عيدكم مبارك
مو تفسقون وايد على ابو عيد و رمضان خلص
الثلاثاء، سبتمبر 30، 2008
الأحد، سبتمبر 28، 2008
زين ...و لعنتين
ودى اعرف بس اذا كان بمتكر الدعاية أثول..المسؤول اللى وافق عليها شيطلع؟
دعاية دمها ثقيل أولا..و ما فيها ذوق
العجوز شى ماله قيمة و اذا كانت مرة فهى ممكن تتبدل بسهولة
ودى افهم وين الحس الكوميدى فيها؟
أحد يعرف الشركة المنتجة للاعلان؟ أو الكريتيف دايركتر عندهم؟
المشكلة مو جذى
المرة العودة اليد او اليدة شنو شعورهم لى شافوا الاعلان؟
----------------------
برة الموضوع
------------
برة الموضوع اللى برة
ليش المهارة ما عندهم غرف تبديل و قياس للملابس؟
شكلى كان بايخ اليوم و انا اجرب الصراويل المكسرة بوسط السوق
عيدكم مبارك و عساكم من عوادة
الخميس، سبتمبر 25، 2008
ملك المبصرين الأعمي
كان ملك النكتة السياسية بالثمانينات
قوة الرقابة و المنع فى هالفترة...قابلها جرأة بالطرح و النقد من هالشخصية المجهولة للاغلبية
محد يعرف غير ان اسمة بو ليلى او بو ليلة
يقال انة كان اعمى
بس كان علية تقليد للشخصيات السياسية النافذة بالبلد لا يعلى علية
و كان مشهور بتقليد شخص الله يرحمة:)
ما تدرى شلون الاشرطة كانت تنتشر..بس كانت توصل للكل
اختفى فجأة مثل ما ظهر فجأة
و الله الثمانينات كانت وناسة..راس مالنا مسجلة و رادو
و اذا كشخت حطيت لاسلكى
الأحد، سبتمبر 21، 2008
ملوك التدوين الاربعه
ملك التدوين بالثمانينات
كانت الكويت كلها تنطر تدوينته الصوتية
منو ما كان يسمع المحيلان؟
و اعمالة مع خالد الشيخ كانت ابداع
كان سابق عصرة بمراحل
اعتقد ان المحيلان هو اللى بدأ سالفة التدوين, و استخدام التكنلوجيا لايصال افكارة
للاسف ما قدرت احصل على تسجيلاتة بس هذا لقاء معاه بشبكة التلفزيون
الاثنين، سبتمبر 08، 2008
الأحد، سبتمبر 07، 2008
بوق عيني عينك
لانى ما استغنى عن الفضائى الصغير...
و لانة صاحب اخف طينة بين المدونين..لزمت عليه يكتب برمضان..
و هذا أول بوست رمضانى
------------------------------
------------------------------
"بقلم: ليتل اللين"
بطولة: ليتل ايلين في دور مهند
مغامرة في احدى الجمعيات التعاونية
مهند قاعد يحاسب .. وطلع الحساب و خرده .. مهند يطلع العشرين دينار العزيزه .. والمحاسب يرجـّع الباقي مع علك
مهند: حبيبي الناس صيام .. ما أبي العلك
المحساب: هذا الباقي
مهند: سبحان الله .. ومن متى قمنا نحاسب بفلوس والباقي ترجعونه لنا علك؟
المحاسب: والله مفيش خرده
مهند: جمعيه بكبرها مافيها خمسين فلس؟ .. وانا شنو ذنبي وشنو ذنب غيري اذا انتوا ماعندكم خرده؟
المحاسب: مفيش يعني اعمل إي؟
مهند: خلاص عطني 100 فلس
المحاسب: لي؟ عندك 50 فلس؟
مهند: لاماعندي .. بس اذا ماعندك 50 فلس عطني 100 فلس
المحاسب: إزاي؟ .. لأ
مهند: ليش مايصير ترد لي 100 اذا ماعندك 50 .. بس عطيتني علك بدال الباقي .. منو سمح لك انك تسوي جذي؟
المحاسب: خلاص باأه .. سماحنا فيهم
مهند (قفل وركب راسه ابليس): لا يبا مو مسموح .. ابي خمسينتي .. قوم هز طولك ودورلي 50 فلس من اي جهنم عندكم
طبعا مع الشد والمناجر .. يالنا مسؤول الجمعيه .. وبعد ماسمع اللي صار .. طالعني بنظره
المسؤول: كل هذا على 50 فلس
مهند: اي شغل الحرامية والجمبزه مو على راسي .. قاعدين توزعون علك علينا بدال الباجي؟
التفت على الكاشير ولا جدام كل محاسب فيهم .. قوطي علك
مهند: كفو والله .. علب علك عند كل محاسب .. اشكره بوق بالناس
المسؤول: لوسمحت اخوي احترم نفسك ومايحتاي هالكلام
مهند: اللي يرحم والديكم .. طلعوا خمسينتي .. ولا ردوا كل فلوسي واخذوا اغراضكم
المسؤول: طلع لي ربع دينار من جيبه وعطاني ياه كنوع من الاستهزاء
مهند (بويه عريض): اخاف بستحي وانحرج يعني
اخذت الربع مشيت .. وآخر شي عطيته حق الهندي اللي دز العربانه
المقصد من هذا كله .. شنو هالحرمنه اللي قاعد تصير عيني عينك؟ .. منو سمح للتاجر ان يتخذ خطوه مثل هذي؟ .. وين حماية المستهلك؟
الحساب فلوس .. والباقي الحساب علك؟
50 مني .. 50 من غيري .. 50 على 50 .. وعليكم الحساب
بطولة: ليتل ايلين في دور مهند
مغامرة في احدى الجمعيات التعاونية
مهند قاعد يحاسب .. وطلع الحساب و خرده .. مهند يطلع العشرين دينار العزيزه .. والمحاسب يرجـّع الباقي مع علك
مهند: حبيبي الناس صيام .. ما أبي العلك
المحساب: هذا الباقي
مهند: سبحان الله .. ومن متى قمنا نحاسب بفلوس والباقي ترجعونه لنا علك؟
المحاسب: والله مفيش خرده
مهند: جمعيه بكبرها مافيها خمسين فلس؟ .. وانا شنو ذنبي وشنو ذنب غيري اذا انتوا ماعندكم خرده؟
المحاسب: مفيش يعني اعمل إي؟
مهند: خلاص عطني 100 فلس
المحاسب: لي؟ عندك 50 فلس؟
مهند: لاماعندي .. بس اذا ماعندك 50 فلس عطني 100 فلس
المحاسب: إزاي؟ .. لأ
مهند: ليش مايصير ترد لي 100 اذا ماعندك 50 .. بس عطيتني علك بدال الباقي .. منو سمح لك انك تسوي جذي؟
المحاسب: خلاص باأه .. سماحنا فيهم
مهند (قفل وركب راسه ابليس): لا يبا مو مسموح .. ابي خمسينتي .. قوم هز طولك ودورلي 50 فلس من اي جهنم عندكم
طبعا مع الشد والمناجر .. يالنا مسؤول الجمعيه .. وبعد ماسمع اللي صار .. طالعني بنظره
المسؤول: كل هذا على 50 فلس
مهند: اي شغل الحرامية والجمبزه مو على راسي .. قاعدين توزعون علك علينا بدال الباجي؟
التفت على الكاشير ولا جدام كل محاسب فيهم .. قوطي علك
مهند: كفو والله .. علب علك عند كل محاسب .. اشكره بوق بالناس
المسؤول: لوسمحت اخوي احترم نفسك ومايحتاي هالكلام
مهند: اللي يرحم والديكم .. طلعوا خمسينتي .. ولا ردوا كل فلوسي واخذوا اغراضكم
المسؤول: طلع لي ربع دينار من جيبه وعطاني ياه كنوع من الاستهزاء
مهند (بويه عريض): اخاف بستحي وانحرج يعني
اخذت الربع مشيت .. وآخر شي عطيته حق الهندي اللي دز العربانه
المقصد من هذا كله .. شنو هالحرمنه اللي قاعد تصير عيني عينك؟ .. منو سمح للتاجر ان يتخذ خطوه مثل هذي؟ .. وين حماية المستهلك؟
الحساب فلوس .. والباقي الحساب علك؟
50 مني .. 50 من غيري .. 50 على 50 .. وعليكم الحساب
الخميس، سبتمبر 04، 2008
الأربعاء، سبتمبر 03، 2008
الاثنين، سبتمبر 01، 2008
الاشتراك في:
الرسائل (Atom)
