امس فى مكان ما...
واقف أنتظر الاصنصير...فى ناس وراى
أسمع واحد يتكلم..بلكنة أمريكيية
in which floor is yooour mother?
فى شى غريب..كانة بيسمع الكل...بس ما حطيت ببالى
شوى يرجع يكرر نفس السؤال...
in which floor is yooour mother?
..صمت...شوى و لا صوت خايس
يباااااااااا أمى أى طااابق
التفت و لا الشخص لابس غترة و عقال..
طلع كويتى
زين درينا عيالك انجلش سكوول..
ما لة داعى المكان كلة يعرفون
-------------------------
تحديث: فى فايروس منتشر هالايام..لما تفتح الهارددسك من ماى كمبيوتر يعطيك رساله
cant find copt.exe
لازالة الفايروس ركب هالباتش
هناك 14 تعليقًا:
لكويتيين يونسون يحبون التمشحط
و كله على الهبني
ياما جاب الغراب لامه!
تصدق ذكرتني، صارلي كذا يوم اشوف كتاب على رف عالي، ودي اييب السلم وانزله. الكتاب هو "البحث عن الذات" للرئيس المصري الراحل محمد انور السادات - بس النسخة العربية والتي لم اطلع عليها من قبل
ويوم انك بيكلم عياله بالعنكريزي جدام الناس، على الأقل خل يتكلم عدل
فيه بنات حولكم؟؟
اضم صوتي لاخوي
krakatoa
في بنات ؟
و الله يا بو مريوم
يا شين السرج على البقر
عرفولهم جم كلمة شافوا جم مسلسل لازم
يمشون مشية الغراب
و احنا انجلش سكول و انتوا التخلف
و حق الهارد ديسك
انا تطلعلي شغلة مكتوب rose ??
همن اركب نفس الشي ولا شووو ؟؟
و تحياتي عزيزي
ألحين ثلاث ترباع الكويت يكلمون عيالهم بالانجليزي تقول دافنيين سرهم بأمريكا
لا و الي يحر الكلام كله غلط
grammar wise
الي يبي يتكلم انجليزي كيفه بس عالقليله اذا اعيالكم مممممييييييييح بالعربي خلهم يتكلمون انجليزي عدل
:P
lol
"المركز الصيفي للجان جاويد"
ليش اسهل كلمات يحفظها الواحد هي الشتم والسب وبدون جهد
يعني مثلا انا اقدر اسب بسبع لغات بطلاقه
بس اتحجى وحده
شحاطتنا مثل نحاستنا. يضرب بهم المثل.
هاك هالسالفة. سمعتها من بحرية كويتيين كانوا طارحين في ميناء كاليكوت.
ما وعوا إلا واحد من ربعهم زانط حمالي من أهل النيبار. و الكويتي يصرخ على الهندي "لامبا و تشميخ كارتاهيه".
عقب ما فاككوهم. لا الهندي عرف شقال له الكويتي، و لا ربعه الكويتيين عرفوا شقال. كل اللي عرفوه إن البحري كاسر الحمالي، و ما اتفقوا على السعر.
لما سألوا رفيجهم شكان يصرخ فيه على الحمالي
قال لهم "قلت له: طالت و شمخت".
البحري توه متعلم كم كلمة هندية.
مو شرط يكون إنجلش سكول
تلقاه متابع
mbc-4
و متلقن جم كلمة من هالمسلسلات
كروكودايل
diver
زين احنا شكو يتشيحط على روسنا
demon
خوش كتاب
zaydoun
شكلة ماكان انجلش سكول
كركوتا
ما ادرى و الله...انا ما ارفع عينى عن الارض
نيو
هم ما ادرى...
انا خجول و ما اتلفت ابد
متفائل
ما ادرى و الله..بس جرب الباتش
وردة
انا ما اعرف انجليزى
شروق
وييه تو الناس
بنغيرها اللحين
كبر راسك انت و الشلة بعد ما طلعتوا بالتلفزيون
ناصر
لان السب لغة دولية
شرقاوى
ساس فينا التشيحط
سؤال...ليش هالسوالف الحلوة ما تحطها بمدونتك؟
يا اخى ردودك كلها تستاهل تصير بوستات
عيزت و انا امر و لى اللحين ماكو بوستات:)
حسام
و الله يمكن..اللكنة كان فيها شى غريب
وكيح
كروكودايل انت
يا كثرهم اللى من هالنوعية
وبصراحة
حلوة الثقافة والحجي بالانكليزي
لكن ان وصل لمرحلة " التشيحط " يعتبر تخلف
إرسال تعليق