مشاكل الحياة اليومية المستعصية على الفهم و الحل

أمس مار الوالدة..أتسلف منها
كالعادة كل نص شهر

و لا مسوية ذيك الدلة...بيرفكت كومبنيشن اوف مسمار اند هيل

المهم..خذيت الدلة معاى مع فنيال حق الدرب..
يوم ركبت السيارة..المعضلة
وين احد الفنيال؟
الدلة على الكشن يمى و رابطها بالحزام..الفنيال مشكلة

ليش السيارات ما فيهم فنيال هولدر؟
بدال المج هولدر اللى محد يستخدمة المفروض شركات السيارات تراعى عاداتنا و تقاليدنا و خصوصية المنطقة و تحط فنيال هولدر..
و الفل اوبشن يكون فيها ملة هولدر...حق ملة التمر...

و تكمل اذا بطلت الفنيال هولدر يطلع لك صوت يقول سممممممم

انا دزيت اليوم ايميل حق شركة تيوتا و مرسيدس و بى ام لدراسة المقترح

و العمل على جعل سياراتهم ملائمة أكثر للمنطقة و عاداتها