الأحد، مايو 31، 2009

ضرب نبال الحقيقة...على مميزات الجهاز الفضيحة


لاقناع مستخدم البلاك بيري بمدى تردى الجهاز و مواصفاتة و انة ليس الا ضحية لغسيل المخ من كبريات شركات الاتصالات..يجب عليك اتباك طريقة هداية الملحد
يعنى الملحد اذا بتهدية للاسلام لازم تقنعة ان هناك رب و خالق للكون اولا..

اولا لازم يعترفون انهم منومين مغناطيسيا من قبل زين"عالم كويسة" و دعاياتهم التى تعرض 25 ساعة فى كل مكان حتى خلقت لنا نوع من غسيل المخ المنظم..حتى بتنا مقتنعين ان مجرد الحصول على رقم من زين يعنى اننا اصبحنا ناس مميزة و شخصيات مختلفة عن باقى البشر




نرجع حق بلاك بيرى..و الصور المعروضة تحت مأخوذة من موقعهم...
شوفوا مميزات الجهاز العجيبة...
أحوس يمين شمال..ماكو
العالم توهم يكتشفون البلوتوث...شخباري

و أحلى شى التنويه تحت..أن موكل الاجهزة تحوى كل هالمميزات..
ارخص نوكيا اللحين فيه هالمميزات و أكثر

أذكر أول جهاز شريتة..قبل 10 سنين فيه رزنامة
و الله فشلة...و حاطينها بموقهم الرئيسي..





its not a mini computer
بعدين كل السمارت فون اللحين مينى كمبيوتر...اى جهاز فيه بروسسر اهو مينى كمبيوتر:)

بعدين شنو سالفة البى بى أم؟ أكو شى أغبى من هالميزة..مسج ببلاش..بس شرط عندك نفس الجهاز...
ذكرنى بالاسلكى أيام قبل

الحقيقة ان معظم مستخدمين الجهاز..اللى يتباهون فيه فيهم نقص و عندهم حاجة للانتماء الى مجموعة..للشعور بالامان
أحلى شى ان أول ما يشتريه الشخص..يحط بوست جنة ما يدرى "posted from my blackberry"
am so special now
بعدين عاد يصير ما عندنا سالفة الا البلاك بيرى..وديتة الورشة..شريت له كفر...طاح..قام..

الزبدة
الجهاز تعبان و ما يسوى الخبة
الجهاز ما راح يخليك أحسن من باجى البشر
الجهاز مو ناد اجتماعى للمميزين




هناك 21 تعليقًا:

beezo يقول...

انت ليش تناجر الناس ؟

يبه القلب ومايهوا

بعدين نسيت ان امريكا عاوزه كده

Diver يقول...

بومريوم انا اوافقك 100%

بس جنك تكتب من قلب حاقد او محتر

هونها و تهون

بومريوم يقول...

bezzo
هواية:)

diver
هىهىهىهىهى
يمكن زين يعطونى جهاز مجانا:)

Q8Disaster يقول...

اضرب بيد من حديد يابومريوم
وحيلك فيهم هالبلاكبيرييه
هههههههههه

كويــتي لايــعه كبــده يقول...

الجهاز status symbol
بورش للي ما عنده فلوس البورش
وللي عنده بورش وما يعرف شيء عنها

اسأل اللي يتغنون بميزات البلاكبيري شنو ميزاته؟ هل يستخدمون الـsync او عندهم فايلات تحتاجه؟ وشلون الـoffice فيه وهل يستخدمونها؟ اما المسنجر تراه موجود بكل الأجهزة من مستوى معين وفوق. ونفس الشيء البراوزر وغيره. شنو في البلاكبيري جديد (أو حتى أفضل من غيره) غير الاكتساح الاجتماعي؟

القي نظرة على Windows Mobile 6.1
و6.5 القادم أخر السنة

I7na 3shagnaha يقول...

exactly

Q80 Blogger يقول...

انا مستعد ادش مناظره مع البلاكبريه

جهازي نوكيا N82
اتحداهم يضربون مميزات هذا الجهاز القديم

راعي تنكر يقول...

نشكرك على ضرب هذه المجاميع المعقدة نفسيا
تصدق عاد
والله زين عالم جميل عارفة لهم وعارفة شلون تلعب على شواربهم..عفوا..ما اقصد شنبات بلا حدود..

Mohammad Al-Yousifi يقول...

عندي واحد من شهر و ليلحين ما استعملته

مو قادر اهد النوكيا

Mohammad Al-Yousifi يقول...

عندي واحد من شهر و ليلحين ما استعملته

مو قادر اهد النوكيا

LiL ALiEN يقول...

شكلك ماسك وكالة تيلفونات يديده وطايح له ضرب بهالتيلفون علشان تكسر سوقه

على فكره

http://farm4.static.flickr.com/3189/3048301012_0b8d9003c1.jpg

ليلحين شغال عندي ومن أحلى مايكن

soreal يقول...

i wont blame u... most ppl use the device as it is without knowing it full potentials...
with all smart phones...as its the case with any pcs, the device is enhanced when u install 3rd party software...

oh, since am here, let me take this opportunity to correct the unintended mistake i made in my comment on ur last blog..
what i meant is "if i ever bought a smart phone, it _wont_ be a blackberry"

happy? :P


ps. u should change ur blog title to reflect ur new focus of activism :P

Musaed يقول...

بومريوم ..

على فكرة جهاز نوكيا E71 نفس البلاك بيري تقريباً و يمكن أحسن ..

و إذا السالفة فيها مميزات, عيل أدعو كل بلاك بيري إنه يزهب عمره حق أكبر دقره بنزول الآي فون اليديد شهر 6 ;)

Deema يقول...

الله بالخير، هذا التعليق خاص بالشوارب

http://www.trendsnow.net/trends_now_/2009/05/pops-stash.html

Kuwait73 يقول...

عساك على القوه ،، نوكيا واقطع والملك القادم الى بزيح لك كل الموبالات N97 ، وتدري ليش يشترون بلاك بري على شان اللمبه الى الترك :)ذكروني بالاركسون ايام 688

www.arabnokia.net

violinist_q8 يقول...

أحلى شى ان أول ما يشتريه الشخص..يحط بوست جنة ما يدرى "posted from my blackberry"

اي اي لوووووووول

بوتشخيص يقول...

ترى الجهاز اساسا الميزة الوحيدة اللي فيه اهيا الايميلات و هو مفيد جدا لرجال الاعمال اللي يعتمدون على الايميلات بكثرة و يتخذون قرارات من خلاله ..

غير هالميزة و ميزة المسنجر ..
لانها فعلا ميزة ممتعة و تخليك تتواصل مع الناس حتى و انت بعيد بسعر شهري ثابت..

غير جذي

ترى الجهاز فقييييير بكل المزايا الاخرى مقارنة بالتلفونات الحديثة ..

تبي الافضل بالنسبة لي .. و بعد التحسينات الكبيرة .. هو HTC

:)

Faisal يقول...

من اصول القز البلاك بيري
واذا ماعندك بلاك بيري انت فقير وماتفهم بالتكنلوجيا ومتخلف ولانك كول ولا انت قزيز ولا انت ولد بطنها ولانك اصيل
وانت مومخملي

Mr_CHoCoLaTe يقول...

ههههههههههههههه
انا مو قاهرني الا ان الناس حسبالها جهاز واو يعني ماكو منه اهو الوحيد اللي جذي

وينكم عن البالم و البوكيت بي سي الثانيين

احنه بالكويت دايماً جذي آخر ناس تحوشنا التكنلوجيا و أكبر دليل الشاشات الكبيره اللي يحطونها فوق المجمعات حسبالهم في توكيو

ARTFUL يقول...

انا معاك

بس خلك مع الهبه

p;

رزنامــــــة يقول...

انا ما جربت البلاكبيري
ولا اعرف احد قريب مني عنده ياه
بس ماادري ليش كرهته ( يمكن لأن هبه كويتية وانا اكره كل هبات ربعنا )

وجيت انت يا بومريوووم وبردت جبدي نكاية باللي شايفين عمرهم مع هالجهاز

الله يخلي النوكيا والايفون بس

فجزاك الله خيرا