فى الالفين وواحد و فى بداية الحرب على افغانستان
كنا بجلسة مع صديق أفغاني
و حنا نتكلم واحد قال و الله مساكين هالافغان..
ضحك الصديق الافغانى و اهوا يمسح لحيتة..لا تقول افغانى مسكين
أمريكى اهو مسكين
طبعا احنا كلنا ضحكنا على جملتة و ما فهمنا ابعادها
اليوم و بعد سبع سنين من الحرب فى افغانستان...صج الامريكان مساكين
و بعد حادثة الهروب الكبير من السجن بين الضعف الامريكي و تخبطة فى الادارة
حول افغانستان و العراق الى مركز كبير للتدريب..بتمويل و تسليح أمريكي
طبعا هالبوست مو لمناقشة السياسة الدولية و ابعاد السياسة الامريكية بالشرق الاوسط
احنا بالكويت شنو تاثير كل هالتخبط علينا؟
ملايين الدولات تبخرت بالهوا
تلوث بنهر الفرات و دجلة و انتهاء كل هالتلوث على شواطئنا..اغلب التلوث من الجثث و المخلفات الصناعية
مع كل هل الخيوط و العناوين الكبيرة الا ان الكل مغمض
كأن الحرب فى القطب الجنوبى
يمكن لو حرب بين جوس و بويات جان انتبهنا
و لا حرب برويال حياة
و لا حرب برويال حياة
بوست دمة ثقيل بس مو منى...من الحر
هناك 15 تعليقًا:
رجاءً بومريوم
بوستك اليوم من الظواهر الدخيلة. داش علينا بالعمق
إحنا الخيشيين إشبيدنا. حتى المظاهرات ممنوعة ونروح فيها لأمن الدولة
كلامك صحيح بس يمكن خاشين روسنا بالتراب لأن ما عندنا شي نسويه
تبيني احرق اعلام؟؟؟؟؟ انا زاهب
اشر على السفاره اللي تبيها
و الله بو مريوم شوف ربعنا
كل قصية اتفه من الثانية ..الحين ام القضايا صارت .." تعريف الظواهر السلبية " بعدين يقولون شلون الكويت متأخرة
الناس تتناقش بأسعار النفط..و احنا لي الحين منع اختلاط و ظواهر سلبية .. تبيهم هالمرة يفكرون بشاللي يصير بالعراق
بوست زي الفل
ولا يهمك احد
.
.
.
الله يلعن الهردة المغشوشة
بومريوم شنو علاقة ما تفضلت فيه على الشعم بالحيشان؟
خلاصة الكلام
اشوف هالتلميحات و الكتابات الاخيرة صايرة مثل المخمليين مالوت القبس
عموما بو مريوم
الوضع نعم قابل للأنفجار باي وقت
شفنا اثارها بالسنين الاخيرة من خلال الجماعات الاسلامية المتشدده
و اخيرا تصريح الحربي اليوم في الوطن و اهو يكلم حامد العلي
لكن احتواء مشاكل الشرق الاوسط من خلال ما تفعلة تخبطات سياسةامريكا نراها فعليا بتحرك دول صنع القرار العربية و كأنها تقول امريكا حاولنا نرقع فيك و ما منك فايده
و لكن و بالاخير تلك التحركات ليست بعيب او ان تكون مشينة لأنها تحاول ترقيع الثوب العربي
لأنها بالاخير مسؤليات العرب انفسهم و العالم الاسلامي
اما في الكويت
فنحمد لله اننا شعب برغم تخبطه السياسي الفكري الا اننا لدينا وسطية الامور لاهي بالصاعد و لا هي بالنازل من خلال الافكار المستورده
اما الامور الامنية و البيئية
فردد معي
الحافظ الله يا كويت
ايه ما الومك
اليوم درجة الحرارة 44
بالظلللل
وبعدنا ما بلشنا شهر سبعه
الله يعينا عليك
اسمح لي بس ارد على بلوق عمتي
الشعم اللي بالحيشان يتغدى ويتعشى من مجاري شويخ
يعني رابي على فضلات الخيشيين والمخمليين
وكله بالنهاية يصب بمجرى واحد
وعاشت لنا الكويت
:)
ماكو سالفه
سلام
الواحد الحين اذا ما فيه سكري في ضغط و اذا ما فيه ضغط في ربو، و اذا مو ربو سرطان.....!!!؟
الحساسية و الجلدية انتشرت بعد الغزو و زادت عندنا الامراض، و الناس مطممة و لا تدري شنو السبب الصجي
و بسك نوم قوم اقعد
عندك اجتماع بعد شوي
It is a fact that the media tells us what is important and what is not. حقيقة مرة
انا اقول قول اللي فيك خل تتبطل عيوننا ولا دم ثقيل ولا شي ياحافظ!
كم دراسة انجزوها معهد الابحاث والثروه السمكيه والتقدم العلمي و...؟
بالنهاية حبيسة الادراج
العذر...؟ اسباب سياسية. طيب وارواح البشر اللي انتوا أمنتوا عليها؟!؟!
وبلاوي البيئه يا ريت بس من الشمال وامور خارجة عن ارادتنا... مصافي النفط منو اللي يراقب عليها بيئيا!؟ لا احد! والتقارير مزيفة انه لا يوجد مشاكل بيئية ولا صحية بالمناطق المجاوره لتلك المصافي.
الكذب شلون صاير!؟!
انتوا بس شوفوا الناس اللي ساكنه بالمنطقه العاشره شنو نسبة امراض معينه عندها مقارنة بباقي الديره!
نصيحه يا اخوان: اللي مقدم على طلب الاسكان وحدد اختياراته ومن ضمنهم الخيران... يغير طلبه. لو البيت ببلاش. خوفا على جيلكم القادم!
الـ لا مسؤولية بالبلد طافت الخراب ووصلت الاجرام.
criminal negligence
لا الافغان ولا امريكا المساكين
الكويت المسكينه... لا من بره ولا من داخل!
حتى الغبار ينزل معاه امراض الدنيا وهذا غير طبيعي
نصيحة دكتور: لا تطلع من البيت وبالذات الاطفال اذا منت ملزوم وقت الغبار
مساء الخير..
احنا للأسف "عمك أصمخ" من هالنواحي.. الجماعة لاهين بأشياء أهم (لظس و قمص) و متجاهلين اللي يضر/يمس الانسان وهو الأصل (باختلاف توجهه الفكري والروحاني)
حسبي الله ونعم الوكيل!!
بس هم متفاءله ان بتصير صحوه بهالبلد
حياك الله انت والحضور الكريم عندي بمحاولة لتعريف الظواهر السلبية
estech
انا بكبرى صاير ظاهرة دخيلة بالقبس و بيشوحونى برة:)
lil
سفارة الصومال:)
متفائل
خل يعرفون الظواهر ال سليبية ابرك
راعى تنكر
انت و اللة اللى زى الفل
محد رافع معنوياتى غيرك
بلوق عمتى
الشعم طلع لة راسين و عصعص من اليورانيوم
انتر كويت
شنسوى لازم نصير موسكفيين
الزين
50 و الله و مكيف البوكس خربان
اكزومبى
الناس تدرى بس شنو بيدها
ماشي قطارى
محد مضيعنا الا الميديا
كلها مصالح و علاقات و تلميع
كويتى لايعة جبدة
اخفاء الدراسات جريمة المفروض المتسسبين يتعاقبون عليها
بس نوابنا فالحين بالمال العام و المال العام
الحقيقة المرة ان الفساد الادارى بكل مكان باعالم و المفروض ما يطغى على قضايا أهم
يمكن تبدو صغيرة بس وراها ارواح قاعد تموت و تتشوة
نوابنا الافاضل يشوفون قضايا البيئة انها قضايا المرفهين و اللى ما عندهم شغل
كاتالينا
الامل فينا احنا
إرسال تعليق