الخميس، مايو 28، 2009

المشى فى الصحاري الجرداء...لكشف حقيقة التوتة السوداء


ليش اللى عندهم بلاك بيرى شايفيين عمرهم؟
و دايم ينظرون للى عندهم تيلفونات عادية" مو بلاك بيرى" نظرة مش و لا بد

بعينى شفت واحد بالافنيوز معلقة برقبتة..

ترى البلاك بيرى مو سمة شخصية تكتسبها بمرور الزمن..أو هبة ربانية اختص بها عبادة الصالحين
يعنى ليش كل هالحماس عليه؟

الحقيقة المرة..البلاكبيرى تلفون قبيح..و مو عملى..و الاحسن تشيل كيبورد بمخباتك..
يعنى اذا طولت و انت تتكلم فيه ممكن يصير فيك جذى



بس البلاك بيرى أرخص و خدماتة مجانية..
صح....مجانية بس تدفع لها رسوم





زين البلاكبيرى حلو..وذرب...

اذا كنت منوم مغناطيسا من قبل شركات الاتصلات الكبرى اللى خلقت الحاجة للبلاك بيرى..ممكن تشوفه ذرب و حلو




زين البلاك بيرى..يخلى الواحد أو الوحدة..أجمل..
الحقيقة المرة..البورش ..الفيرارى..الاوستن مارتن ممكن تخليك جورج كلونى
الحقيقة الامر..البلاكبيري مو بورش





الزبدة..كل واحد حر بحلالة...بس لاتشتطون علينا و تظنون ان باجى الناس أقل أو ماتفهم لان ما عندها البلاكبيري













هناك 22 تعليقًا:

mtfa2el يقول...

ليش كل هالحماس عليه ؟
مجتمع أغلبه عديم الشخصية و راعي هبات

لا يسوون عليك تجمع باجر .. لا لسطوة التشريبيين
----
seinfeld dissing blackberry and iphones
http://www.youtube.com/watch?v=PYDA7__znfY

ولاّدة سابقاً ... رانيا السعد ...رانية المنيفي حسب الأوراق الرسمية يقول...

ليتني قارية بوستك أمس
حسافة أمس استجبت للضغوط الصديقاتية وأشتريت واحد
:(
وما أعرف له
لو شارية نفنوف ابيض يهفهف كان أحلى وأبرد

Someday يقول...

?!?!?!??!?!?!
ويحك يا أبا مريوم!
ما ذا تقول يا صاح!
شكلك ماجربته
ترى الناس لي علقته على رقبتهم كوز ما يعبرون على فراقه
أأأأأخ عليك يا بلاك بري يا من سلبت الفؤاد!
صج انا امووت بمخترع البلاك بري و السكني جينز
غيرو حياتي هالشخصين
جيف ات ا شوت
ان ما رديت و قطعت هالبوست و كتبت فيه موشح
اااااااااااخيه على قلبي من أسود تلف حاله
اهوا سبب عليتي يا علني انا فداله
خذ بلاك بري و عيش الحريه
حلق في سماء العالم الا سلكي
الحياه تصبح سكيم مليك بالشكولاه و الفانيلا
تهد البيت من الصبح لي الليل و كل شي يكون في قبضه يدك!
اسكت و لا اقتنعت؟!

Яeema يقول...

والله العظبم يونس
و ماراح تحبه صدقني إلا لما يكونون اللي وياك شارينه

الجهاز بدون ربعك ما يسوى بيزه

بالعكس سوني أركسون أحسن منه

بس تخيل اللي كل يوم تسويلهم مسجات تقدر اتدز المسج حق 50 مرة وحده


التلفون حق اللي يستهلك النت بالدرجه الأولي


و خصوصا إن دوامنا لا بلوق نقدر نفتح مسكرينه
و لا مسنجر
و لا عمات عين

و تخيل الوضع مع قلة الشغل شتسوي؟؟؟

و يصلح حق إذا عندك موعد طبيب و قاعد تنطر دورك

ليش نعلقه؟؟؟

حركات لا أكثر و لا أقل

في ميزه تونس

لي مالك خلق تكتب المسج تقدر اتطرش
voice note
free of charg
picture
free of charg

كل هذا من ضمن ال
14 دينار

أقولك شي غريب
اللي عندهم بلاكبيري و مجدونين باللسته تصير أقرب منهم من الباجين

لأنك راح تستسهل إنك اتدز للكل بدون تحيز

يالله بومويوم إخذلك واحد

ههههه


و بعدين إحنا البنات يونسنا لأن كل كوفر على لون هدومك

هههههه

شسوي بومويوم ماكو شي اتسويه بالكويت

والله صدقني لو تاخذه وياك برة ما تشتهي اتطل فيه


بس هبيته مثل هبت المسنجر بالضبط!


مع الإختلاف بأن bbm
ما تتأخر المسجات أو ما توصلك

mowa6en يقول...

وما زال الكويتين يتطبقون ويتعنصرون والعالم يشق طريقة نحو المساواة المطلقة بين البشر نزولا تحت قرارات معاهدت حقوق الانسان و غيرها من المعاهدات .

قاتل الله البلاك بيري مفرق المجتمعات

LiL ALiEN يقول...

البلاك بيري حاله حال الأي بود .. الناس هابه فيه ومسويه عليه ضجه وليلحين تتذابح عليه

FOR GOD's SAKE, IT'S JUST AN MP3 PLAYER!

GET OVER IT!


والشغله الثانية .. لاحظ الردود على موضوعك .. اغلبهم بنات يمدحون فيه .. يعني هبة نسائيه .. وبما انك مع حملة "الشنبات" نبي مقاطعه للبلاك بيري

ساره النومس يقول...

كلش ماهمني الشكليات ...


حسافة اغلب الكويتية لي هبوا بالشي على بالهم كشخة لوووول حدهم مقصة ...

Um il sa3af wil leef يقول...

سؤال : أي شخص يشتري البلاك بيري تصير سرته هالكبر ؟؟كبر سرة اللي قاعد يتكلم ؟؟
أنا بغيت أشتريه بس أخاف يجرى علي مثل اللي جرا عليه

أفضل آكل البلاك بيري والبلوبيرى

مركبنا يقول...

عاد توني رايحة بشتري بلاك بيري !!

بس ما ادري ليش هونت !!

soreal يقول...

you have an immaculate way of picking up ur blog titles :P

now

blackberries are meant to be as a mini computers... regardless of how limited they might be

being said that
blackberries are ugly , i agree
if i ever going to buy a smart phone it would be a blackberry

and i wont feel superior because i have a mini pc :P

Musaed يقول...

إييييييييييييه حيلك فيهم بو مريووم و تكفه لا ترضخ للضغوط اللي عليك و نزل بوست ثاني ..

يا أخي شهالملاقة .. بلاك بيري وصمة عار و اللي يقارنه بالآي فون ما عنده سالفة ..

أما اللي معلق البلا بيري برقبته فهو كالـ..... يحمل أسفارا

Q80 Blogger يقول...

اتصدق انا فيني المرض هذا بالعكس

يعني اذا شفت واحد عنده بلاك بيري اشوفه نظره مش ولا بد !

Fahad Al Askr يقول...

اللي ما يطول العنب يقول عنه حامض

كويــتي لايــعه كبــده يقول...

ميزات البلاكبيري ما هي جديده لكن الناس متأثرة بالتسويق. صار لي سنين استخدم الميزات اللي يقال عنها "جديده" وأكثر منها بعد

أبشرك شريت بلاكبيري واستبدلته
استخداماته ينقصها الكثير

شلون يعني بعين شعب السبايكي محنا كوول؟

طز بالرجالة يقول...

المسألة بسيطة
الي عنده قرش محيره
يبص للموبايل و يغيره

يعني من اشغال الشعب الي هاب في البلاك بيري؟ حق سوالف الحش و المسجات الي مالها معنى

انا استغرب من الي يطرش مسجات كل شوي...يا نكته يا حكمة يا خربوطه
جد جد بعض الناس ما عندهم شغل و فلوسهم زايده
على الاقل 20 كي دي مسجات شهرية..زين ممكن تتبرع فيهم لعمل خيري تنقذ فيه عيون طفل..تترس ثلاجة اسرة ماجله لمدة شهر
تعطى طفل فرصة انه يشتري حقيبة مدرسية و يتعلم و يدعي لك

بس لا حياة لمن تنادي

Q8Disaster يقول...

ههههههه ياخي في واحد من الشباب يبي يقنعني اخذ واحد
يقولي المسجات ابلاش
وبالاخير طلع تدفع عليهم شهري هههههه

انا ماتهمني المسجات انا يهمني السوفتوير مال الموبايل
الجهاز حاله حال نوكيا بو وليت بس زياده الBBM

ويذبحني الي يقارنه بالايفون

Faisal يقول...

اعتذر عن انقطاعي
في الحقيقه ثبت تاريخيا ان سبب انتشار البلاك بيري هو المرأه
فهم الهابات به مما ادى إلى هببان الشباب نظرا لسهولة الحصول على ال bbm من المرأه , إلا من رحم ربي ويحتاج للبلاك بري
اقتر اظافة البلاك بري للحملة جمعية اعداء المرأه والبلاك بيري

والشعار مال الحمله بحطه على سيارتي
صديقك فاندي
المدينه المنوره
مساويج وقحافي ومسابيح حدكم

Diver يقول...

المشكلة الكبيرة اني طلعتما افهم لاني مو لان م عندي لأ لاني مقتنع انه لشخص احتياجاته العملية اكثر من احتياجاتي


على العموم الله يخليلنا الكويت ديرة الهبات و خلي الناس قادرة انها تهب هلاهبات من وقت لين وقت

ZwaiZ يقول...

Hehehe ee wallah shay ghareeb model eli em3alga bergobta .. ana sharait el-blackberry eb offer zain si3ra 160kd bel wagt eli kan 240kd bel kuwait wel mobile eli kent abyh eb 205kd nokia N96 o loma 7ajti 7ag el-Email ayam esofar wel entikhabat chan makhathaita ;)

ZwaiZ يقول...

wazeedik men eshi3er beit ana already kent adfa3 9.5kd for gprs fa mafregat weyay 4.5kd zyada 7ag bb service

بومريوم يقول...

متفائل
التشريبيون يندون الحقيقة

ولادة
لو شاريه اى ى احسن
حسافة عليك...

someday
الظاهر مو شايفة أجهزة من قبل:)

ريما
يونس؟
هذا جهاز و لا هواية؟:)

هم ما أقتنعت:)..اشترى بى اس بى اونس

مواطن
هذا احنا..ندور الطلايب

lil
محمد مقوم سوق الاجهزة التعبانة الا الحريم

طموحة
شنو سالفة بركان العيص؟؟؟

ام السعف
كلهم جذى

مركبنا
عدتى الى جادة الحق

soreal
u know what it a mnini computer?

-not a blackberry:P

بوحظين
لا توصي

كويتى بلوجر
انا مثلك:)

فهد العسكر
اى عنب؟:)
الجهاز بستين:)
حتى حارس عمارتنا عندة واحد

كويتى لايعة كبدة
المشكلة لى ياك واحد و قام يشعر بالابلاك بيرى
ما يدرى انة مقصوص علية

طز
يبا لا تتبرع...بس لا تشوفنا بنص عين

كويت دساستر
البى بى ام ميزة متخلفة ترى:)

فندى
حمد الله على السلامة
ما اوصيك..ماى زمزم و نظارات مكة مدينة

دايفر
حتى رجال الاعمال برة هدوه..لانة جهاز متخلف

zwaiz
احوليت و انا اقرا ردك:)
ياا عربى يا انجلش:)

miss crazy يقول...

I love blackberry & Iphone
But I have a blackberry because my Cousin's & my friend's they Àя̩̥̊
є̲̣̣̣̥
have it
& I like it because I can talk with my cousin's & my friend's anywhere & anytime I want
& also I can use the internet anywhere & anytime I want