الأربعاء، نوفمبر 19، 2008

جائزة الموظف المثالى

who`s your favorite james bond?


Image Hosted by ImageShack.us



-------------------------


Image Hosted by ImageShack.us

على راسى الصوماليين و الله
أمس أقول حق صديقى الصومالى ..الناس تخطف سفينة صيد...مركب صغير...سفينة حاويات..مو ناقلة نفط!

ناقلة نفط طولها 330 متر...شلون ركبوها

أتخيل الحوار بين القراصنة قبل العملية بيوم

ها شعندكم باجر..
و لا شى و الله شغلة بو ساعة..ناقلة نفط و رادين

يعنى تخيل وظيفتك قرصان
داق على الربع بالدوام..ها شنو أكو شغل باجر
أبد شغلة صغير..ناقلة نفط و سفينتين و رادين

و لا مالك خلق تداوم و ما خذ طبية

تهقون لة عندنا قرصانة بالكويت..يسوون اضراب عشان الكادر؟

هناك 16 تعليقًا:

Diver يقول...

احسن جيمس بوند من الصور الي انت حاطها
الفريق اركان حرب المناضل المقاتل الذي لا يشق له غبار صاحب الصولات و الجولات (لا يروح بالك على جولات الجلاب موقصدي جذي) الفارس الهمام الذي لا يشق له غبار السيد العضو(قصدي عضو مجلس الامة بعد قلت لا يروح بالك بعيد عبالك عضو ثاني) المحترم العم ناصر دويلة


اما عن سالفة الصوماليين
تبي الصج انا ما اضن انهم قراصنة
ان اعتقد انهم شباب فاضين لا وظايف و لا شي و قاعدين على البحر قالو شرايكم نخرع الناس يعني بسوون دقات
و اول مرة سووها عطوهم فلوس و لبقت معاهم كملو

nanonano يقول...

طبعا أنا شين كونري من غير منازع

الصوماليين توهم بعد ماخذين 3 سفن يدد
شادين حيلهم..يحليلهم

وظيفتي قرصانه؟
هاهاهاهاها

يا ريــــــــت

ARTFUL يقول...

ما يبيله القلاف

جمال ووسامه
وحسن وجسم وكاريزما ولياقة وليونه

بس كامل والكامل الله زز وخوذته منه وفيه

p;

esetch يقول...

LOOOOOOOOOOOOOOOOOOOOOOOL

ماتيوز من سوالفك

ما يبيله شون كونري
القلاف من بعد ما مثل وما خلوه أهل الرميثية يرجع يمثل خلاص تمثيله ما عاد مقنع

الطبطبائي كل أفلامه فاشلة

Mohammad Al-Yousifi يقول...

أمتنع عن التصويت بسبب تجاهلك المتعمد للنائب الفاضل محمد براك المطير

Maximilian يقول...

ما يبيله كلام

اكيد الجنرال ناصر الدويلة

صراحة عجبني امس لمن يقووول عالعربية

هالاستجواب عبارة عن مرقة لووووول

أبو لطيف يقول...

يخطفون سفينة .. قديمة

عندنا يخطفون .....

والله المستعان

soreal يقول...

the funniest thing about this piracy issue is that the somalies did it using wind based sailing boats

technology khre6ty 6al 3omrak :P

ابوالوليد يقول...

والله مو شوية الصوماليين

طلع عندهم قدرات خارقة

ومحسوبين علينا عرب

mtfa2el يقول...

و الله هالصوماليين الجدعان مال يصيرون أعضاء بمجلسنا يمكن يسوون شي
بس ناقص نشوف منو الخرافي مالهم

JiBLa CiTY يقول...

اتخيل زعيمهم حاط القطعة السودة اللي مغطي فيها عينه وحاط الكاسكو على الجتف وبريله الخشبة مركبه على ركبته
لا ويشرب قدو بعد
خخخخخ

الوكيح يقول...

المفروض تقول ماتاهاري على هالصور لأني ما اشوف رياييل . نقدر نسميهم ذكور بس صفه الرجوله مفقوده

ملاحـظـة يقول...

شووووووووون
كوووووونري

اما الناقلة
اموت و اعرف شلون راح يبيعون الحمولة
خصوصا ، اللي يضحك انهم يبون فدية 250 مليون دولار و هو رقم اكبر من قيمة النفط اللي عيلها..بس قالوا نضرب بالعالي عشان اذا ما اقروا الكادر الا عندنا خير

Musaed يقول...

ناس تخطف ناقلة محملة 150 مليون و طولها 330 متر و ناس تخطف قهوة بو مريوم !

كمبيوترجي يقول...

انا قايل لكم ان الافلام الاجنبية سبب رئيس للأنحراف .... وهالقراصنة ماهم الا مساكين تأثروا في فلم (( قراصنة الكاريبي))الجزء الاخير وقالوا حق بعض او ما قاموا من النوم شرايكم ((انقرصنها))؟؟..... وهوبا قامو من النوم الي راح يشتري بازوكة والي طفاحية ام بطة والي كلاش والي خيوط وباكيت ميادير وصار الي صار بس اللي بيسأل شلون وقفوا الناقلة ترى ما في الا جواب واحد واهو (( فششوا توايرها ))
:")

كويــتي لايــعه كبــده يقول...

القلاف... جمشير القلاف
(على وزن "بوند... جيمز بوند")