الخميس، سبتمبر 06، 2007

احلام الفتى الطائر



أمس و انا اتصفح الجريدة..انصدمت بالتالي
تهقون الفكرة من البلوج؟
اذا كانت صج من وحي البوست..أقدم أعتذارى لكل الخيشيين
طبعا الاحتمال الصغير ان الفكرة من وحي البوست
و الاحتمال الاكبر ان الفكرة وردت للاخرين
بس كان ممكن تكون أحسن و أقوى
جد اذا فى أحد ممكن يوصل للشايع
عندي أفكار وايد أقوى من هذى و قابلة للتطبيق
اللى ممكن يوصلنى يدز لى ايميل..جد مو دقة
مالنا خلك دقات
بس تبى ممول بس أحلي شى هذى





لا و ابشركم...
الدرزن بدينارين
السؤال
الشعارين ما فيهم شبهه؟




هناك 16 تعليقًا:

Nooni يقول...

اي والله طالع!!
انا عبالي ماخذين الفكره من اخوي
شكله من بلوجك!

شفت اقولك اتنقط مشاريع بس مو فاطن عليهم :)

غير معرف يقول...

ارفع قضية حقوق ملكية وطالب تعويض مبدئي 5001 دينار

Bad-Ran يقول...

انا اييد الانونمس .. بينك وبينهم المحاكم

ملاحـظـة يقول...

اولا صدقت نبوءة اكسبايرد في البوست القديم

بو مريوم تدري ليش الخيشي خيشي؟؟

لانه افكاره ببلاش و يطرحها للعامه
في مسائل مثل هذي استحسان العامة ما يوكل عيش

ولكن البيع على الخاصه اهو اللي ينقل من خيشي لي مخملي

Mohammad Al-Yousifi يقول...

ما اعتقد الشايع يبوقون أفكار , بس احتمال واحد من هالليبنانيين اللي يشتغلون عندهم ماخذ الفكرة

لأنه فعلا في تشابه بين تصميم شعارك و شعارهم

و مبروك على الصلح بين شرار و السعيد

واسطتك مو هينة

KQ8 يقول...

انت مسجل شعارك على انه علامه تجارية اذا مومسلجه..ماراح تشوف فلس حمر

Shurouq يقول...

بو مريوم آنا أذكر إني خليت تعليق على موضوع الدرابيل وقلت لك اخذ الموضوع جد بس انت تأخرت وكاهم سبقوك

بس ما زلت أقول انت غير.. أفكارك جديدة وفيها حس كوميدي محلي مو موجود في دعاية السمبوسة أو غيرها



والله لو عندي فلوس والا بيزنس جان استفدت من طاقاتك

Mr_CHoCoLaTe يقول...

لا ما اعتقد بو مريوم ماخذين شعارك

لأن هالمحل موجود قبل بوستك اعتقد

لا تخاف انا مو من عيال الشايع هي هي

بس حبيت اوضح

تبي تتأكد روح المحل موجود بالمارينا

و شوف التراخيص أي تاريخ طلعت و قارنها مع تاريخ بوستك

او روح التسجيل التجاري بوزارة التجاره الدور الأول

في مجمع الوزارات

هناك عندهم كل العلامات التجاريه المسجله و متى تسجلت

على فكره تسجيل علامه تجاريه يستغرق على الأقل 4 أشهر

تيك كير

باي باي

بومريوم يقول...

للتوضيح بس
انا ما اتهم أحد بسرقة الفكرة
الاحتمال الاكبر ان يكون توارد خواطر
الهدف بصريح العبارة اني ابي اعرض بعض الافكار للشايع
ممكن تنجح و فيها النفس المطلوب لهم
--------------

juddy
اخوك يبيع سنبوسة؟

انونمس
القضية مو هذى

bad-ran
ما ابى محاكم
ابي اعرض افكارى

ملاحظة
و انا وين انتقل و ليل رفيجى
خيشي يسحب خيشي

KM
و انا اقول جذى
توارد خواطر

بعدين من قالك اكو صلح؟
بروح حق شرار انام براسة

كركوتا
مسجلة

شروق
مشكورة
أحرجتينى:)

Mr_CHoCoLaTe
اذا انت مو الشايع أكيد انت اللبنانى اللى مصمم الشعار:)

مثل ما قلت
انا ما اتهم احد بالسرقة

Sowhat يقول...

يالله على الأقل بنلاقى احد يسوق لنا الفنيلة التشريبية :)


افكارك روعة و دمها خفيف يابومريوم فموغريبة لو احد باقها وانت حاطها هدد جذي

اصلا كل ما افتح صفحتك تنقزلي من الشاشة فكرة و لا اثنين

LiL ALiEN يقول...

وانت ليلحين تسوي دعاية حق محلاتك؟

وبعدين تعال .. في الف تاجر وتاجر بالكويت .. ومليون واحد عنده سيوله مالية .. شمعنه بتعرض افكارك على الشايع؟


جذي تخليني اطق بريك قوي وابتدي افكر جديا بكل خطوه اخطيها معاك .. افكارك ماتبشر بالخير

Mr_CHoCoLaTe يقول...

شو يا زلمه !

هههههههه

تدري اشلون انقط قطيه و نفتح لنا مصينيع (يعني تصغير مصنع) صغير

علشان نسوي فكرة الدرابيل قبل لا تنباق

اشرايك ؟

و لا ليش ما تروح المشروعات الصغيره

غير معرف يقول...

بو مريوم شوف إستفتاء الوطن اليوم راح إيووز لك :

الدندرمه .. هل هي:
شراب الشعير الآيس كريم مفك للبراغي

LAVENDER.Q8 يقول...

لازم تسجل شغلك بوزارة التجارة

Nooni يقول...

لول لا يبيع سبنوسه :)

لا بس كانت فكره قالها لي عن محل بس سمبوسه و العلب مثلثه و اشياء جذي فلما شفناها بمرينا انصدمنا

بومريوم يقول...

sowhat
لا فنايل التشريب الشايع اخذ وكالتهم حصريا
و مشكور على الاطراء الحلو:)

lil
ارد و اقول
دام انت رفيجي وين الله بوفقنى؟
بعدين مو الا الشايع...اى واحد
المهم تظهر فكرة التشريب المعلب الى النور

مسترشوكليت
لا يبا
انت ينخاف منك:)

لافندر كيو ايت
معظم الشغل مسجل
كشعار

جودي
قولى بعد فكرة التشريب المعلب مالتكم؟