فى قانون يمنع تربية الحيوانات فى المناطق السكنية؟
جاري حاط لة صخلتين..و اربع مناحل يم بيتهم..
يارى الثانى مربي دياى..كل يوم لى دشيت الفريج احس انى بالفيوم..
دياى يتمشى بالشارع..ناقص بس أم سيد تبسط و جدامها بيض
احلى شى بالليل..لى قاموا دياجة الفريج يردون على بعض
المشكلة مو جذى..
مريوم يايتلى أمس
يبا...
نعم
..احنا ليش ما نشتري بقرة؟
و نحطها بالحوش عشان الحليب
ما تبين فيل صغير بعد؟
يبا..كا يارنا حاااط صغول حق الحليب..و نحل حق العسل شمعني احنا؟
ليش الناس تربي حيوانات ببيوتها؟
أكتفاء ذاتي مثلا؟
--------------------------------
برة الموضوع
بذمتكم ما يتشابهون؟
برة الموضوع
بذمتكم ما يتشابهون؟
ديميس روسس
ديميس مو روسس
هناك 20 تعليقًا:
ههههه حيالله هالعودة الميمونة
مع انني مسخن ومصدع ونصف نايم بس لقيت شي يخليني ابتسم بعد الاكتئاب اليومي من قراءة الجرايد!
لا تقاطع يا فلان
اخوان بالرضاعة
هـء هـء هـء
فيه منه
بس عاد هذا المقولة تنعكس ، الكويتي مو أنفع
اشترلها بقره عن البخل
;p
اشتر لها قطوة
الحمد لله على السلامة،
إذا هذول رعيانكم اللي صورتهم باللنك مال الصخول، يحق لهم يحطون اللي يبون...
أما عن أوجه الشبه بين الوجهين ، فواحد منهم عيونه مثل اللي مستنشق دخان كيلو حرمل، أو أفيون أفغاني، والعياذ بالله. ماني قايل لك أي واحد منهم.
انزين انت حاط موضوع صخول ودياي وحاط صورتين تحت .. منو الصخله ومنو الديايه؟
صديقي بومريوم
جاري الله اسلمه حاط له قفص في 5 بربريات (وحشاك) كلب للحراسه .. كل يوم وانا راجع البيت اسمع تبنبع ونباح .. اقول حق ام العيال لو ساكنين بجاخور مو وايد ابرك لنا
صاحبك ما يبيع الديك اللي على قميصه؟
صاحبنا طلع حاط ديك على قميصه
عيل خلاص هذا طلع الديايه
والثاني بعد مايبيله
ضحكتني سالفة ام سيد
حتى احنا اول ماتدش الفريج الدياي يتخطرفون جدامك
ذبحونا
انزين احنا عندنا بالبيت سمج زينه .. عادي ولا ممنوع بعد؟ (:
---
بس الصراحه حده يتشابهون لوووووووول
ليتل إليان نيتك دوم شينه (:
العزيز مود ليس
الله يحييك:)
ما تشوف شر و ان شاء الله دوم مبتسم:)
ما اقدر اقاطع
فتى الجبل
منو؟
الصخلة و ديميس روسس؟
و لا الصخلة و يارى؟
esetch
يقولون صوتة حلو عاد تصدق
تخيل عاد يغنى فار اوىىى
حمودى
اشتر لها انت:)
زين وين احصل بقرة مستعملة؟
مطقوق
يصير نحلب القطوة؟؟؟
عبالة
شرقاوى
الله يسلمك..
هذول اجكر الرعيان على فكرة
ماكو شبهة يعنى؟
اللين
المشكلة هذى منتشرة بالعاصمة
يقولك النزهة متروسة مينى جواخير جدام البيوت
حلم جميل
يريت صاحبى:)
يعقوبوو
ان شاء الله دوم تضحك
اذا سمجكم يقول يهوهو اكيد ممنوع
شفيك تنقز بأهل النزهة.....؟!؟
كل هذا علشان تونا ساكنين هناك.....؟!؟
و على الحيوانات كان لنا جار مصرقع قاط خرفانه هدد بالشارع، و خرفانه هذول قلبوا ثيران، و قاموا ينطحون السيايير و يصعدون فوقها و يدرعمون البيوت، و كانو مضايقين الكل، و كل ما اشتكوا له الناس كان يقول ما عنده ياخور يحطهم فيه، لغاية ما الوالد الله يطول بعمره لقى لهم خوش حل بعيد اللحم، و سبحان الله اختفوا الخرفان من اول يوم بالعيد و لا سمعنا عنهم مرة ثانية، بس اذكر انه كلينا جبدة لين قلنا بس......!!!؟
يمدحون لحم التيوس
ينفع بالدينار الاردني و لا لا.....؟!؟
بومريوم
شوفلك صرفة بهالحال..مايصير ياخي عين وصابتك..منت مترقع لام من جيره ولا من ناس تصلي يمك ولا من مواقف بايخه تصيرلك..اتوقع لو تجمع هالمواقف في فلم كوميدي بيطلع اقوى من فلم مستر بين
اكزومبي
طلعت من سكان النزهة؟
لا يكون انجلش سكول بعد؟
بحاول اليوم استدرج الصخول..
و باجر الغدا مندى
كركوتا
عاش من شافك
كان فى مشروع كتاب بس فشل..
و حاولت أكلم وحدة من الجرايد يعطوني صفحة اسبوعية...و هم مسكوني الباب
خيشي ماكو فايدة..
ما لنا الا طوف المدارس نعبر عن اللى بداخلنا
الله يعز جوجل بس:)
روسس أحلى وايد
ترى الصور مو بره الموضوع .. الأول أكو دجاجة على قميصه و الثاني ثور
إرسال تعليق