بوست قديم من جرافيكا طرى على اليوم...
----------------------------------
تخيلى لو زميلك بالعمل داش عليك الصبح, لابس بشت و غتره منشيه و عقال شطفه
شيكون موقفك؟
أكيد منظره بيكون شاذ..يضحك..غريب
نفس الشى أحنا نحس فيه لى شفناكم الصبح مداومين فل ميك آب و كعب 50 سم..و بدلة عرس و حجاب يشب ليتات
يعنى الواحد يقوم الصبح ماله خلق يغسل ويهه ..
و أنتوا ما شاء الله عليكم جفون ثلاث الوان
كريم أساس 20 سم لين تختفى ملامح الويه
و بدلة عرس
و حجاب متروس ريش طاووس
عفيه خلق
الله يخليكم أرحمونا
انا أقترح نسوى أسبوع الكشخه..و كلنا نداوم ببشوت
انا اليوم قلت بسوى تجربه و بداوم ببشت و غتره مع البلسوت
بشوف رد فعل السيدات اللى معانا بالدوام
هناك 16 تعليقًا:
يبدو أنك تعمل بوظيفة حكومية
لأن هالمناظر عندي تشبع منها حاليا من مرحلة دخول المبنى ومن ثم المصعد وأحيانا لما افتر على الادارات
تعليق آخر: دافعين من رواتبكم سعر مكياجهم؟... كل واحد حر بأشيائه
اذكر هذا البوست افتر بالايميلات
وبعدين انت شفيك متناقض؟ يوم كتبت عن الاستقبالات .. وقفت ضدي ورفعت الحريم فوق .. وسويتهم يادهينه لاتنكتين والحين مناشبهم على مكياجهم .. خلهم يحطون مكياج .. على الاقل فترة الشغل مانجابل الجكر
ملاحظه: اسمحلي ما اقدر افزع لك هني .. لأني ماحب اطيح بلسان وحده .. لكن كل اللي اقدر اسويه اني اتشمت فيك .. ويك ويك زفته اسيل
LooL
i agree with you 100%
i think most of the girls don't know what is appropriate to wear in the morning
لابشت ولاهم يحزنون. اخذ وياك سنو بلووير
اي و الله يا بو مريوم انا معاك
باداوم ببشت بس شغل عدل البشت و الله تصدق روحك بعدين
ما تشوف كل وحدة تتمكيج عبالها مول و اهي اللهم يا كافي !!
بومريوم، بس لا تلبس ربطة عنق.
قبل كم يوم أصدر رئيس نقابة الحلاقين في طهران، محمد افتخاري فرد، تعميم على كل الحلاقين يأمرهم بعدم لبس ربطات عنق. و يمنعهم من تشذيب حواجب العملاء.
ـــــــ
ترى ولهنا على ابتسامة القصري، وملينا من شيفة استيفان روستي المتنح.
ــــ
على فكرة، عندي لك مسالة من نوع عد على أصابعك، و قط نصهم بحر...بس أخاف تصير طفارة. ...
مرات أفكر اداوم مفصخ
وادش على المدير
تهقى يعطيني اجازة شهر 6و7و8
والله مابي شي غيرها
اللي تلقاها جذي كاشخة اعرف انها متوقعة واحد ايي يشوفها
سوالف خطبة سرية يقصون عليه يقولوله روح شوفها بالدوام على طبييعتها
لوول
ما اقول الا لا حول ولا قوة الا بالله
والله يكون بعونكم على هالشكال
انا وحده ما استحمل اشوف جذى
اكتئب وايد....ما ادرى انا محافظه
وابى البنات يسون مثلى....طبعا هذا
ما يصير,,,,,,هذا دور الاهل فى الاول
والاخير......ء
مكياج الكويتيات مال
darag queens
الي ما اقدر استوعبه الظل الي يحطونه الصبح
متى يقعدون من النوم؟
اسمح لي ...ماكو ذوق و الي يدافع عنهم
هم ماكو ذوق
ليل ايلين طلعت جبان حدك
الي يحر انهم يشينننووون نفسهم أكثر
I sometimes look at them and ask myself "did she see her face in the mirror before leaving the house?" ...it's a bit scary sometimes !!!
they don't understand whats suitable for work/mornings/weddings/shopping
it's all the same to them !!!!!
و بعدين لا تداوم ببشت و تبطل علينا بيبان مسكره
!!!!!!!!!
aseeel
read the post again to see what i mean
يبتيلنا الكلام
lil
ماشى ماشى
طلعت شسمة
lialy
thats the point:)
demon
تذكر:)
متفائل
بشت وردى و فية زرى
شرقاوى
غيرنا الصورة عشانك
هات الحسبة
ناصر
لا لا تتهور
انصحك بشت و تحتحة ملابس داخلية
اذا قال لا تسوى استربتيز
مطقوق
الرجاء الالتزام بالموضوع و عدم التشتيت
بنت الشامية
هذا دور الذوق و الله
mayodemayo
يقولون فى صالونات تفتح بالاربع الفير
ورده
يعنى انتوا تداومون بملابس سهرة عادى؟
بومريوم: شلون ما آذكر! ايامها كانت بداياتي بالتدوين - يعني نعومة اظافري التدوينية.
البنك الوطني يطلق حملته الجديدة: يبيله تاكسيدو :-/
اتصدق اتذكر هالبوست و اتذكر اني علقت عليه بس ناسي شقلت بس على العموم حلو من وقت لي و قت تطلع لنا هالبوستات الحلوه
على سالفة قعدت الصبح انا ما اشوف نفسي عدل الا بعد ما اوصل الدوام بساعة ساعتين يالله استوعب عاد شوف دلاغ ازرق و الثاني اسود و لا الدشداشة معفسه و لا دشداشة الدوانية
اما البنات ما شاء الله عليهم يقعدون من صباح الله خير يتمكيجون و لا مرة سمعنا وحدة بطعت عين نفسها عفية تركيز
و كل هلاتعب و بالاخير انت ميت قبلها و ارملة فلان
على قولة زميلتي ام دم شربات
NY Chick
"حاطين كيلو مكياج طحين كيك"
الخميس اللي طاف وانا أتمشى في الأفنيوز - أول مرة أدخله - لاحظت ان محلات المكياج زايدة والحريم ماشاءالله عليهم يشترون بالدرازن
ما يخالف، عليهم بالعافية.. بس ليش لما يرجعون البيت ما يحطونه على ويوههم بعقل وذوق؟؟ كل وحدة تقول مكياجها من أصباغ همبل وعندها مقاول وصباغين يشتغلون عليها كل يوم الصبح
إرسال تعليق