العزيز اس اتش دايم يسألنى انت ليش تصير فيك هالمواقف؟
يوصل دورك يخترب الكمبيوتر...تدفع بالكى نت تضرب الشبكة
امس رايح عيادة الاسنان الحكومية اسوى ضرسى..اطلال ضرس
شافتة الدكتورة قالت لازم علاج عصب..
ماشى توكلى على الله
طقتنى الابرة...خدر حلجى...ساحت سعابيلى
بدت تحفر..و تحفر...
لين وصلت العصب
هنى قالت حق الممرضة عطينى..شى بالانجليزى ما ادرى شنو بس شكلة مهم
ردت الممرضة سورى دكتورة ما عندنا مخلص
هنى صرخت الدكتورة ....توك تبلغينى!!
و انا منسدح و حلجى بطل..و الحفرة اللى بضرسى واصلى بلاعيمى
لو تصرخ فيها تسمع صدى
راحت الدكتورة تدور عنه..و انا مشرع حلجى
لا بقى مراجع..لابقى هندى..لا بقى بنغالى ما طل بويهى
بعد ربع ساعة ردت محصلة الدوا..و كملت
حرمت بعد اسوى ضروسى حكومة..اللة يعافى الجلابتين بالبيت
شوية كحول و شيل...و اذا حشوة..شوية جص و اخلص
هناك 12 تعليقًا:
loooooooooooool !!!!
ilsharhaaa 3ala il7ekoma eli emwathfa dektoora lemkhadiya sara7aaa !!
balah mafi? shno bekon il 7al mathalan ?
إلي يعالج أسنانه بالحكومه غلطان غلطان غلطان
LOOOOOOL
لابقى هندى..لا بقى بنغالى ما طل بويهى
هذي دايما تصير فيني
عاد والله تصدق
اكتشفت ان اسهل مهنة مهنة طبيب الاسنان
ورب الكعبة ماكو شي
سهاااااااااالات
بس وفر لي العدة ومستعد اسوي لك اللي تبي
حتى تقويم
والله مو قاعد اتغشمر
شي سهل بشكل ما تتصورونه
ليلحين عندك اسنان؟
خابرك تركيب من زمان
ما تشوف شر
LOL
المرة الياية توكل على الله، الجلابتين عليك والكحول علينا
سلامات يالحلو
انت انا خابرك مو مال طبيب بالاساس سواء كان خاص ولا حكومه... اربط بالباب وانطر اللي يفتح من الصوب الثاني
من شاف دكتورك ، حتى لحيتي ما ا خليها يحلقها
p;
هذا انتوا يا الفقاره ، قطوا على صحتكم حنا ما نروح الا خاص
p;
ya a5y mako a7san mn el qta3 els7y el7komy mal elkuwait.. bus hadl klam can beltes3eenat ...
ay she bebalash 7low :P:P:P
بومريوم ليش ماقلت لي أعالج أسنانك
ولا مافي ثقة؟
المرة الجاية بلغني أسوي لك طقم أسنان كامل وبلا حفر ولا إبرة
بو مريوم،
خطاك السو.
أبي العنوان الإليكتروني حق هذا اللي في الصورة. الأولاد يحتاجون حشوات، و تقويم أسنان.
سؤال: الكتابة اللي باللوحة أردو؟ و لا إنجليزي؟ كل كلمة في اللوحة انجليزية.
lillly
و الله الدكتوره مالها ذنب...عبالها الوزارة وزارة اوادم
شووش
شنسوى..ماكو فلوووس
راعي تنكر
اى اضحك.
خلاص انا بشتريلك طقم و تعال جرب فينى
ليل
باقى اثنين بس للذكري
اس اتش
كحول للشرب؟
بيزو
قلت بصير ذرب هالمره
آرت فل
لا يغرك المظهر..هذا خريج هارفرد دنتل كولج
سو ريل
صدقتى..
البلاش ربحه بيين
ابو الوليد
احنا نعرفرك عنوان؟
قولى وينك فيه اييك
ابيك باستشارة
العزيز شرقاوى
خطاك الللاش
تصدق..اكلمك جد
ان فية فلبينى بالمنطقة العاشرة..دكتور اسنان متجول
تدق عليه اييك البيت..
لا و يسوى اطقم بعد
حاليا في إربد وأستقبل مرضى, وان شاء الله هالسنة أشيل حرف الألف الموجود في المدونة
تفضل يابومريوم واللي ماأعرفه بسأل عنه لتصل لك المعلومة الأصح
إرسال تعليق