تحديث بالاسفل
أمس تفاجات ان مندوب حدس بالتدوين" الطارك" حاط لنك حق البوست مال المجبوس
يبا البوست كان برىء.وماله شغل بمعارككم الصغيرة لان حربنا اكبر منكم
البوست كان مجبوسى بحت...شفيكم يا الكويتيين ؟
اى شى صار وراه الف سبب و سبب؟
انا فى الصومعه حتى نهاية الانتخابات
-------------
توقعاتي
-معصومة راح تفوز و تطلع الاولي..."من صجها متوقعة تفوز؟"
-أسيل راح تييب رقم أقل من الانتخابات اللى طافت
-الطارق راح يعطونة ترقية بالحزب
---------
---------
تدرون شلون...اهى خاربة خاربة
كل واحد يحط توقعاته لاسيل و معصومة..و اللى توقعاتة صح راح يحصل على هدية قيمة
"لوحة من الفن التشريبى المعاصر"
كل واحد يحط توقعاته لاسيل و معصومة..و اللى توقعاتة صح راح يحصل على هدية قيمة
"لوحة من الفن التشريبى المعاصر"
هناك 22 تعليقًا:
الطارق راح يصير مدير قناة فضائح و حقائق الفضائية
توقعك الاول ناري
الثاني ماعتقد، راح تفوز (آي هوب سو)
لكن الثالث ما تقدر تتوقع، محد يقدر يتوقع شنو يسوي الحزب حتى لو نوستراداموس، بس يمكن الحزب يسوي فرع اسمه القيادة الامامية للتشويش والهجوم المعاكس ويسلمه للطارق
ويييييييييييييي
أصلا أنا قمت أسيّر عليك لأنك حاقر الأنتخابات
و مالنا سالفه الاّ المجبوس و المرقوق و القبوط
صج ما عنده ساله
بو مريوم أنت عارف موقفي العدائي من التشريب
عشان جذي ما أقدر أشاركك استمتاعك بمحرابك
تشريب كراعين ؟
الجويهل راح يكتسح أسيل
ذكرى في الرابعه
طيبة بالخامسة
الثالثة والثانية والاولى
يفتقرون للوعي الانتخابي
معصومة و اسيل ناجحين
هذا مو تمني
هذا توقع
و على سالفة التشريب انا مو من ربعة
لكن الذ اكلة عندي اهي الكراعين
و الوالدة الله يخليها تحب تشريب الكراعين مثل ما قال بن جبلة
أنا دايرة كشري اليوم !
انزين ليش الهدية مو وزار؟
سوّق حق منتجاتك و لا البطن قبل القطن أحيانا؟
معصومه ساقطه
واسيل ناجحه
فرق كبير بينهم بالتاريخ والانجازات .. بس للأسف الاغلبيه تشوف الجمال !
يا حافظ والجريش ليش ما له طاري عندك!!!
الطارق بيحصل على جائزة السعفة الإخوانجية وهي عبارة عن درع مذّهب..قنفة من شركة علي عبدالوهاب...إمدادات لمدة عام من القروضات من الصيداوي...ومبلغ يضبط فيه نفسه
توقعاتي ولا وحده تفوز مايطولنها
تقل اصوات اسيل وايد بعد
وتنزل مركز او مركزين
اما مالت الطارق لاتحاتي مايعطون الا شهادات تقدير بخط اليد
:P
بس حلوه الترقيه شنو الدرجه عاد ؟
الزميل بومريوم
إذا كان مضايقك الرابط الي انا حاطه بمدونتي عن بوستك الي طاف وتشوف انه اقحام لك في (معاركنا الكبيرة ) فأنا على اتم الاستعداد لشيلته وبكل سرور واسف على وضعه دون اذن ، فلقد جرى العرف حسب ما اظن انه يكفي الاحالة على رابط الموضوع الاصلي .
تحياتي
مطقوق
بيصير زميل لك يعنى:)
اكس بلوجر
اتمنى تنجح بس ما اظن
السعدون بيقطع عنها اصوات
نانونانو
يا حبكم للاكل..
الاسبوع القادم كل يوم طبخة من التراث..with little twist
بن جبلة
على خبز ايرانى..و راسين بصل
متفائل
اهو لو يهتم باناقته شوى...و الله يكتسح
راعي تنكر
و الله ان نظرتك ثاقبة...بس الناس ما تبى الصج
دافر
انا توقع بعد مو تمنى:)
بلوج عمتى
حدس حتى كشريهم غير
ديما
الهدية هم منتج محلى:)
مو أكل..لوحات من الفن التشريبى المعاصر
كويتى بلوجر
سجلنا توقعك
ولادة
علاقتى مع الجريش علاقة حب فوضوية لا يحكمها منطق العشاق
fandi
انت الاخبر بالترقيه:)
كونك من طلائع الاخوان:)
الطارق
لا لا تشيلة...يخترب موضوعى بعدين:)
جوليا سمنانة؟
وميل ثقل اللحية أكثر من كل مرة؟
وزين سويت رديت للتشريب
أبرك من قبوط الحوامل و"ع"ـدس المفلسين
توقعاتي؟
أسيل ناجحة بسبب اساليب حدس
يا فرحة حدس بعبقريتها
فن تشريبي معاصر
!!
اسمح لي
التشريب فن كلاسيكي
ارفض واندد واستنكر كل المحاولات الغاشمة لجعل التشريب حداثي معاصر
إلا تشريبتي
نبي نعرف شنو اخر اخبار رونالد وصج راح ينزل صمون لسان وباجه
وقول حق الفضائي خل يفتح مدونتة من زمان مو زايره
لوووووووووووووووووووووووووووووووووووووووووووووووووووووول
الله ياخذ بليسك دمعت من الضحك
يازتلي طلائع الاخوان
ما فهمت علاقتك بالجريش ..وضحيّ لي أكثر..إذا ما في استقرار بعلاقتك فيه فهل يشبه المسيار !
شكله سوقهم احمر هالايام !!
حتى تشريبه ماعندهم !!
وتحياتي ..
ويسلمواااااااااااااااا :)
الله مافي احلى من حاله التبتبل والتسرمد في التشريب بس المشكله بالعواقب :)
إرسال تعليق