الثلاثاء، أكتوبر 20، 2009

بوادر الشيخوخة


أمس شخص كان يبى رقم موبايلى..
عطيتة رقم موبايلى القديم المقطوع من عشر سنين

قبل النوم رايخ انظف اسنانى..طلعت عدة الحلاقة و حلقت لحيتى
و انا بنص الحلاقة وعيت انى مو داش احلق

بديت اجمع أكياس و اخشها


هناك 13 تعليقًا:

ma6goog يقول...

يوم كتبت هذا البوست كنت ناوي تكتب عن صمونة الجكن غورميه؟

Mansour يقول...

هذا الزهايمر بعينه وعمله!

SHOOSH يقول...

إذا قاعد تشوف تلفزيون

تغفي و تنام و انت ما تدري عن روحك و لا للحين ما وصلت هالمرحله ؟؟؟؟؟

المقوع الشرقي يقول...

أوميغا 3
كورس مكثف
:)
أشوى ما شررريت ..كلينكسات رطبة بالحمام
سوالف العيايز
:))

ARTFUL يقول...

الله يعينك على ما بلاك

!!!

ابوالوليد يقول...

حالتك مستعصية بومريوم

روح دار العجزة يمدحونة

Alsager يقول...

عشان تعرف البوادر الصحيحة ١٠٠٪

لازم كلامك و أفعالك اتغير بشكل ملحوظ مثلا :

ناديت أحد قلت له (( تعال همّز رويلاتي ! ))

أو قلت بروح (( أتمدد عالكرفاية )) !

أو لما تقعد بالصالة تتحلطم تقول الكنديشن بارد أحس في إبرز تقزز رويلاتي !!

أو صارخت على أحد بالبيت قلت له انا مو قايل لك تبدل (( القلوبات )) !!

اذا وصلت هالمرحلة يعني إنت بالشيخوخة :)

شَرقاوي يقول...

بو مريوم،

عقب تخشش الكياس، تجي مرحلة تجميع قواطي الروب، و كرتونات البيض.

تقوم من الديوانية و تدخل غرفة النوم ولا تدري شحقة رايح الغرفة،

و تقوم نص الليل ثلاثة أو اربعة مرات إلى الحمام، و انت بكرامة.



نعم، كأنها بوادر الشيخوخة.

ولاّدة يقول...
أزال المؤلف هذا التعليق.
ولاّدة يقول...

أوميغا 3

جربتها كنت أسولف على صديقتي سالفة ترد عليّ...هـو أنا اللي قايلة لك السالفة أمس
أسأل عن صديقة يقولون لي قالت لك بأسافر واتوصين علي شي وقلتي لها زين اتسوين
أعاتب زوجي ليش ما خبرني عن الموضوع الفلاني يرد: قلت لك كم مرة مو مرة

ذاكرتي ممتازة ومخيفة في القديم جداً -خمسة عشر سنة وأكثر- بس لا تسألني عن أمس


توجهت لصيدلية كيفان وشريت أوميغا 3 صار لي شهر مداومة عليه وأملي في استعادة الذاكرة قوي
آخذ لك كم علبة معاي؟

Diver يقول...

الاخوة المصريين يقولون
إلي واخد عقلك يتهنا به


اخاف حب يديد

قول اذا جذيه ترى نعين و نعاون

اول شي اسويه اقول حق ام مريوم

ZooZ "3grbgr" يقول...

هاهاهاهاهاهااهههههههه

تعليق الصقر موتني من الضحك

ذكرني بأمي

كل شي قاله اهي تقوله

لا وأمس قاعدين نسولف

جان تقول تذكرون فلانه يارها الله يوم عيزت تبي تطلع من البيت بقوملق ههههه ريلها شافها حمق

جان ينطون الجيل اليديد يقولون لا تتكلمون بالشفرات شنو قوملق وحمق

:")

بومريوم يقول...

مطقوق اى بوست؟
شنو يعنى بوست؟
انت منو ؟

منصور
حلو هذا اللى كان ناقصنى عشان أكمل الطقم

شووش
هذى من زمان

المقوع
يبيلى اشربة شرب على الريييج

ارتفل
تسلم

ابو الوليد
ناطر العيال يقطونى هناك

الصقر
بالضبط الللى تقولة!!!

العزيز شرقاوى
انا اللحين اجمع غطيان الروب..القصدير
و لازم كامل الدسم
اما سالفة الحمام الله يكرمك..هذى صار لها سنين..اللة يجازى السكر


ولادة
انا بعد..اذكر اشياء و تفاصيل من السبعينات
ممكن ارسم لك مخطط بيتنا العود اللى انهدم
بس امس نسيت رقم موبايلى!

دايفر
تسويها...
ابيك باستشارة اذا ممكن
دز لى ايميل ما عليك أمر
atawya@gmail.com

زووز
بدينا بالطنازة