الأربعاء، فبراير 14، 2007

دب لابس وزار أحمر





كتب يحيى عبد الرحيم:يتواصل برنامج «نغم الصباح» صباح اليوم الاربعاء لمدة ثلاث ساعات في حلقة استثنائية عبر اثير محطة «المارينا أف أم F.M» بمناسبة عيد الحب «الفالنتاين» ويحرص فريق العمل على تقديم العديد من المفاجآت للمستمعين وهو من تقديم حنان الحسن وأسامة فودة والاخراج لضياء المساعيد. يبث البرنامج بداية من الساعة السابعة صباحاً.

-----------------------------------------------------------------


من أمس ذبحونا المرينا أف أم,فالنتاين و فالنتاين..

ايمان نجم ساحت امس على المايكروفون"قمة الرومانسية يعنى

ألاغانى كلها بمناسبة الفالنتاين

مع ان الفالنتاين ليس الا عيد تجارى لتصريف الكاكاو المحزر و مناسبة لرفع اسعار الدبب"ما ادرى شنو سالفة الرومانسية مع الدبب"

بس أمس و اليوم حسسونا ان فى استنفار عاطفى بالبلد

اتمنى من القائمين على ادارة المحطة مراعاة شعورنا و الحالة السيئة اللى عايشين فيها بسبب خروج عزوز أسود من الاكاديمية

هناك 16 تعليقًا:

LiL ALiEN يقول...

وزيدك من الشعر بيت

يقولون بدال اسقاط القروض .. بوزعون على كل مواطن كويتي دب ابيض .. وكيس حلاو "ابوبقره" وكيس حلاو "حلاّل مشاكل"

Krakatoa يقول...

هو ائيه القرف ده

سؤال..ضياء مساعيد ليش كله ويهه مدهن وتحس انه قاعد يتعصر

Diver يقول...

الصراحة ذبوحنا بالفلنتاين و الشباب و البنات صرف بهلفلوس على هلككاو و الدببة

ما يدرون ان الامريكان يطلعون مناسبات عشان الشركات تربح حتى العطلات الدينية لهم حولوها حق لرباح

الجهل مصيبة ياطويل العمر

kila ma6goog يقول...

تصدق امس اتمشى بأحد المجمعات التجارية

و ئبلييز لحد يسأل وين

لاحظت انتشار هبة عزوز الأسود, الشباب كلهم مقلدين ستايله

نفس القصة

نفس اللبس

نفس النظرة و الفلعة اللي بالحاجب

نفس الاسلوب بالكلام

نفس الجسم الراهي

والله مأثر بالمجتمع

bo9ali7 يقول...

مصاخة

عزوز الاسود منو؟

nachla يقول...

بو مريوم
انا وايد زعلانة ولو اني مدونه متواضعة جدا امام مدوناتكم ذات الحضور والضغاط الذي ما بعده ضغاط ولكن
ضربتين على الراس توجع
يعني عزوز يطلع من الاكاديمية وماني قادرة الاقي نيلا
اكيد من بعد الحرب ارسلت عليها هاكرز يخرب بلوقها تكفة وينها

لا تصير مثل مدام رولا وخلك ماشي يم السور مثل ما تعودنا عليك

eNTi7aR يقول...

كل كوم

وسؤالك المهم جدا جدا وبعد جدا

"شنو سالفة الرومانسية مع الدبب"

بعرف بس الظاهر فيه علاقه تاريخيه على
قصة الدبب..ثوره متعلقه بالدبب يمكن اذا ماعندهم ورده خلهم يعبرون بدب؟؟

او رمز اصلاحي قديم يمكن ..شكله دب

ابي اعرف

رمز الدب

بالحب

؟؟

LiL ALiEN يقول...

kila ma6goog
بومريوم مسوي حركة حواجب عزوز الاسود وذاك اليوم قاعد يتمشى بالفنار ويوقع حق البنات

photo.noisrael.com يقول...

waa hoooOO ha ha

nice picture!
there is a copyright or we can use it? if you wish we will mention your name and address in the site :)

Alia يقول...

بو مريوم

خل الناس تترزق
للعلم: ما عندي محل دببة .. ولا محل كاكاو لونه أحمر محزر

واللون الأحمر والقلوب الحمر والدببة لايعة جبدي منهم .. بس شنسوي مضطرين نشوف هالأشياء كل سنة

Alia يقول...

بو مريوم .. شنو سويت بنيلة

والله وطلعت مخملي وتروح ديوانيات عروقها بالماي .. إعترف بأي سجن حاطينها؟

Brava Valentia يقول...

واللي ما عنده فالنتاين ما يراعون شعوره؟

انا طلعت بذاك اليوم مع صديقتي عشان اثبت براءتي....فقط
;-p

kila ma6goog يقول...

يا جماعة

نيلة راح تنزل بيان خلال كم يوم

ترقبوا

ملاحظة: اللي قلبه رجييج لا يقرأ البيان

بومريوم يقول...

lil
راح يوزعون حلاو بو بشر..لان احنا صرنا بقر

karakota
لانة دينامو المحطة

diver
لا و كاكاو محزر

مطقوق
ان خسر الاسود فكلنا أسود...
صج نيلة زعلانة من سالفة السوشى؟

bo9ali7
ما تعرف الاسود؟
محطم قلوب العزارى
امل الامة..
صدمتنى صراحة

enti7ar
لازم بحث تاريخى موثق عن هالموضوع

photo.noisrail
افا عليك..انت تدرى المجونة كلها تحت أمرك

alia
بلاش اشاعات

brava
اك اليوم المارينا حسسونا ان اللى ماعنده فلنتاين مرتكب دنب لا يغتفر

3abeer يقول...

يسلم فمك يا بو مريوم

وسالفت الكاكاو المحزر هذه ... صج

violinist_q8 يقول...

dob labs wzar a7mar ?!

hatha dob yamany !