الأربعاء، فبراير 20، 2008

مشاكل الحياة اليومية المستعصية على الفهم و الحل


أمس مار الوالدة..أتسلف منها
كالعادة كل نص شهر

و لا مسوية ذيك الدلة...بيرفكت كومبنيشن اوف مسمار اند هيل

المهم..خذيت الدلة معاى مع فنيال حق الدرب..
يوم ركبت السيارة..المعضلة
وين احد الفنيال؟
الدلة على الكشن يمى و رابطها بالحزام..الفنيال مشكلة

ليش السيارات ما فيهم فنيال هولدر؟
بدال المج هولدر اللى محد يستخدمة المفروض شركات السيارات تراعى عاداتنا و تقاليدنا و خصوصية المنطقة و تحط فنيال هولدر..
و الفل اوبشن يكون فيها ملة هولدر...حق ملة التمر...

و تكمل اذا بطلت الفنيال هولدر يطلع لك صوت يقول سممممممم

انا دزيت اليوم ايميل حق شركة تيوتا و مرسيدس و بى ام لدراسة المقترح

هناك 6 تعليقات:

LiL ALiEN يقول...

الله يخلي لك الوالده ان شاء الله ويطول بعمرها


افكارك ناجحه .. بس للأسف محد مقدر المخ الجهنمي اللي عندك


على طاري القهوه والفنيال

مره قعدت مع شباب ماعرفهم .. راعي الدوانيه صب لي فنيال قهوه .. اخذته منه وطقيت فنيالي بفنيال اللي يمي وقتله "تشيــرز" .. ورفعت الفنيال لي فوق وصرخت "تشيـرز" شباب بصحتكم .. مامداني اشرب ولا اشوف الجو غبار


ليش؟ شسالفه؟

joy يقول...

تفداك روحي

انا كلله احطه بالمج هولدر وتعلق صبعي


الحل:
احط القهوة بقلاص أو ابمج الاقهوة الامريكية

تحياتي وسلامي لخالتي

moodless يقول...

احييك على هذا الاقتراح
وانا بدوري راح اراسل شركات هونداي ونيسان و مازدا كونهم الاقرب الى قلبي :)

بالمناسبة
صارلي اسابيع ادور واسطة تعزمني على مدونتك.. ما لقيت

بعثرة مشاعر يقول...

أهم شي ملّه هولدر
لوووول

خوش اقتراحات والله

Q8Disaster يقول...

لووووول

والله معاك حقك

هاذي عنصريه اشلون يسون مغ هولدر وماكو فنيال هولدر

بومريوم يقول...

lil
الله يسلمك
أحمد ربك ما ذبحوك...هذى فيها قبايل

joy
شكرا

العزيز مودليس
انت من أول الناس اللى دزيت لهم دعوة:)
تاكد من ايميلك

بعثرة مشاعر
:)


Q8Disaster
و نبى دلة هولد عشان تكمل