الخميس، سبتمبر 25، 2008

ملك المبصرين الأعمي


كان ملك النكتة السياسية بالثمانينات
قوة الرقابة و المنع فى هالفترة...قابلها جرأة بالطرح و النقد من هالشخصية المجهولة للاغلبية
محد يعرف غير ان اسمة بو ليلى او بو ليلة
يقال انة كان اعمى
بس كان علية تقليد للشخصيات السياسية النافذة بالبلد لا يعلى علية
و كان مشهور بتقليد شخص الله يرحمة:)

ما تدرى شلون الاشرطة كانت تنتشر..بس كانت توصل للكل
اختفى فجأة مثل ما ظهر فجأة

و الله الثمانينات كانت وناسة..راس مالنا مسجلة و رادو
و اذا كشخت حطيت لاسلكى

هناك 18 تعليقًا:

Zaydoun يقول...

مثل ما يقول الأخ آيديب

عليه.. تكتب بحرف الهاء وليس التاء المربوطة

عليه وليس علية


مو عدل؟؟

ZooZ "3grbgr" يقول...

ماعندك تسجيل له؟

nanonano يقول...

ويــــــه

من وين طلّعته؟

أذكر مرّه سمعت له تسجيل

soreal يقول...

this is why the net has been invented for... someone has to post his stuff, somehow :P

شـقـــــران يقول...

الأخ العزيز بومريوم


ومن لايعرف بوليلى رحمه الله حيا أو ميتا


وفعلا فلقد كانت اشرطته منشرة في فترة الثمانينيات بشكل عجيب


واذكر إن له سالفة كان يسولفونها بذيك السنين..بقولون سلمك الله إنهم دخلوه مسجد وحطوا قدامه الميكرفون وطاح بالهميكرفون وتغليقات امسك بطنك..لين مااسحبوه المخفر

وللعلم كان صدر الشيخ سعد الله يرحمه وسيع عليه...وكان مايواخذه حسب ماسمعت من شيابنا الله يرحمهم


وإذا ماخاب ظني فهو من اهل صليبيخات




مع وافر الاحترام والمودة

ma6goog يقول...

سمعت شريطه مال الغزو؟

ابوالوليد يقول...

بوليلى مشهور جدا قبل الغزو

وأشرطته تلقاها بأي تسجيلات سابقا

اللي أعرفه عنه إنه عراقي وأعمى

وأذكر سمعت له شريط يقلد فيه كرمكم الله الحيوانات بطريقة مضحكة

AL7ESIN يقول...

مواليد الثمانينات يبون يسمعون له شلون؟

Blog 3amty يقول...

كان يقلد رحمة الله

:)

اشطاري عليك ..

ناصر الكويت يقول...

ظاهر بتموت

ملاحـظـة يقول...

بو مريوم
من قلت ملوك التدوين الاربعه
و انا قاعد انطر منو الثلاثه اللي عقب محيلان
حسيت بخجل اني نسيت بوليلى
لاتطول وعطنا منو الاثنين المتبقين

louis يقول...
أزال المؤلف هذا التعليق.
louis يقول...

ناصر
موت يشيلك انت و اهلك و طوايفك
انت تيس و ماني رادها عنك
ما تقول أهله يقرون مدونته؟

بومريوم يقول...

زيدون

شخبارى اللى يصيدون بدليات

عقر بقر
عندى و راح انشرة قريبا ان شاء الله

ناونانو
لم يغب عن الذاكرة اصلاة

سوريل
i will inshallaa

شقران
نورت المدونة
لو ما كان صدر الشيخ سعد اللة يرحمة وسيع كنت تلقاة ورا الشمس:)
اذا ما كان هناك اللحين
كانت علية سرعة بديهة و خف طينة غير طبيعية

مطقوق
لة شريط بالغزو؟
نورنا

ابو الوليد
كلامك عدل
و الغريب ان الناس ما كانت تخاف تتداول اشرطتة

al7esin
خلكم على البلام و درويش:)

بلوغ عمتى
ما ادرى..كنت ارتب شغلات قديمة و شفت اشرطتة:)

ناصر
اى و الله بموت

ملاحظة
عاد انا قلت اربعة و توهقت:)
عيدك مبارك

louis
هىهىهىهىهىهى
زين تسوى فية
صج ان ماراح يحس
بس زين تسوى
مشكور:)

MAK يقول...

الله يرحمه حي او ميت.. آخر مرة شفته كان ايام الغزو عقب ما احبسوه كلاب البعث يحاولون يجبرونه يقلد شيوخناو سمعت انه ما رضا، شفته بسكن الجامعه و حايشه جرب و المصريين مالوت السيكيوريتي يعطونه اكل من بعيد. اذكر هالحكي كان قبل شهر 12 الغزو.

ناصر الكويت يقول...

حتى بو مريوم صارو عنده فداوية

ههههههههه

ناصر الكويت يقول...
أزال المؤلف هذا التعليق.
Hanan يقول...
أزال المؤلف هذا التعليق.