الخميس، أكتوبر 04، 2007

جبدى منبطة

انا لى اللحين منبطة جبدى على سالفة ال11 مليون دعم الاعلاف
11 مليون راح تنزل بعر يكرم القارئ
شلون ممكن 11 مليون تسوى فرق و تحسن حياة ناس وايد؟
شنو ممكن تشترى هال11 مليون بدال الشعير و الجت للبهايم؟


1-400000 جهاز لفحص السكر و توزيعها على المرضي "على اعتبار ان سعر الجهاز 28 دينار"

2-36666 جهاز كمبيوتر و توزيعها على رياض الاطفال بدل الاجهزة القديمة و اللى ما تشتغل أصلا الموجودة اللحين"الجهاز اللى بروضة حمود من السنة الماضية خربان و لى اللحين ما تصلح

3-11 مليون علبة بندول أكسترا اصلى للمستوصفات بدل البندول الاماراتى اللى جنة برميت و كون البندول هو العلاج الرسمى لوزارة الصحة

4-دعم 110 مشروع للشباب ب 100 الف لكل مشروع..بدل القروض و الفوايد

5-دعم ليتل اللين لانتاج فلمة الاول"بس يابحر بارت تو"


11 مليون لو صرفت صح ممكن تحدث فرق لآلاف الاشخاص و ممكن تكون بعر


هناك 12 تعليقًا:

Oryx يقول...

Hatha enta over 11 mil 9ar fik chethy, what will you do when you know that this years surplus is over 17 Billion KD?!?!?!?!

Diver يقول...

الي يفكر نفسك مو قاعد يفكر بنفسه بس قاعد يفكر بالناس و الصح

بس الربع ودي اعرف شلون يفكرون

تدري شنو ودي يصير عندي القدرة ابطل راس الي ابي
و بس اطل فيه اعرف شلون يفكر
و كل يوم وزير و لا واحد من البلاية مبطل راسة و طال فيه

بس خايف من لزواع لان مخوخهم مصينه

Shurouq يقول...

صح لسانك بو مريوم وسلامة جبدك

LiL ALiEN يقول...

فيلمي اسمه "بس يابقر" .. وراح يكون رساله موجهه للي مادري شلون يفكرون عندنا

moodless يقول...

جبدي ما بقى فيها شي ينبط.. ولكن اواسيك على حال جبدك من هال11 مليون

الوصف اللى عاجبني هاليومين حق حال هالحالات من الدعم والهبات والتبرعات اللي كلها في غير محلها...
- دلاخة بلا مثيل

عمت مساءا وعظم الله اجركم بالتفكير السليم.. وافته المنية منذ مبطي

Mohammad Al-Yousifi يقول...

المشكلة مو بالفلوس , المشكلة بصرفها

اهي لو رادة عالفللوس الجماعة قادرين يسوون كل اللي قلته و زيادة

بس مو مشتهين

غير معرف يقول...

والمنتخب وغيره وغيره بس اخ شتقول

..... الفنطـــاس يقول...

مو هذا الي قلناه ولحين نقوله...ان انجازات الحكومه اليوميه هي زيادة حرق اعصاب امواطن

ووصلنا انه قمنا نحتر هم من الدبش!!!!
ودعم البشر ماميش
الله المستعان وهذول ربعنا حكرناهم بمطالبناتنا لتحويل الدعم لداخل البلاد....جدموا الدبش على المواطن
او بالاصح يمكن معتبرينا دبش بعد :/

esetch يقول...

بومريوم

عاد إحنا هم نبيهم يدعمون الخرفان والصخول (أعزكم الله) وإلا تشريبنا راح يكون خبز ومرق هوا طال عمرك

شرقاوي يقول...

وراك منقهر يا بو مريوم؟

رز لك عريش بربعة من الحوش، و حط عنز،

و بهذا نتساوى أمام القانون.

صخلة في كل حوش، ولنساهم في ازدياد الرعي و المرعى، و ما بالعيب تصير نيوزيلاندة احسن منا...

بومريوم يقول...

oryx
انا منبطة جبدى على سؤ التصرف بالمبلغ مو علي كبر المبلغ

دايفر
يبيلنا مجلس حكماء لمراقبة الصرف

شروق
الله يسلمك

lil
لا بالله حصلت دعم عيل

moodless
عاش من شافك:)
شلونك؟
كل اللى نحتاجة رؤية و قرار

مطقوق
هذا اللى انا اقولة
وين تروح الفلوس

حمودي
اذا رادةة على المنتخب ..لا الشعير اولي:)

الفنطاس
ليتنا صرنا دبش
تدرى ليش؟
الدبش تخصص لهم جواخير بسرعة
الدبش انمد لهم طريق بكبد قبل جنوب السرة
الدبش أكلهم مدعوم
شرايك؟

estech
انا بطلت آكل تشريب لحم هالرمضانية
قاعد اجرب تشريبات يديدة

شرقاوى
تدرى شلون
انا بقعد تحت العريش و بحط الدبش داخل البيت
جود يحوشنا من هالدعم شي:)

Nooni يقول...

who said il 3alaf yantij 3alaf?!!

it makes Beer, it makes good soil ... it make places greener..

BTW il beer aham min il sokar