الأحد، يناير 28، 2007

تجارة ممنوعات



لازم يمنعون
الرهش بالكويت,وتصنيفة ضمن الممنوعات , و معاقبة كل من يتاجر فيه و يصنعه
مع السماح بالكميات الصغيرة للاستخدام الشخصى,بشرط عدم الاستخدام مع الخبز الايرانى الحار

قمة الكرم:انك تعزم صديق بشوكلت بار
قمة النذالة:انك تدرى ان هذا الصديق مريض بالسكر

انا ُأطالِب ِبمُحاكَمة الشمالى مُحاكَمة عَسكرية

هناك 10 تعليقات:

nEo يقول...

شكله سكرك مرتفع واصل السما !


سلامات :)

neelaah يقول...

بو مريوم
صراحه احترمتك
على اختيار شوكلت بار
لانه بالفعل اعظم كاكاو
اهو و الكيت كات


شفت شلوون انا ما قلت جوديفا

علشان تصدق اني خيشيه

LiL ALiEN يقول...

مشكلتك انك ضربت على الوتر الحساس .. ويبتها 2 في 1

الكاكاو والرهش مشكله .. خصوصا اذا اجتمعوا

انا آكل مكعبات الرهش المغلف بطبقة الكاكاو اللي عند الشمالي .. لكن بعدين اتحسف قد شعر راسي .. القولون ينبط عندي

2 u ALL يقول...

عليكم بالعافيه

رهش وخبز "أيراني" مسمسم حار .. وجاي حليب ... بالخيمه .. بالبر .. والجو بارد .. "قطو طقيته بمصير" .. ترى ما تاكل ألا العافيه

شرقاوي يقول...

بو مريوم،

محاكمة عسكرية، مرة وحدة؟

ليش ما يكون حوار؟

أولاً الرهش من العادات و التقاليد. بس الكاكاو دخيل.

ثانياً نطالب الشمالي بصنع رهش بدون سكر. بس السكارين له تأثير سئ على المصابين بالسكر، مثل الشكر العادي.

ولكن نضيف شرط تقديم النخي و الباجلا . دكان مجاور لبيع النخي و الباجلا للمصابين بالسكر. و يصغر الماعون.

إحنا أهل سلام، و مجادلة بالتي هي أحسن، و مالنا خلق محاكمات عسكرية...

Zaydoun يقول...

2 u all
جبتها ريت!! ماكو أحلى من الرهش

neelah
جوديفا أصلاً حق الهيلق اللي حسبالهم انه كشخة، والا ترى ما ينبغى

الكويتي الحر يقول...

اذا الشمالي بتحاكمة
عيل الوطني شبتقول فيه
جربه .. وتشوف

بومريوم يقول...

Neo
اى و الله..من اول الشتا و انا مو عارف اضبطة

نيلة
شنو جوديفا؟
نوع من أنواع التمر؟
لان احنا ما نعرف الا البرحى و السكرى و هالسوالف
بس انتوا يا المخمليين حتى تمركم غير

الين

شرايك نتشارك؟
اعطيك نص قولون و تعطينى نص بنكرياس

2 u all
اى عافية..السكر و صل الف
قمت لمن اعطس يطلع من خشمى سكر بودر

شرقاوى
لازم محاكمة لان اللى قاعد يسوية الشمالى يعتبر اباده جماعية و تطهير عرقى

زيدون
على تعليقك هذا انا بسميك ملك المخملييين:)

الكويتى الحر
الوطن اعدام رميا بالرهش و الحلوى

Tekana يقول...

المشكله انه لما يصير فيك سكر يزيد حبك حق الكاكاوات والرهشات سبحان الله جنه الواحد يعاند بس فيه سؤال مهم يطرح نفسه شلون تاكلون خبز ورهش احس مو شي :P

Zaydoun يقول...

افا يا بو مريوم

ترى من صجي ما أواطن جوديفا وهالسوالف المليقة.. عطني كاكاو الجمعية كيت كات ومارز وكادبوري