كانت الكويت كلها تنطر تدوينته الصوتية
منو ما كان يسمع المحيلان؟
و اعمالة مع خالد الشيخ كانت ابداع
كان سابق عصرة بمراحل
اعتقد ان المحيلان هو اللى بدأ سالفة التدوين, و استخدام التكنلوجيا لايصال افكارة
للاسف ما قدرت احصل على تسجيلاتة بس هذا لقاء معاه بشبكة التلفزيون
هناك 16 تعليقًا:
old good days
عندي اشرطته
جم تشتري ؟
إذا ماني غلطان، تقدر تطلب أشرطته من محل بو أحمد بالسالمية
وحتى اذا ما حصلتها عنده، يعرف يدبر لك اياها
here
ما اتوقع انك ما تدل بو أحمد، بس للي ما يدل
اسم المحل تسجيلات أجمل المنوعات
بالسالمية
اخذ الدائري الرابع لي السالمية، لا تلف يمين ولا شمال وتعدى مطافي السالمية والاشارة اللي بعدها
تجيك آخر لفة فوق تحت، لفها بعدين اخذ أول يمين
تلقى المحل على يسارك
ولا تنسوني بالدعاء
;)
يود عليه يود
ذكرتني بدوام المدارس يوم الخميس
كان ف كمية اغاني جميله
سواها خالد الشيخ خصيصا حق البرنامج
و كان يوم الخميس عقب المدرية لحظة وايد مهمه
ما اتخيل عيوز او رب اسرة او اطفال ما كانوا يسمعونه وقتها
حسافه عليه
ياريت لو يرجع
العزيز بومريوم: اغلب فترة المحيلان كنت خارج الكويت، ولكن سرعان ما تمكنت من الحصول على مجموعة الحلقات، ولعدة سنوات كنت افكر في تحويلها للشكل الالكتروني، ولكن للضرورة احكام خاصة مع الكم الكبير من التسجيلات المختلفة، سواء كانت على كاسيت او اشرطة مفتوحة او اسطوانات مختلفة والوقت المحدود.
لما ارجع الكويت ادورهم واشتغل على التحويل، اكو حلقة اتذكرها واضحك ... عن "ام الدقوس"، لووول!
idip
محل بوأحمد ليلحين موجود؟ حسبالي هدموا البناية اللي كان فيها
كنت أشتري منه أشرطة سامري وأغاني قديمة... يا سلام
عجيب
اسلوب الطق على الراس
من المشاهد اللي ما أنساها، فيديو مصوره المحيلان داخل حدى المناطق السكنية "النموذجية".
يصور زحمة السيارات بالدورة، وقت طلعة الناس من بيوتها. و الحركة مشلولة. و السيارات خشم بخشم. اللي مودية عيالها المدرسة، و اللي رادة من المدرسة، و اللي رايح قصاب الجمعية، و اللي متأخر عن الدوام،...
المحيلان كان ثاقب النظر في إبداعاته. و يستاهل من يذكره بالخير.
تسلم يا بو مريوم.
ــــــــــ
و يالله يامحيلان، يالله يامحيلان...
يازينهم الواحد ليه سمع الرادو يحس ان اللي يتكلم عايش الوضع، يتكلم بلسان كل شخص بهالديرة
اكو مثله الحين؟
Zaydoun
لا!
:(
انا خبري بالمحل قبل ثلاث/اربع سنين
حسافه ما اذكره
بس راح أبدي أسمع تسجيلاته
صراحة ماأعرف المحيلان وهذا ماينقص من قدره شي
بس منو أحسن المحيلان أو الدغيشم
:)
وللحق ماأسمع الراديو إلا نادرا
نانو
صدقتى و الله..المحيلان يسوى مذيعين المارينا كلهم
ناصر
مانى راد عليك
اى ديب
شخبارى اجمل المنوعات:)
عندى الاشرطة فى مكان ما بس مالى خلق ادور
ان شاء الله اذا لقيتها احطها بالارشيف هنى
سلوجا بلوجا
كان الخميس خميس..وناسة
ملاحظة
وين يرجع مع جو الاحباط العام و الشللية بالاذاعة
انة زمن المارينا
الديمون الكويتى
عطنى الاشرطة و انا مستعد احولهم ديجيتال و احطهم على النت لوجة الله
شقلت؟
زيدون
اكو المخزن الشعبى بالمرقاب تدلة؟
مطقوق
كان ملك يوم الخميس
شرقاوى
طبعا ابداعة بالافلام الوثاقية واضح
تلقائية و حرفية عالية
زوووز عقر بقر
صح النوم
المحيلان مبطل اذاعة من عشرين سنة
ابو الوليد
اكيد الدغيشم:)
تصدق عاد امس شايفة بمواقف المارينا يتمشى
بغيت ادعمة بالبوكس:)
ميخالف، لما ارد الكويت بالقرن القادم - بس مادري بأي تقويم؟
على فكرة بومريوم، المحيلان كان نشط اعلاميا منذ بدايات السبعينات. كان يقدم برنامج مع الصحافة اول المساء، يعني يمسك الجريدة ويعلق على الاخبار. بعدين قام يقدم برنامج للمشاهد مع التحية، وكان برنامج ريادي يقابل فيه الممثليين والمشاهير - اعتقد على اليوتيوب توجد بعض المشاهد منها مقابلة مع الممثل الراحل محمود المليجي. ولاننسى الافلام التسجيلية مثل فيلمه عن اريتريا. الكلام هذا كان قبل برنامجه الإذاعي بعقد من الزمان. في احد المقابلات الخاصة تكلم عن المشاكل التي واجهها من قبل من كان ماسك الإعلام ذيك الأيام ... (كح، كح، السنعوسي، كحو كح) ...
إرسال تعليق