من الفرع جنك ما تدري بالطريج
و بالويك اند اشتر اللي مشتهيه تتريقه و اكله بالعافيه عليك
النظافه وقايه
بومريوم صدقني هذا الفطور يعتبر تطعيم عن أمراض عديدة
منها السحايا والكوليرا
بدعوة صعيدي على الافطار القادم عشان تاخذ تطعيم ضد ((التحلطم)) :)
ولا اللي اييك مجبل وقاعد يحك فتحات خشمه بطريقة ازدواجية سريعه باستخدام اصابع الشاهد والابهام ثم يفاجئك ويمد ايده يسلم عليك؟!؟!
ولادة
الغموس يقوى اواصر المحبة.ز..و تبادل الجراثيم اسرع
diver
و لا راح اقول شى كلش..موعد التقييم السنوى قرب...لو يبى انا احط اباطة بس يعطينى بونص
ملاحظة
و الله بغى يلقمنى بس انا استحيت
فايشونستا
من برة
احمد سالم
عمرك ما كليت فلالفل يعنى؟؟؟
estech
عادى..تقوية للحواس
تأبط عقلا
و الله انا كنت زين..بس اللحين اختربت
صرت وايد وسواسى
ابو لطيف
شعرفك بمطعم الشباب؟؟؟
و الموت لا يحب النطرة
مما نقدر نعمم ان كل المطاعم وصخة..
مطعمنا نظيف جدا و عندة شهادة الايسو و مصنف من منظمة الصحة العالمية
و انا اشتغل ضابط حركة مسؤول عن حركة الطيارات ببرج المراقبة
شرقاوى
وات از ذى مينينغ اوف تنديل؟
مستر تشكوليت
ليش تحسسوننى ان محد يتريق فول و فلافل بالدوام الا انا؟
كل وزارات الكويت جذى
ابو الوليد
هذى نعتبرها معلومة طبية؟:)
راعى تنكر
هذى حركتى ترى:P
thx for letting me know who is
Mohammed Sami
loved the painting
و مشكلة بوهناد ان ماعندهم مشكلة بالحياة و كل شي عادي! كله كوم و اللي يسولف معاك و يترع او يحوشه بوفهاق و اهو يسولف كووووووووووم
و انا مع ولادة صمون اشرف لكم
و لا تعال شيدريك اللي بالمطعم يعني كلش نظاف؟
انا اقول اخذ توست و جبن قلاص من بيتكم
إرسال تعليق