الاثنين، يونيو 25، 2007

عندر جراوند


ليش الحكومة ما توحد أسعار الرشوة بالدوائر الرسمية؟
أو على الاقل تعلق تسعيرة أو الاحسن تحط شباك لمعاملات الرشاوى
يعنى تخيل رايح تخلص معاملة..بالشئون أو بالبلدية مثلا يسألك الموظف..تبيها برشوة و لا بدون؟
الوضع عندنا كالتالى الادارات الرسمية..معظمها منقسمة الى اثنين
ادارة على السطح و ادارة اندر جراون
تلقى معاملتك تاخذ لها شهر بالطرق الرسمية و يمكن تضيع العكس
لو سلكت أمورك..تخلص بيوم أو يومين

أتوقع لو نقلب المعادلة الكويت تصير أحسن دولة و الامور كلها تمشى بدون تعقيد

هناك 11 تعليقًا:

Krakatoa يقول...

للاسف يا بومريوم الناس قامت اتكلم بالرشاوي جنها شربة ماي..


وناس قاعد تاخذها جنها بونص فوق البيعه...ومنطق انها حرام وملعون من عطاها ومنواخذها ماخذ ريست من قلب

بعض الضمائر في سبات عميق...

moodless يقول...

صح لسانك يا بو مريوم
المشكلة ان الكل يعلم والكل لا يريد ان يتحدث، ابتداء من اصغر موظف الى الوزير ربما!

على قولة
Krakatoa

بعض الضمائر في سبات عميق، وللأسف كثر

غير معرف يقول...

بو مريوم

عاد ما طريت هالموضوع المهم الا يوم استجواب الجراح ؟

LiL ALiEN يقول...

تصدق عاد .. في البلديه حتى الطابع اللي بالمكاين تاخذها علشان تخلص معاملاتك بالواسطه والرشاوي

mtfa2el يقول...

بالصراحة احلى
هذا اهو
ولا كل واحد
يحط تسعيرة على مكتبه
معاملة = 100 دينار
معاملتين - مع الخصم = 150 دينار
ثلاث معاملات = ب 200 دينار
جذي الناس تمشي صح

Fahad Al Askr يقول...

الله يا زين مصر، خمسة جنيه تمشي أكبر معاملة بالبلد

kila ma6goog يقول...

عطني رشوة و أمشي اقتراحك

White Wings يقول...

ونبي بجانب شباك الرشاوي شباك للواسطات ثم شباك للمقرودين الي ما عندهم هذا ولا ذاك
:)
اقتراح لطيف جداً

Diver يقول...

بومريوم
اول شي تسويه اذا عندك معاملة حكومية تشوف البنغالي الي يشتغل بالادارة تعطيه المعاملة و جم بيزة و انت مرتاح لا وسرع من كل المعاملات

أبو إسحق يقول...

حزتها نصير جمهوريه خليجيه

Brava Valentia يقول...

i second white wings

ذاك اليوم ياي واحد يبي يمشي بالواسطة, زرعته زرعه نصها يكفي...وآخر شي ما وقعت له...هذا اللي ناقص والله