مو مهم تسقط الحكومة أو تستمر....مو مهم امريكا تضرب ايران او ما تضربها
مو مهم يعطونا زيادة خمسين او يهونون
كلها أمور هامشية..تتوارى خجلا خلف عظم المصيبة
و الكارثة اللى راح تحل علينا
ليش؟
شلون بنام الظهر بعد اللبن؟
تلك الطقوس الموغلة بالقدم..نومة الظهر بعد ضرب الاخماس فى صحن العيش
الا المجبوس
قطع الاعناق و لا قطع الاعياش
لازم الحكومة تشكل مجلس لادارة الازمة
موعدنا اليوم أمام السفارة الهندية
عبر عن أحتجاجك و رفضك
---------------------------
تكفة يا بن كومار البسمتى لا تمنعونة ...لكم يرخص الدينار و المليون لو تطلبونة
لا تحدونا على الستيك و اكلة الصمونة...مجبوسنا نرعاه مثل طفل يحامونة
تتشكل حكومات و تسقط حكومة ...بس دقوسنا و العيش لا تلمسونة
نووى ايران ماهز شعرة من اجسامنا المصونة...بس خبر هالعيش سيل الدمع من العين المحزونة
طوال الشوارب ليل و نهار يطلبونة ...مثل الحليب للرضيع اللى ما يفطمونة
وسلامتكم
هناك 17 تعليقًا:
9a6 el sanik :D walla o e6la3at el mawaheb!! Enta 7ag el tashreyb ma ‘3arrad_t chethy?!!??!
Ana 9ij mo ra3yat 3yesh, bs ra7 a’9em 9oty weyak!!
إلا العيش إلا العيش
أصلو عدنا غيره ما فيش
بو مريوم
تخيل المجبوس
بعيش مصري
مريييييييييييس
ما ابي اتخيل هاللحظه
زين لا تحاتون يا جماعة السالفة مؤقتة بسبب الفيضان لووول
نسوى عقود عمل للنواب يروحون هناك و ينظمون السالفة و ماكو الا كل خير
الله يهدانا وياك بس ,حجي...يقولون لك.
non-basmati
يعني إحنا لي الحين في التمام وأنا أقدر اروح حق "محماس" وأطيح له ضرب بالمبطبق والمربين لغاية ما أجحل فيهم
بس ما ألومك...صحيح إن أنا وياك ما نتشارك في حبنا للتشريب بس العيش...على قولة تامر حسني...هو ده! لول
مشكور وما تقصر عالعيدية, الله يزيدك ويعطيك وبيت مكة يوديك
صح لسانك بومريوم
بس انا معاهم خل يمنعون كل انواع العيوش لمدة 5 سنوات، رجيم اجباري لكافة الشعب
وخطة خمسية لمعالجة ارتفاع نسبة السمنة بالكويت
ارجووك لاتروج اشاعات خطيرة مثل هذي .. انت قاعد تعبث بالامن القومي
تشريب طول السنة موبس رمضان
نقطع عنهم النفط
يقطعون عنا العيش .. نوقف اقامات الهنود ونبدي نسفّرهم
نسيت شغله عن التجمع
اللبس فيله علاق ووزار .. والشعر كله دهن .. ولبس البنات لازم ساري .. ولازم كل واحد اييب هندي معاه ويحرقه جدام السفارة
من اليوم باكل عيش الى من اطق واموت ولا اشوف هذاك اليوم ،
شوف لنا حمله يابومريوم
هيا بنا نزرع عيش
نبي حل
بكره الصوت بخيشة عيش بدال جناط قوتشى :)
someday
القضية قضية وطن يبون يركعونة
estech
ملاحظة
نشرب نشا بقلاس احسن
حمودي
و لا انا
لحظة صعبة و مرعبة
براقش
المشكلة ان الارتفاع راح يظل حتى لو نزلت الاسعار العالمية
ezain_kilah
me know english
اعرف انجليزى ترى
ارتفاع الغير بسمتي ياثر على البسمتى لان ميزان التصدير راح يختل
Unbreakable Girم
و احنا شناكل بالله؟
مو شي مجبوس بشاميل
Bad-Ran
ياريت تصبح اشاعة
مطقوق
فى واحد من الوزاراء مقترح هالشي
بس ما نبى نصعد الامور
LiL ALiEN
شرايك نفجر سفارتهم احسن؟
يا جماعه لا تخلون عيش التموين....صج ان ماينوكل بس خشوه...راح تييكم سنة الهيلق الصغرى
و ناكل مجبوس عيش تموين بلحم قطاوه
لول إنزين يبا آسفين مو قصدي إن
u dnt know english
على قولتك...وفعلاً هالنقطة إن الإرتفاع بسعر سلعة راح يأثر على غيرها طافتني
أكرر إعتذاري
ذكروني بناس قالوا نبي نمنع النفط عن امريكا و مادري اشصار لهم
كلوها على دماغهم؟؟
بس اتوقع بني كومار اقوى من ربع النفط ،، على الاقل ديرة وحده و على قلب واحد
إرسال تعليق