قبل كم يوم...دق الجرس بعد صلاة العصر تقريبافتحت الباب و لا واحد..دايم اشوفة بالمسيد
سلام سلام
انا فلان الفلانى..و بغيت اتكلم معاك شوى
حياك و دشينا البيت
بدا يتكلم و يقول ان اليوم فى درس بعد صلاة العشا..و عن الدعوة الى الاسلام...
شوى..و لا ولدى الصغير..ساحب صورة شكبرها حق لينين..يبا صورة يدى
عندى بروجت شغال عليه و كله صور شيوعية..و كل ما سالنى منو هذا اقوله هذا يدك
و طبعت براسه
اول ما شاف الصورة..تعوذ بصوت عالى..اعوذ بالله اعوذ بالله
شوى و لا ساحب صورة ماو
حسبى الله و نعم الوكيل
اللى خربها عاد..يوم سحب بوستر كبير
مكتوب عليه الشيوعية هى الحل
اشوف كانه كاتين عليه ماى بارد
فز او بالاحرى نط
الله يهديدك الله ..و مشى
بعدها اشوف الفريج تغير..السلام صار ثقيل
محد قام يلعب مع العيال
و الله خربها اليوم الصبح كاتبين على سيارتى بالغبار
سيارة الشيوعي الملحد!
هناك 16 تعليقًا:
هذا شاللي جابه عندك من الأساس؟ أكيد أحد قايل له انك شيوعي ملحد وجاي ياخذ فيك أجر... بس شوف شلون غسل ايده منك بسرعة وانحاش
تتغشمر و الا صج؟
زيدون
ما ادرى...مع انى مصلى مسمى الحمد الله
و يشوفنى بالمسيد:)
مطقوق
صج صج:)
و على فكرة..
انا بالثمانينات كنت منهم..جماعة التبليغ و كنا نفتر على البيوت
و الله كانت احلى ايام و لهم بقلبى معزة
سوري بس لووول
انت مو كاسر خاطري
عيالك الي كاسرين خاطري مالهم ذنب
و الاخ هذا شهالديانه
حتى لو صج انت شيوعي ينصحك و يستر على ما واجه مو يمشي و يفضحك بالفريج حسبي الله عليه
ان شاء الله يومين اتنين و ينسون و اذا ما تمش برمضان تولاهم تطرش من ذيك المواعين الطيبه نظام اترس البطن تستحي العين و الي فيه الخير يأدمه ربنا
خطبة اليمعة الياية عليك
بس قولي أي مسيد عشان أتطمش على الخطبة
لول
بعدين صج انت شيوعي ولاتغشمر وليش؟
عيل وين أستر على اخيك في الدنيا
وين حسن الجوار
وين الدين المعاملة
لووووول
ماشاء الله ما ينخش عنده شي بو نصيحة
الحل انك تطلق اللحية
صج عاد الله لا غشمرة
ايا الملحد:P
الحل تلقي فيه محاضره بالمسيد من انتقالك من الالحاد الى الاسلام وتشوفهم يباركون لك ويهللون فيك والي كاتب على سيارتك الشيوعي الملحد يكتب عليها كان ملحد وشيوعي واسلم الحين الله اكبر
جم صوره و هيج يسون .... شلون إذا طأبين البلوج مالتك?
فضيحه عالميه ...
P:
ها يعني الداعي إلى الإسلام رأسمالي؟
ودي اصدقك
بس ما اقدر
اعرف سوالفك
الظاهر كان بيعطيك تذكرة ون واي للفلوجة بس خيبت ظنه
ههههههههههههه سيارة الشيوعي الملحد
زين يا معود دير بالك
لا يصدرون فتوى بهدر دمك بس ؟؟
بدال كتابه تحصل مفخخه صغيره :))
اخ اخ لو علمو من هو لينيين.
ومن هو ستالين .
ومن هو ماركس وفويرباخ وهيجل .
إرسال تعليق