أمس نازل السوق أشترى رهش من الشمالي..
الديرة تغيرت ملامحها...أحلى شي العمارة الملتوية..المفروض يسمونها برج فيفى عبدة...
المهم..
كل هالعمارات تدل على ان احنا عندنا فلوس وايد و نقدل نوظف اكبر الشركات المعمارية
شنو راح يكون داخل هالابراج مو مهم..
مكتب بيع اقامات...مكتب توظيف أموال
العمارات ملتوية او طولها كيلو..جزاز او رخام ليست اثبات للتطور اللى نحاول نوهم نفسنا انة حاصل
الكويت خذت الريادة لانها فكرت بطريقة ثورية
ثلاث مشاريع ثورية تعكس الحالة اللى كنا فيها و شلون كنا نفكر
-ثانوية شويخ
-المرسم الحر و التفرغ الفني
-مدينة الاحمدي
على كثر جعجعاتنا اللحين و كذباتنا الكبيرة و تطلعاتنا الكبيرة
الموضوع وايد اسهل مما نتصور
كل اللى نحتاجة هو التفكير بطريقة ثورية
هناك 20 تعليقًا:
مشكلتنا بالاهتمام بالتوافه و فقداننا لتقدير الامور صح ،، توجه المجتمع للمادية ادى للمطالبات باسقاط القروض التي هي من فعل ايدينا! و من كثر ما نبقق عيونا و نشوف البوق و نشوف الهبات للدول اللي لا تعليق عنها! من باجر يسبوننا و من اشهرهم اللي بنينا لهم جامعات و من فتره بسييييييطه كلونا بقشورنا بجرايدهم
عارفهوم؟
نرد للحقلة اللامنتهية من الفساد ،، البوق خلى البعض اغنى و صار الحين المقياس اشكثر تبوق مو تبوق او لاء!؟ بالتالي الفائض اللي يروح لدول أخرى يخلي الناس تقول وين الفلوس، هذيلا باقوا و هذيلا خذوا لانهم يكسرون الخاطر و احنا وين؟
حبيت ابين بعلاقة تعليقي باللي انت كتبته بكيفية علاقة المادة بتنمية الكويت و منو خذا اولويه على منو
التعليق تصغير للواقع
لو فينا من يقول ركزو على الرعاية الصحية و اللي يرحم لي والدينكم بدال الدفاع اللي تنهال عليه الفلوس و اخرتها مناقصات حق صور تاخذ حيز من الميزانية بدال ما نصرف هالفلوس و اننفع فلان و فلنتان خل يصير عندنا مستشفى سنع
تنويه: انا مو من مؤيدي اسقاط القروض ولا معارضيها لكن مع ان تصرف هذه الاموال على الكويت! و الكويت فقط! موضوع اخر هالسالفة ،، بس حبيت اني اعطي مثال عن طريقة التفكير الكويتية الاستهلاكية الحالية ،، بغض النظر عن مشجعيها من اصحاب الكروش الكبيرة لانهم المستفيدون بالنهاية من المبالغ النقدية الصغيره التي يصرفها الفرد ،، عورني راسي
منو اللي يفكر بطريقة ثورية..صج والله منو صاحب قرار ويفكر بطريقة ثورية كل اللي عندنا تفكير ثواري مو ثوري..!!
==
اقول بومريوم..شفت العمار اللي بالجابرية جبال حولي اللي صاحبها حاطلها اضاءه صفرا تقول جهاز القضاء على البق بحجم اكس اكس اكس اكس لارج
أحب العمارات
والله صاج
احنا دايما نقيس التطور في البلد بالعمران والمولات
وهذا الي مخلي رجل الشارع العادي دائما يشوف دبي احسن من الكويت يعني مو على اساس علمي او اقتصادي بس المولات هي مقياسهم
أبا مريوم
العمارات الجديدة لها وظيفتها
تذكر كم محاولة إنتحار لفلبينية و بنغالى من على جسور المشاة و لا من العمارات القديمة و البيوت أم ثلاث طوابق؟
كثيرة.., أغلبها فاشلة
تنتهى بشوية كسور و كدمات...و طراقات من المعزب
من تنبؤاتى السوداء - و هذى وحدة من سلسلة راح تنشر قريبا للترحيب بالعام الجديد - ستزداد حالات الإنتحار بين الكويتيين ...مثل الوباء
مو كل واحد يملك سلاح فى بيته - الجدور و هوز الحديقة أسلحة بيضاء - ...و بالتالى العمارات الشاهقة و الأبراج ستفى بالغرض ...
و هم الواحد يتمتع بمنظر جميل و هو طاير بالهوا..و عنده متسع من الوقت و يمديه يتصل من موبايله و هو طايح رواسى و يقدر يدز رسائل قصيرة ..يطلب بيتزا.....إلخ
إذا حجت البقر على قرونها
ثورية و اهو قاعد على كرسيه 30 سنة، اهو يبيله مشاريع ثوارية بس علشان نقومه من مكانه، لازم نجدد الدم في مناصبنا الحكومية، لازم نسكر الحنفية، و لازم نحط لنا واحد يقعد يجابل 10 سنين على الاقل، لازم نييب لنا شركة او مؤسسة للدراسات و التخطيط من جميع المجالات، نبي من سنغافورة علشان يسوون ثورة ثقافية اجتماعية، نبي تخطيط اداري و نبي رعاية صحية و نبي تعليم من اليابان مو امريكا و نبي بفلوسنا نرجع تراثنا، و نعلم عيالنا و ما نخاف من احد، نقول لهم كان فيه غزو، و كان فيه حل للمجلس، و كان فيه بوق و فساد، و نعلمهم ثقافة جنسية علشان يعرفون يتفادون وحش حولي و باجي البهايم من شاكلته.......!!!؟
حجي طويل ماله اول و لا له تالي كلنا عارفين شنو الحل، بس ليش ما يطبقونه، ما يستحون لما يشوفون الباجين سبقونا، و بعدين ليش ما تاخذ رهش الوطن في فرع بالفيحا قريب اذا تبي......!!!؟
شركة عامة مساهمة لبيع الخردة !! فكرة ثوارة و ليست ثورية
الديره تحتاج عصف ذهنى
لوول
و عقب شوف الافكار بكل انواعها
و يبقى التطبيف بالخطه اللى ما حددوا وقتها
احنا ديره على البركه
الكويت المؤقته
:(
شخباري سوق بالديرة!!
السوق الوحيد بالديرة الي ممكن تروحله هو الراية
حدك مو كول
:)
من له خلق يفكر الناي لاهيه بشي اهم خاصه وانت ستار اكاديمي على الابواب ويبيله حمله كبيره لصد هذا العدو عنَا
إذا جذيه، عيل احنا حتى في وهم أنفسنا فاشلين
كويتنا صارت لا شكل ولا مضمون
اي والله نبي نخصب منوي و نبي نصنع سيارات و دبابات بعد....شنو يعني السيارات اصعب من الرهــش...حتى لو اصعب..ماراح تكون اصعب من الدرابيل
!!
انت اذا تقصد برج الحمرا...دش موقعهم و اضحك...جنهم حاسين فيك
www.alhamra.com.kw
ديرة الشياب وينها و السنع وين
والله ياخوك نحتاج ان اهل المناقصات لا يبوقون كل شي خل يسوون بنص الفلوس الي يبوقونها مشاريع
وبعدين لازم الحكومه تشد على الي مشروع يطول اكثر من الوقت المتفقين عليه
وحده من البلدان الي ميزانيتهم نصها من الكويت والنص الثاني من السعوديه سووا خط سريع بين الجبال بسنه ونص
وسووا نفق بشارع رئيسي بست شهور
واحنا لنا الله
chill
المشكلة مشكلة ادارة
ساعات المركزية بالقرار لها فوايد
الوضع الان الكل يبى يصير نوخذة
كركوتا
الديكتاتورية هى الحل
شفتها!
مطقوق
العمارات حلوة بس لا نخليها مقياس للتقدم و النمو
فريج سعود
ليش دبى غير؟
تصدق حتى لو تشيل كل المولات و العمارات هم تبقى غير
لان فيها فكر ادارى متميز
اذكر قبل سنة او أكثر واحد فطحل اقترح نسوى خور بالكويت
شفت الخيبة اللى احنا فيها
بوجيج
ليش حالات الانتحار بتزيد؟
شرقاوى
فى أمل تحج و الله:)
اكزومبى
و الله الموضوع أبسط من جذى
الاشياء الصغيرة اهى اللى تصنع الفرق
حلم جميل
مثل الشركة المساهمة لبيع المواطن
براقش
و الله احنا اللى نحتاج عاصفة تشيلنا و تغير اسلوب تفكيرنا
whitewings
مو شي الرهش اللى بالراية
حمودى
و فزعة اخرى
شيخة
احنا فى وهم كبير صنعتة حرب العراق
بعدين تدفق العقود الامريكية على الشركات الكويتية و ارتفاع البورصة الفلكى
أعتقد احنا الان بالنهاية
نهاية الوهم
الوضع العراقى مو مبين له نهاية
العقود الامريكية كلها فيها شبهات رشوة و تحت التحقيق
الانسحاب الامريكي من العراقى حتمى اذا مو اليوم باجر
AnGlOpHiL
ما نبى شى و الله
نبى المعاملة بالشؤون تخلص بنفس اليوم
بوحامد تصدق مشكلتنا مو البوق
سوء ادارة بس
me no get what you said
judy
البوست الياى نحط صور توضيحية
احب المباني الشاهقه بس ماحب فيفي عبده (:
عمارة فيفي عبدو
looooooooooooooool
ماعتقد ان حكومتنا عندها التفكير الثوري
حكومتنا حدها دايخة وما تفكر الا بيومها
إرسال تعليق