الاثنين، مايو 11، 2009

متبتل فى محراب التشريب السرمدي


تحديث بالاسفل
أمس تفاجات ان مندوب حدس بالتدوين" الطارك" حاط لنك حق البوست مال المجبوس
يبا البوست كان برىء.وماله شغل بمعارككم الصغيرة لان حربنا اكبر منكم
البوست كان مجبوسى بحت...شفيكم يا الكويتيين ؟
اى شى صار وراه الف سبب و سبب؟
انا فى الصومعه حتى نهاية الانتخابات
-------------
توقعاتي
-معصومة راح تفوز و تطلع الاولي..."من صجها متوقعة تفوز؟"

-أسيل راح تييب رقم أقل من الانتخابات اللى طافت
-الطارق راح يعطونة ترقية بالحزب

---------
تدرون شلون...اهى خاربة خاربة

كل واحد يحط توقعاته لاسيل و معصومة..و اللى توقعاتة صح راح يحصل على هدية قيمة
"لوحة من الفن التشريبى المعاصر"

هناك 22 تعليقًا:

Mohammad Al-Yousifi يقول...

الطارق راح يصير مدير قناة فضائح و حقائق الفضائية

ExBlogger يقول...

توقعك الاول ناري
الثاني ماعتقد، راح تفوز (آي هوب سو)

لكن الثالث ما تقدر تتوقع، محد يقدر يتوقع شنو يسوي الحزب حتى لو نوستراداموس، بس يمكن الحزب يسوي فرع اسمه القيادة الامامية للتشويش والهجوم المعاكس ويسلمه للطارق

nanonano يقول...

ويييييييييييييي

أصلا أنا قمت أسيّر عليك لأنك حاقر الأنتخابات

و مالنا سالفه الاّ المجبوس و المرقوق و القبوط

صج ما عنده ساله

بو مريوم أنت عارف موقفي العدائي من التشريب

عشان جذي ما أقدر أشاركك استمتاعك بمحرابك

بن جبلة يقول...

تشريب كراعين ؟

mtfa2el يقول...

الجويهل راح يكتسح أسيل

راعي تنكر يقول...

ذكرى في الرابعه
طيبة بالخامسة
الثالثة والثانية والاولى
يفتقرون للوعي الانتخابي

Diver يقول...

معصومة و اسيل ناجحين
هذا مو تمني
هذا توقع


و على سالفة التشريب انا مو من ربعة
لكن الذ اكلة عندي اهي الكراعين
و الوالدة الله يخليها تحب تشريب الكراعين مثل ما قال بن جبلة

Blog 3amty يقول...

أنا دايرة كشري اليوم !

Deema يقول...

انزين ليش الهدية مو وزار؟

سوّق حق منتجاتك و لا البطن قبل القطن أحيانا؟

Q80 Blogger يقول...

معصومه ساقطه
واسيل ناجحه

فرق كبير بينهم بالتاريخ والانجازات .. بس للأسف الاغلبيه تشوف الجمال !

ولاّدة سابقاً ... رانيا السعد ...رانية المنيفي حسب الأوراق الرسمية يقول...

يا حافظ والجريش ليش ما له طاري عندك!!!

الطارق بيحصل على جائزة السعفة الإخوانجية وهي عبارة عن درع مذّهب..قنفة من شركة علي عبدالوهاب...إمدادات لمدة عام من القروضات من الصيداوي...ومبلغ يضبط فيه نفسه

Faisal يقول...

توقعاتي ولا وحده تفوز مايطولنها
تقل اصوات اسيل وايد بعد
وتنزل مركز او مركزين

اما مالت الطارق لاتحاتي مايعطون الا شهادات تقدير بخط اليد
:P
بس حلوه الترقيه شنو الدرجه عاد ؟

الطارق يقول...

الزميل بومريوم

إذا كان مضايقك الرابط الي انا حاطه بمدونتي عن بوستك الي طاف وتشوف انه اقحام لك في (معاركنا الكبيرة ) فأنا على اتم الاستعداد لشيلته وبكل سرور واسف على وضعه دون اذن ، فلقد جرى العرف حسب ما اظن انه يكفي الاحالة على رابط الموضوع الاصلي .

تحياتي

بومريوم يقول...

مطقوق
بيصير زميل لك يعنى:)

اكس بلوجر
اتمنى تنجح بس ما اظن
السعدون بيقطع عنها اصوات

نانونانو
يا حبكم للاكل..
الاسبوع القادم كل يوم طبخة من التراث..with little twist

بن جبلة
على خبز ايرانى..و راسين بصل

متفائل
اهو لو يهتم باناقته شوى...و الله يكتسح

راعي تنكر
و الله ان نظرتك ثاقبة...بس الناس ما تبى الصج

دافر
انا توقع بعد مو تمنى:)

بلوج عمتى
حدس حتى كشريهم غير

ديما
الهدية هم منتج محلى:)
مو أكل..لوحات من الفن التشريبى المعاصر

كويتى بلوجر
سجلنا توقعك

ولادة
علاقتى مع الجريش علاقة حب فوضوية لا يحكمها منطق العشاق

fandi
انت الاخبر بالترقيه:)
كونك من طلائع الاخوان:)

الطارق
لا لا تشيلة...يخترب موضوعى بعدين:)

كويــتي لايــعه كبــده يقول...

جوليا سمنانة؟
وميل ثقل اللحية أكثر من كل مرة؟


وزين سويت رديت للتشريب
أبرك من قبوط الحوامل و"ع"ـدس المفلسين

توقعاتي؟
أسيل ناجحة بسبب اساليب حدس
يا فرحة حدس بعبقريتها

sologa-bologa يقول...

فن تشريبي معاصر
!!

اسمح لي
التشريب فن كلاسيكي

ارفض واندد واستنكر كل المحاولات الغاشمة لجعل التشريب حداثي معاصر


إلا تشريبتي

نخي وباجلا يقول...

نبي نعرف شنو اخر اخبار رونالد وصج راح ينزل صمون لسان وباجه

نخي وباجلا يقول...

وقول حق الفضائي خل يفتح مدونتة من زمان مو زايره

Faisal يقول...

لوووووووووووووووووووووووووووووووووووووووووووووووووووووول
الله ياخذ بليسك دمعت من الضحك
يازتلي طلائع الاخوان

ولاّدة سابقاً ... رانيا السعد ...رانية المنيفي حسب الأوراق الرسمية يقول...

ما فهمت علاقتك بالجريش ..وضحيّ لي أكثر..إذا ما في استقرار بعلاقتك فيه فهل يشبه المسيار !

Q8EL5AIR يقول...

شكله سوقهم احمر هالايام !!

حتى تشريبه ماعندهم !!



وتحياتي ..
ويسلمواااااااااااااااا :)

ANGEL HEART يقول...

الله مافي احلى من حاله التبتبل والتسرمد في التشريب بس المشكله بالعواقب :)